Shortcut: WD:L

Help:Label/ia

From Wikidata
Jump to navigation Jump to search

Edit
Wikidata screenshot - label field highlighted

Le etiquetta es le nomine le plus commun per le qual le elemento esserea cognoscite. Non es necessari que illo es unic: plure elementos pote haber le mesme etiquetta. Nonobstante, duo elementos non pote haber tanto le mesme etiquetta como le mesme description.

Il non ha alcun requisito que le etiquetta de un elemento sia le mesme como le nomine de pagina sur su sito Wikimedia correspondente. De facto il ha plure casos, discutite infra, in le quales il es desirabile que le etiquetta de Wikidata sia differente del titulo de pagina de Wikimedia. Le exemplos infra es exemplos general. Ben que illos tenta dar directivas pro le majoritate de casos, illos non es regulas fixe. Si un ration convincente pote esser date, qualcunque de iste directivas pote esser contornate.

Il esseva recognoscite verso le initio del conception de iste projecto que personas con punctos de vista forte pote tentar cambiar etiquettas, descriptiones, e mesmo punctos de datos de Wikidata pro convenir lor punctos de vista proprie. Wikidata non es un foro pro imponer punctos de vista, e debe tentar reflecter information accurate- e neutralmente. Guerras de modification super etiquettas non es acceptabile.

Nota que un elemento habera plure etiquettas in linguas differente. Etiquettas in linguas differente pote non haber relation inter se (un lingua usa le nomine de baptismo de un persona como etiquetta e un altere usa su nomine de pluma). Includer aliases significa que un elemento pote haber plure etiquettas in le mesme lingua. Si il ha qualcosa importante sur un particular nomine, alora iste nomine deberea esser in un declaration tanto como in le etiquetta, mesmo si isto face parer que le mesme information es date in duo modos differente; existe multe proprietates differente pro nomines de elementos.

Un etiquetta non debe haber plus de 250 characteres.

Principios general independente de lingua

[edit]

Etiquettas pote esser ambigue

[edit]
Il pote haber plure elementos con le mesme etiquetta in Wikidata

Como dicite supra, un etiquetta non es necessarimente unic. Le descriptiones adjuta elementos a esser distinguibile.

Exemplos:

Reflecter le usage commun

[edit]

Pois que le objectivo es usar le nomine per le qual un elemento es cognoscite per le plus lectores, le etiquettas debe reflecter le uso commun. Quando il se tracta de nomines scientific, per exemplo, de un specie, le etiquettas debe usar le nomine commun de un specie, ma le elementos debe sempre tamben haber le nomine scientific listate como alias. Si un specie ha plure nomines commun, un effortio rationabile debe esser facite pro determinar qual de illos es le plus communmente usate, per exemplo consultante referentias. Le altere nomines debe esser placiate in le campo de alias con le nomine scientific. Si un specie non ha un nomine commun, le nomine scientific pote esser usate como etiquetta. Nota que racias individual non ha nomines scientific. Omne racia de can, del Husky Siberian al Chihuahua, face parte del specie Canis lupus familiaris.

Exemplos:
  • Le etiquetta de common sunflower (Q171497) es le nomine commun, e le nomine scientific (Helianthus annuus) es monstrate como un alias.
  • Plure nomines commun existe pro association football (Q2736). Le nomine le plus commun es seligite pro le etiquetta e le alteres es listate como aliases.

Usar etiquettas de genere neutre

[edit]

Si le etiquetta es differente in le forma masculin e in le forma feminin, il es recommendate usar un forma neutre de genere si illo existe in uso commun (i.e. usar un forma que se applica a masculos e feminas). Evita usar le forma masculin como forma generic quando possibile.

Exemplos :
  • firefighter (Q107711) : In anglese, firefighter es neutral de genere e fireman es un forma masculin. Es melior usar firefighter.

Le titulo del pagina Wikimedia pote orientar te

[edit]

Per determinar le nomine le plus commun, il es un bon practica consultar le pagina de projecto Wikimedia correspondente (per exemplo, le titulo de un articulo de Wikipedia). In multe casos, le melior etiquetta pro un elemento essera o le titulo del pagina correspondente in un projecto Wikimedia o un variante de iste titulo. Nonobstante, existe alcun periculos a tener in mente.

