Joanna I van Navarra

Joanna I van Navarra (Bar-sur-Seine, Champagne, 14 januoari 1273 – Vincennes, 2 april 1305) was keuniginne van Navarra van 1274 tout 1305 en deur heur huwelyk me keunienk Philippe le Bel ook keuniginne van Vrankryk van 1285 tout 1305. Ze was de dochter van Henri I van Navarra en Blanche van Artois.

Conflict me Vloandern

In 1301, achter da Vloandern g'annexeerd was deur Vrankryk, kwoamn de wevers met under leider Pieter de Coninck in ipstand teegn 't Frãnsgezind patricioat. Ze woarn kwoad omdan ze zo vele belastiengn mostn betoaln vo 't bezoek van de keunienk me zyn keuniginne te bekostign. Vor under bezoek in Brugge haan de patriciërs zo vele geld uut gegeevn en woarn under vrouwn zo ryke geklid da Joanna zei: Ik peisdn da 'k ik hier d'ênigste keuniginne woarn.

Huwelik en jounges

Joanna trouwde ip 16 ogustus 1284 an heur 11 joar me Philippe IV. Z'haan zeevn jounges, woavan drie ipêenvolgnde Frãnsche keuniengn.

1. Marguerite (ca. 1288-1294)
2. Louis X (1289-1316), keunienk van Vrankryk van 1314 tout 1316.
3. Blanche (1290-1294)
4. Isabelle (1292-1358), getrouwd met Edward II van Iengeland van 't Huus Plantagenet. Heur zeune Edward III begost den Hounderdjoarign Oorloge over zyn ansproake ip de Frãnsche trôone achter 'n dôod van Charles IV. Mo Philippe van Valois wierd verkoozn en je kwam als Philippe VI den êeste keunienk van 't Huus Valois.
5. Philippe V (1293-1322), keunienk van Vrankryk van de 1316 tout 1322.
6. Charles IV (1294-1328), keunienk van Vrankryk van 1322 tout 1328.
7. Robert (1296-1308)

Ofbeeldiengn die ier by passn ku je vien in de categorie Joan I of Navarre van Wikimedia Commons.