Trabant
 | |
| Tipo | automobile model series (en)   |
|---|---|
| Fabricante | Sachsenring (it) |
| Istòrego | |
|
| |
Trabànt l'éra el nome de na famoza automobile, prodòta da Sachsenring AG, n'asìenda automobilìstica de la Repùblica democràtica Tedésca (RDT). La Trabànt l'è sta mésa in produsion in i anni '50, i ultimi modèi i ze stè prodoti in el 1991, poco dopo che el muro de Berlìn l'è stà butà zo.
El progèto P50
[canbia | canbia el còdaxe]La Trabànt P-601 l'era sta inisialménte pensà come in moto-veìcolo a trì rùe, ciamà P-50, con drénto in motòr a do silìndri e do tèmpi da 600 cm³ e 25 cavài, ch'el nazéa a miscela. El motòr de la Trabànt no l'éra gràn veloce: el podéa nàr a 100 km/h in 29 secondi. La velocità màsima l'éra de 112 km/h, e po, el motòr el fazéa na gràn fumaréga, par via che el nazéa a miscela (no g'éra mìa n'impianto de lubrificasion) e quindi el bruzàa benzìna misià a ojo da motòr.
Sucesìvamente el progèto l'è stà cambià e la caroserìa convertìa in na automobile picenìna a trì volumi. La caroserìa de tute le Trabànt l'è sempre stà realisà in un materiàl plàstego, rinforsà con cotòn o cànapa, ciamà "Duroplast". El Duroplast l'éra na rézina plàstega gràn resistènte che la permetéa ałe goèrno de la Jermania Comunìsta de risparmiàr i schèj par la importasion de l'aciàio par la realizasion de le caroserìe.
I modèi
[canbia | canbia el còdaxe]
De la Trabànt i ze stè prodoti vàri modèi: quei par uso sivìl i éra la berlina e la jardineta. Po g'éra ànca na version militàr e una version "furgonà" sensa veri de drìo, da usàr come auto da laòro.
Tùti i modéi i g'avéa el solito motòr a do tèmpi.
Par via de la gràn crìsi econòmega che el goèrno de la RDT no l'è mai stà bòn de afrontàr, in la Jermània Est g'è sempre stà gràn carensa de materie gréze. La produsion mecànica l'è sempre stà gràn colpìa da sto fàto. Dopo la prenotasion, no l'éra quindi raro de aspetàr ànca fin a dieze ànni, prìma de compràr na Trabànt.
La fìn de n'icona
[canbia | canbia el còdaxe]Dopo la riunificasion de le do Zermànie, el mercà de la "Sachsenring Trabant P-601" l'è stà gràn colpìo da la concorensa capitalìsta de el mercà de l'ovest. Un pàr d'ànni dopo la riunificasion, la Sachsenring AG decide de seràr la produsion de le Trabant vìsto che l'è imposibile stàr drìo a la tecnologìa de le auto ocidentàli.
ałe dì de ancò la Sachsenring la produse tòchi de ricàmbio par el setòr automobilìstico.
| Controło de autorità | LCCN (EN) sh85136382 · GND (DE) 4139769-1 |
|---|