loumrote

Walon (Rifondou)

Etimolodjeye

Bodje « loumr- » ‎(« loumire »), avou l’ cawete « -ote ».

fenominne
tolu

Sustantif

singulî	pluriyal
loumrote	loumrotes

loumrote femrin

pitite flåwe loumire di tolminme kéne sôre.
- Li spér di cwand dji vs racontéve, c' esteut ene loumrote (W. Marichal).
- E m' nute tote noere et sins ene loumrote, Voste imådje s' a clawé Å mastea di m' coir sins åme — Mariette Vignette (fråze rifondowe).
- Doime-t i ? Oudonbén, n' est ç' dedja pus k' on coir ki havtêye co sacwants lans après l' air. Ki n' sait pus k' i nd a pus si dandjî… Ene loumrote… Tant k' i crahlêyrè co ene sitipete di metche… ki lût leye tote seule dins les meurs d' ene måjhon k' on vént do baguer — Auguste Laloux, Li p’tit Bêrt (fråze rifondowe).
- Céncwante metes pus lon, on postea barlokéve ene flawe loumrote. I s' a metou a ploviner — José Schoovaerts (fråze rifondowe).
- A R’moutchamp, i n’s’astårdja nin à louquî les loum’rotes des djîses si distinde l’eune après l’ôte; i n’tusa nin minme dè r’lèver ses moussètes ås bocås des håyes, ni dè rassètchî l’cotrê qui tapév ås êrs dè djoû, è corant d’l’ Ambléve— Joseph Mignolet, Li payis des soteas (1926), p.41.
(pus stroetmint) pitite lampe a l' ôle (ou å saeyén).
- Pôves omes tot noers ki n' ont ki l' brijhåd po hourêye,
  Li cindrisse po verdeure, ene loumrote po solo — Louis Lagauche, "L' inmant", Å neûr payîs dè l’ hoye, (1947), p. 129 (fråze rifondowe).
- Nosse Louwis, e gurnî, a roisté nosse loumrote, I lyi fåt li lampe bedje po lére "El påtriyote" — Louis Piron (fråze rifondowe).
- Avou ene boesse di ciraedje vude et on boket d' linne, on-z amantche ene pitite loumrote — Robert André, dins Del pire di molén al pire d' åté p. 25 (fråze rifondowe).
(no d’ inseke) vier-gayet (inseke ki loume d' ene pitite flåwe loumire).
- Mins li ptite blanke feme, e clair di lune, ledjire come ene loumrote, raspita foû des bouxhons, s' acovta sol voye et s' meta a fé des couperous dvant l' atelêye. — Marcel Hicter (fråze rifondowe).
(tchimeye) sôre di gaz ki reche foû des frexhåds ou des sårcôs tot fjhant del loumire.
(no d’ tolu) (doûce creyance) tolu, spér k' aparexhe divins ene loumrote ou tolminme wice.
- Madame MENCHEUR. – Riyoz, riyoz, mi dj’ è so seure ; n’ a-dj’ nén veyou bén sovint, d’ mes deus ouys, des loumrotes ki dansént dzeu si tchminêye ? C’ e-st assez dire, edon, surmint ? MELIYE. – C’ est k’ ele tokéve si feu, edon, paret ! — Henri Simon, « Li Neûre Poye » 1889, (eplaidaedje da Jean Haust di 1936), p. (fråze rifondowe).
- A ! Cwand on lyi djåzéve di macrales et d' loumrotes,
  Di leus-waerous, di spéres, di noere poye ou d' houlote,
  Tot si esprit s' repoirtéve ås contes les pus fayés. — Louis Lagauche, "Li ptit hierdî" (1926), p. 64 (fråze rifondowe).
(noûmot pa stindaedje do sinse) ene des des ptitès loumires d' ene oto, k' on-z esprind djusse po rôler dins ene veye k' est ddja loumêye.
- I rôléve djusse avou les loumrotes.