Paimio

Paimio (veps. i suom.)
Pemar (roč.)
	Lidnanznam;
Valdkund	Suomenma
Eläjiden lugu (2024)	11,247 ristitud
Pind	242,27 km²
Pämez'	Jari Jussinmäki; (kül'mku 2004—)
Telefonkod	+358-
Aigvö	tal'vel UTC+2,; kezal UTC+3

Paimio (mugažo suomen kelel, suomen virkand: [ˈpɑimio], roč.: Pemar) om Suomenman lidn da lidnankund Suvipäivlaskmaine Suomenma-agjas. Se om agjan ühesanz' lidn eläjiden lugun mödhe üks'toštkümnespäi.

Istorii

Eländpunktan aluz om pandud vl 1325. Paimio-kund sai lidnan statusad vl 1997.

Paimio šingotase asfal'tsegoitajiden «Amomatic»-mašinoiden tehmižel^[1], turizmal (nell' muzejad).

Geografijan andmused

Lidn sijadase agjan keskuzpalas, Paimionjogen molembil randoil (110 km pitte, suom.: Paimionjoki, roč.: Pemar å), sen lanktendanno Baltijan merhe.

Matkad agjan Turku-keskushesai om 27 km päivlaskmha kaikil teil. Matkad Hel'sinki-pälidnhasai om 128 km suvipäivnouzmha orhal, 142 km avtotedme vai raudtedme. «Turku — Hel'sinki»-mante i raudte läbitadas lidnad. Toižed lähembaižed lidnad (orhal i kaikil teil) oma Kaarin kaks'kümne kilometrad päivlaskmha i Salo 28 km päivnouzmha.

Vn 2022 andmusiden mödhe lidnankundan ühthine pind om 242,27 km², sidä kesken kuivma — 238,51 km², vezi da sokaz tahond ottas 1,53 nellikkilometrad, meri — 2,23 km².

Tobmuz

Paimion municipaline suim kogoneb 35 ezitajaspäi.

Eläjad

Vl 1980 kundan eläjiden lugu oli 8 366 ristitud, vl 2000 — 9 815 ristitud, vl 2010 — 10 402 ristitud, vl 2020 — 10 848 ristitud. Kaikiš suremb lidnankundan ristitišt om nügüd'. Ristituiden koume nelländest elädas lidnankundan keskuses, sen toine nimituz om Vist (suom.: Vista).

Mamankelen mödhe (2016): suomen kel' — 97,0 %, ročin kel' — 1,0 %, toižed keled — 2,0 %.

Galerei

Lidnan ofispert' (2012)
Paimion Ph. Mikoin jumalanpert' (1698), vn 2012 nägu
Sanatorii vl 2011 (Alvar Aalto-arhitektor projektirui vl 1933), Turkun universitetan läžundkodin pala
Paimion raudtestancijan sauvuz vl 2008