Rotonde

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Ene rotonde el Neyerlande.

Ene rotonde, c' est on djinre di djonccion k' on-z ertrouve puvite so les voyes fwaites po les éndjins a rowes.

Sôres

Il egzistêye deus grandès sôres di rotondes, sorlon les rîles k' on-z uze : li prumiristé a droete po les moenneus ki sont dins l' rotonde ubén el leye-passaedje po les otos ki vegnnut d' ene voye raloyeye al rotonde. Li rotonde ewou çki fåt leyî li prumiristé åzès djins ki vegnnut di droete est lomêye « rotari ». Tins k' el rotonde wice k' i fåt leyî l' passaedje åzès sakîs ki sont ddins est lomêye « djiratwere ».

Lwè

El Beldjike, cwand on-z arive a ene rotonde, on-z a afwaire a deus plakes. Ubén li plake B1 ubén li plake B5. C' est yeusses ki mosternut åzès moenneus s' i doevnut ralinti ubén s' arester dvant l' rotonde. Dins 100% des cas, i gn a ene plake D5 ki mostere l' sinse a shûve eyet ki mostere eto k' les rotondes bedjes sont todi des djiratweres.

Les rotondes polnut awè deus, ubén troes bindes. Dins ci sitouwåcion la, on n' est nén oblidjî d' rôler so l' ci di droete. Avou ça k' si on fwait on toû inte 90 eyet 360 digrés, el binde di gåtche est l' ci k' est pus consieye. Tenawete ki pus èn éndjin est a droete, pus il a l' prioristé so les ôtes éndjins.

Istwere

Les prumirès rotondes ont stî metowes so pî viè l' fén del dijhnêye 1790, come el ci atåvlé pa Pierre L'Enfant po li mwaisse-veye des Uyessês.

Critikes

Cas

Il egzistêye deus grands beas costés des rotondes. Li prumî, c' est k' el convoye rote radmint. Li deujhinme, c' est k' elles ont dandjî di moens d' etertinance ki les ôtès sôres di djonccion.

Mås

Li problinme d' espåce avou les rotondes, c' est k' ça prind del plaece timpesse. La eto k' les pîtons metnut pus di tins po rbate ene distance.