Stepan Atoyan

Stepan Atoyan

Shaxsiy maʼlumot
Toʻliq ismi	Stepan Melikovich Atoyan
Tavallud sanasi	13-iyul 1966-yil (1966-07-13)
Tavallud joyi	Boku, Ozarbayjon SSR, SSSR
Boʻyi	173 cm (5 ft 8 in)
Ampluasi	Yarim himoyachi
Yoshligida aʼzo boʻlgan klublar
1976–1984	Neftchi (Boku)
Professional faoliyati*
Yillar	Jamoa	Isht.	(Gol.)
1989-1991	Köpetdag Aşgabat	93	(6)
1991	Soʻgʻdiyona	8	(0)
1992	Temiryoʻlchi	25	(3)
1993—1995	Neftchi (Fargʻona)	73	(14)
1995—1996	Proodeftiki	28	(1)
1996	→  Provitan	0	(0)
1996—1997	Neftchi (Fargʻona)	40	(20)
1997—1999	Proodeftiki	17	(4)
1999—2000	→  Xalkidona	7	(1)
2000	Atromitos	8	(0)
Milliy terma jamoa
1995—1996	Oʻzbekiston	9	(0)
Boshqargan klublari
2001—2002	Akademiya (U-13 dan U-19 gacha)
2003—2004	Kopa Renti
2004—2005	Fostiras
2011—2012	Kaliteya
2012—2013	Proodeftiki
*Professional klublardagi gollari (ichki chempionat)

Stepan Melikovich Atoyan (armancha: Աթոյան Ստեփան; 1966-yil 13-iyulda Bokuda tugʻilgan) — sovet, oʻzbek va yunon futbolchisi. Hozir murabbiy sifatida faoliyat yuritadi.

Faoliyati

Klublarda

Bokuning „Neftchi“ jamoasi tarbiyalanuvchisi hisoblanadi. 1989-yildan 1991-yilgacha Ashxobodning „Kopetdogʻ“ jamoasida oʻynab, 93 ta oʻyin oʻtkazib, 6 ta gol urgan. 1991-yil oʻrtalarida Jizzaxning "Soʻgʻdiyona" klubiga koʻchib oʻtgan va yarim mavsum shu klubda oʻynagan.

SSSR parchalanganidan soʻng mustaqil Oʻzbekistonda qoldi va 1992-yil boshida Qoʻqonning „Temiryoʻlchi“ jamoasi bilan shartnoma imzoladi va bu jamoada bir mavsumda 25 ta oʻyinda maydonga tushib, 3 ta gol urgan. 1993-yilgi mavsum boshida Fargʻonaning „Neftchi“ jamoasiga oʻtib, 1995-yilning oʻrtalariga qadar ushbu jamoada oʻynagan. Bu vaqt ichida jamoa yetakchilaridan biriga aylandi va ushbu mavsumlarda 73 ta uchrashuvda maydonga tushib, 14 ta gol urishga erishdi. 1995-yil oʻrtalarida Gretsiyaning „Proodeftiki“ jamoasiga oʻtdi va bir yarim mavsum shu klubda oʻynadi.[2] 1996-yilda bir muncha vaqt Gretsiyaning boshqa „Provitan“ klubi aʼzosi boʻlgan. 1996-yil oʻrtalarida Fargʻonaning "Neftchi" jamoasiga qaytdi va 1997-yilning oʻrtalariga qadar bu jamoada 40 ta oʻyin oʻtkazib, 20 ta gol urgan. 1997-yil oʻrtalarida yana „Proodeftiki“ jamoasiga oʻtgan va 1999-yil oʻrtalariga qadar ushbu Gretsiya klubida oʻynagan. 1999-yil oʻrtalaridan 2000-yil oxirigacha Gretsiya klublarida oʻynagan: „Xalkidona“ va „Atromitos“, u yerda futbolchi sifatida professional faoliyatini yakunlagan.

Terma jamoada

1995—1996-yillarda Oʻzbekiston terma jamoasida oʻynagan. Atoyan milliy terma jamoadagi debyut oʻyinini 1995-yil 18-iyulda Malayziyaning „Merdeka“ kubogida Vengriya terma jamoasiga qarshi oʻtkazgan. Stepan Atoyan Oʻzbekiston milliy terma jamoasi safida jami 9 ta oʻyin oʻtkazgan boʻlsa, shulardan uchtasini 1996-yili BAAda boʻlib oʻtgan Osiyo Kubogida oʻtkazgan.

Murabbiy sifatida

Futbolchilik faoliyatini yakunlaganidan soʻng, Atoyan Gretsiyada qolib, murabbiylik faoliyatini boshlagan. OFKning murabbiylik diplomi, B toifali murabbiylik diplomi va UEFA litsenziyasini olgan. Gretsiya futbol akademiyasida murabbiylik faoliyatini boshlagan va 13 yoshdan 19 yoshgacha boʻlgan bolalar, oʻsmirlar va yoshlar jamoalariga ustozlik qilgan. Keyinchalik turli ligalarda oʻynaydigan turli Gretsiya klublariga murabbiylik qilgan.

Yutuqlari

Jamoaviy

„Temiryoʻlchi“

• Oʻzbekiston Kubogi finalchisi: 1992

„Neftchi“ (Fargʻona)

• Oʻzbekiston chempioni: 1993, 1994, 1995
• Oʻzbekiston chempionati kumush medali sovrindori: 1996
• Oʻzbekiston kubogi sohibi: 1994, 1996

Shaxsiy

• Oʻzbekistonda yilning eng yaxshi futbolchisi nominatsiyasida uchinchi oʻrin: 1993

Havolalar

• Stepan Atoyan National-Football-Teams.com saytida
• Official Facebook Profile