Information de disambiguation pertine al description

[edit]

Quando un titulo de pagina include un disambiguation, sia per commas o parentheses, le disambiguation non debe esser includite in le etiquetta de Wikidata. Le information de disambiguation deberea in vice facer parte del description. Per exemplo, le articulo de Wikipedia pro London, Ontario ha le etiquetta London (Q92561) e le description "citate in Ontario, Canada" in Wikidata. Le articulo de Wikipedia Michael Jackson (writer) corresponde a Michael Jackson (Q167877) con le description "scriptor e jornalista anglese". Nonobstante, iste regula non debe esser observate con troppo de zelo. New York es probabilemente le melior etiquetta pro un stato in le costa est american, mesmo si "New" originalmente era un typo de disambiguation. "(6415) 1993 VR3" es le designation official de un asteroide. Le parentheses hic non es un disambiguation. Le parentheses de "Hemsjö (norra delen)" face un parte del designation que Statisticas Svedia ha assignate a iste entitate. E le commas in "Edshult, Hulskog, Lida och Bäck", un gruppo de villages in Svedia, equalmente non pote esser considerate como un disambiguation.

Ma nota que pro altere spatios de nomines de wikis cliente como "Categoria" e "Patrono", le etiquettas debe esser identic a ligamines de sito (le partes de disambiguation non debe esser removite), perque iste typo de paginas generalmente ha solmente un typo commun de descriptiones e il pote occurrer errores de API de par non unic de etiquetta + description quando se tenta definir descriptiones pro altere elementos.

Omitte le datos si non multo importante

[edit]

Dependente del caso specific, le data deberea esser includite in le etiquetta o non. In casos ubi le data ha significantia importante, como eventos sportive regularmente programmate (2006 NBA Finals (Q170590), Switzerland at the 2008 Summer Olympics (Q128127)), stationes del anno o periodos de tempore (1992 Atlantic hurricane season (Q170613), 2008–09 FC Barcelona season (Q170605)), o eventos ubi le data face parte del nomine commun (Great Blizzard of 1888 (Q170652)), le data deberea esser includite in le etiquetta. Si le data es incidental, illo non deberea esser includite.

Sequer le conventiones de spatio de nomines de Wikimedia

[edit]

Le sitos Wikimedia pote continer plure typos de paginas que se trova foras del spatio de nomines principal (per exemplo, paginas non-articulo in Wikipedia). Istes include patronos, paginas de categoria, paginas de adjuta, e paginas special. Si un pagina normalmente appare sur un sito Wikimedia con un spatio de nomines ante illo, tu deberea mantener iste spatio de nomines in le etiquetta. Si le etiquetta comencia con "Wikipedia:", "Categoria:", "Patrono:", o "MediaWiki:", tu deberea equalmente includer le titulo del pagina sin "Wikipedia:", "Categoria:", "Patrono:" o "MediaWiki:" como un alias si le spatio de nomines existe in Wikidata. Isto es importante perque Wikidata include alcunes del mesme spatios de nomines que altere sitos Wikimedia, e consequentemente le recerca de Wikidata non functionara correctemente quando se tenta cercar un elemento con un etiquetta que comencia con un spatio de nomines existente in Wikidata. Pro un lista de spatios de nomines in Wikidata, vide hic.

Exemplos:
Etiquetta de Wikidata: Wikipedia:Blocking policy
Alias(es): Blocking policy
Etiquetta de Wikidata: Portal:History
Alias(es):
Wikidata non ha un spatio de nomines "Portal". Consequentemente, non es necessari adder "History" como un alias.


Etiquettas in interlingua

[edit]

Uso de majusculas

[edit]

Etiquettas comencia con un littera minuscule excepte quando majusculas es normalmente requirite o expectate. Essentialmente, tu debe finger que le etiquetta appare in le medio de un phrase normal, e postea sequer le regulas normal de linguage. Le majoritate de terminos non esserea scribite con majusculas si illos appareva in le medio de un phrase, nonobstante nomines proprie como le nomines de personas specific, locos specific, edificios specific, libros specific, etc., debe esser scribite con majusculas. In le caso rar que un cosa intentionalmente rumpe le regulas de majusculas, le majusculas in Wikidata debe reflecter isto, sin tentar de corriger lo.

Examples:

Wikipedia article: Conilio
Wikidata label: conilio
"Conilio" non es un nomine proprie, dunque le prime littera es un minuscula.

Wikipedia article: The Velveteen Rabbit
Wikidata label: The Velveteen Rabbit
The Velveteen Rabbit es le nomine de un libro, dunque le litteras que es majusculas in le titulo equalmente es majusculas in le etiquetta de Wikidata.

Wikipedia article: Xkcd
Wikidata label: xkcd
xkcd es un comic del web que intentionalmente non usa un majuscula como prime littera, in despecto de esser un nomine proprie. Wikidata reflecte isto per tamben non usar un majuscula pro le prime littera.

