Rallycopiloot
E rallycopiloot is den deen die naast de chauffeur zit in de rallyauto. De toake van è copiloot bestoat vôornoamelik uut vier dingn:
- De rallynota's leezn en schône ip tyd instructies geevn an de piloot, lik: nu volle ploenke, nu vertroagn noa 90 km/h, ip 100 meiters ne scherpn droai noa 7 uur, ...
- D'orloosjge in de goatn oudn zodoanige dan ze den timing volgn van 't roadbook
- In geval van nôod mekanisjêen of contragewicht speeln om den auto tot an de service te krygn
- Klappn met de service voe te zeggn woannêer da ze der goan zyn, wuk da ter enventuel oapert en wuk da ter oallemoalle kapot is aan den auto.
De copiloot zyn aandêel in de pristaosche is dikkers miskend.