Elbe
De Elbe (Tsjechisch: Labe) is één van de belangrykste riviern van Centroal-Europa. 't Oentspryngt in 't Reuzegebergte in 't noordn van Tsjechië, 't deurkruyst e groot deel van Boheemn (westelyk deel van Tsjechië), ton Duytsland en 't moendt uyt in de Noordzee by Cuxhaven, 110 kilometer te noordwestn van Hamburg. De totoale lengte is 1094 km.
De belangrykste zyriviern van de Elbe zyn de Moldau, Saale, Havel, Mulde, Schwarze Elster en de Eger.
't Stroomgebiëd van de Elbe en heur zyriviern is 148.268 vierkante kilometer groot. 't Omvat vier landn, moa 't ligt bykans helegans in Duytsland (65,5%) en Tsjechië (33,7%), oengeveer twèe derdn van 't groendgebied. E kleen deel ligt in Oostnryk (0,6%) en Pooln (0,2%). 't Stroomgebiëd van de Elbe wordt beweund deur 24,4 miljoewn menschn. De grotste steedn derin zyn Berlyn, Hamburg, Praag, Dresden en Leipzig.
