Chicago Bulls
De Chicago Bulls is een Amerikoansche basketploeg in den NBA. De Bulls speeln in de Amerikoansche stad Chicago in de stoat Illinois. De ploeg won zes van de acht NBA-titels in de periode 1991 tout 1998. Met die zes titels stoan de Bulls ip de derde plekke achter de Boston Celtics en de Los Angeles Lakers, mè zestien en veertien titels.
Geschiedenisse
[bewerkn | brontekst bewerken]De Bulls is ‘t derde NBA-team dat in Chicago speelt. Vodien woarn d’r de Chicago Packers/Zephyrs (die nu in Washington D.C. speeln ounder de noame Washington Wizards) en de Chicago Stags (1946-1950). In ‘t seizoen 1966-1967 speeldegen ze vo ‘t êerst in den NBA en woarn z’al geplatst vo de play-offs. De glorietyd van de Bulls was vanof 1984, os ze Michael Jordan koozn in de draft. In z’n êerste seizoen et ‘n al de teamrecords gebrookn. De beste periode was in de joarn '90, mè klassespelers lik Michael Jordan en Scottie Pippen, en de succescoach Phil Jackson.
Gekende spelers
[bewerkn | brontekst bewerken]De gekendste speler van de Chicago Bulls is zounder twyfel Michael Jordan. Andere gekende spelers, die tegoare mè Jordan de glorietyd meemaktegen, zyn o.a.:
- John Paxson
- Bill Cartwright
- Horace Grant
- Steve Kerr
- Scottie Pippen
- Dennis Rodman
Erelyste
[bewerkn | brontekst bewerken]- 6 NBA-titels (1991 (finale teegn de Los Angeles Lakers), 1992 (Portland Trail Blazers), 1993 (Phoenix Suns), 1996 (Seattle SuperSonics), 1997 (Utah Jazz) en 1998 (Utah Jazz))
- 6 Eastern Conference-titels (1991, 1992, 1993, 1996, 1997, 1998)
- 7 Central Division-titels (1975, 1991, 1992, 1993, 1996, 1997, 1998)