Capeło (micołozia)

El capeło, o capeła, in micołozia, ła ze ła parte del fongo metesta sora del ganbo e che el ghe da ła clàsega e tìpega somejansa a na onbreła verta.

Dimension

Inte ła descrision de on fongo łe dimension del capeło, unie a altre caraterìsteghe morfołòzeghe, łe costituise on ełemento de distinsion e ùtiłe al reconosimento de ła spece.

Łe indegasion de grandesa, łe ze de sòłito esprimeste in sentìmetri, riłevada in fonghi de mèdia età.

Se połe catar inte ła descrision ła definision de "picenin", "mèdio", "grando", che el se rifarise rispetivamente a fonghi co capeło de diàmetro inferioro a 3–4 cm, co diàmetro màsemo de 8–10 cm o superioro ai 10 cm.

In racuante spece, cofà chełe apartegnenti al zènaro Coprinus e Conocybe, che łe ga el capeło metesto in vertegałe, ła vien indegada na segonda dimension, o sia l'altura.

Forma

In tute łe spece de fonghi co ganba e capeła, inte ła crésita, el so capeło el ciapa su par zo ła istesa somejansa: pena che el vien fora el ze globułozo, dopo, verzéndose, el devien semisfèrego, conveso etc.

Inte łe vàrie spece el połe ciapar forme difarenti, łe pì conoseste łe ze:

sfèrego-globulozo	semisfèrego	conveso	unbonà-otuzo	unbonà-acuto	cònego-otuzo	ovoideo
canpanułà-cònego	siłìndrego	campanułà	cònego-acuto	unbelà o deprimesto inte el sentro	infundibułiforme	ondułà

Màrzene

Inte i fini del reconosimento, rełevar ła forma del màrzene del capeło e eventuałi retìcułi.

Forma

Tegnendo conto de come che ze fato el màrzene drio el perìmetro del capeło, el se definise:

unio o regołare, co ghe ze el contorno uniforme;
lobà, co el sègue el profiło de parte prominenti intervałae da insenadure;
sinuozo o ondułà, co ghe ze el contorno ondułà;
iregołare, co ghe ze el contorno frastajà co contìnui canbi de diresion.

Retìcułi

Tegnendo conto de come che ze i retìcułi, el màrzene el se definise:

esedente e apendegołà;
fransià e finbrià;
cejà.

Orientamento

El màrzene del capeło el połe variar ła diresion e angołatura rispeto al teren. Sto caràtaro el garà da èsar deinio inte łe vàrie età

In rełasion al pian orizontałe, el màrzene el połe èsar

	invołesto, col ze inrodołà verso basso
	recurvo o rodondà, col ze verso baso ma no inrodołà cofà l'invołesto
	distendesto, col tende èsar parałeło al pian orizontałe
	revołesto, col ze inrodołà verso alto