Danse do vinte

Li danse do vinte (pus fôrmelmint, danse levantrece), c' est ene danse foirt erotike di danseuses di mestî des payis arabes, aprume l' Edjipe.

Discrijhaedje

Sovint l' danseuse est tote seule, avou ene grande cotes ås lamkenes, ki laiynut vey ses coxhes. Li vinte est nou eto.

Gn a des grands pas et des mouvmints des bresses et do coir, aprume on ramxhiaedje do vinte.

Les djins sont la a deus tåves ou so des divans, ki scarwaitnut l' danseuse, mins rålmint vini danser avou leye. Adon, c' est tot l' aprepiant, et xhiner s' dansaedje, mins sins l' aduzer. Et lyi hiner des biyets d' banke come dringuele.

Dins les belès letes e walon

Passaedje k' endè cåze dins les Belès Letes e walon.

Våt mî aveur li feu al buze k’ al cambuze !

Li feu al buze, gn a bråmint des priyîs ki l’ ont-st avou cwand il ont monté å troejhinme astaedje al fén del shijhe, inte li mechwi eyet l’ dessert. Gn aveut la des hosseuses do vinte tunizyinnes. Dj’ åreu volou k’ t’ åreus veu leus belès grossès coxhes vini briker foû d’ leu long cotrê, avou ene plinne findaxhe sol costé. Et leu vinte tot nou ki hoskiyive come totåtoû d’ leu botroûle. Avou leu coir clintchî lanwoureuzmint e-n erî, et leus bresses ki bloncént londjinnmint, come ene feme-sirinne ki naiveyreut so s’ dos.