On krition qu’aveu chanté
tot l’osté
Si trova foir dihessi
Quand l’bihe elle vina hagni.
I n’aveu nin ine miette
D’on p’tit warbo, ni d’mohette.
Il ala braire li famène,
Amon l’frumihe si voisene
To li d’hant di li pruster
Quequ’ retson po vicoter,
To ratindant l’aute année.
Jif pairet, savez mameie
Avant l’aous, so m’parole
Vos rarez tot, ou l’Diale m’evole.
Les frumihe ni prustet rin,
C’ nest nin leu pêchi, vormint.
Vo v’nez, dist-elle po m’accreure
Qui fif, divin les choleure ?
— Nut et jou, ji feffe de bru,
Qui c’esteu on vraie disdu.
— Vô chanti, je sos binâhe,
À c’t’heure dansez à vos’t’âhe
Li date n’ est nén acertinêye, mins ele doet esse inte èn eplaidaedje di 1844 di deus ôtes fåves Lafontinne, et divant l’ moirt do scrijheu e 1863.
Les deus vers sicrîts sol costé do papîscrît replaecèt les deus prumîs bårés. Li roye sicrîte ådzo do papîscrît a stî rmetowe divant l’ cene ki finixh pa « choleur » (troejhinme båraedje do tecse), veyanmint li rimaedje deus a deus do boket.