Typos de litteras e characteres

[edit]

Wikidata non supporta italico, subscripto o superscripto in etiquettas, descriptiones e aliases via formatation HTML/markdown o wikitexto. A iste momento le equipa de disveloppamento ha indicate que illes non ha le intention de adder iste function. In vice de isto, characteres unicode pote esser usate. Si characteres unicode es usate in le etiquetta, tamben deberea esser create un alias que usa characteres standard.

Exemplos:

Wikipedia article: H2O: Just Add Water
Wikidata label: H₂O: Just Add Water
Wikidata aliases: H₂O, H20, H2O: Just Add Water, H2O (TV series)

Wikipedia article: The Velveteen Rabbit
Wikidata label: The Velveteen Rabbit
Wikidata description: children's novel

Wikidata label: Evidence suggesting that Homo neanderthalensis contributed the H2 MAPT haplotype to Homo sapiens
Wikidata description: scientific article

Elementos sin paginas sur sitos Wikimedia

[edit]

Mesmo si un elemento non ha un pagina sur Wikipedia anglese, o sur alcun altere sito Wikimedia anglese, il ha casos ubi iste elemento deberea haber totevia un etiquetta e description in anglese sur Wikidata. Quando se crea un etiquetta pro un elemento sin pagina sur Wikipedia anglese, le sequente cinque passos deberea esser adoptate:

  1. Si le elemento ha un nomine que illo es communmente appellate in anglese, o un traduction o translitteration que es ja communmente usate, alora iste deberea esser usate.
  2. Si le elemento es un nomine proprie que ha un articulo in un Wikipedia de un altere lingua usante un alphabeto derivate de latino, alora iste deberea esser usate.
  3. Si le elemento es un nomine proprie que non ha un articulo in un Wikipedia de un altere lingua usante un alphabeto derivate de latino, usa le methodo de translitteration le plus largemente acceptate pro converter le titulo in characteres anglese. Tu deberea sempre translitterar usante le lingua in le qual le elemento esseva nominate primo. Dunque si tu ha un articulo super un citate in Corea del Sud e il ha articulos in Wikipedia in coreano, chinese e japonese, tu deberea translitterar del coreano. Google Translate automaticamente facera le translitteration pro multe linguas commun; le translitteration appare in texto gris directemente sub le quadro blau in le qual tu entra texto. Non usa iste methodo pro elementos que non es nomines proprie.
  4. Si le elemento non es un nomine proprie e tu te senti confidente in tu nivello de familiaritate con le lingua native de un elemento, tu pote tentar de facer le traduction o translitteration tu mesme.
  5. Si le elemento non es un nomine proprie e tu non te senti confidente in tu nivello de familiaritate con le lingua native de un elemento, lassa lo pro un altere persona.

Exemplos:

Articulo de Wikipedia: Necun
Etiquetta de Wikidata: Robin Swinkels
Robin Swinkels non ha un articulo in Wikipeida in interlingua, ma ha un in polonese e nederlandese, le quales usa le mesme alphabeto que interlingua. Viste que su nomine es un nomine proprie, illo non cambiara de un alphabeto derivate de latino a un altere, dunque nos pote usar lo como es.

Recensiones

[edit]

Le etiquetta predefinite pro alcun articulos de recension consiste in un insimul de datos de information bibliographic sur le obra. Isto deberea esser abbreviate a "Recension de <titulo del obra>".

Exemplos

Etiquetta predefinite: Digital Baroque: New Media Art and Cinematic Folds, by Timothy Murray. Minneapolis: University of Minnesota Press, 2008. 320 pp. $25 (paper). ISBN 978-0816634026
Etiquetta de Wikidata: Recension de Digital Baroque: New Media Art and Cinematic Folds

Etiquetta predefinite: Robert A. Beauregard, When America Became Suburban. University of Minnesota Press: Minneapolis, 2006. ix + 271pp. 14 figures. 3 appendices. $57.00 hbk; $18.95 pbk
Etiquetta de Wikidata: Recension de When America Became Suburban

Etiquettas in altere linguas

[edit]

Cata lingua intra Wikidata pote haber su proprie directivas. In caso de dubita, consulta le version de iste pagina in le lingua respective.

Considerante le restrictiones de capacitate del Servicio de Consulta de Wikidata, le titulos anglese de articulos scientific non debe esser copiate a altere linguas. Exemplo: Q356702 ha le etiquetta anglese "Cantor's first uncountability proof". Isto non debe esser copiate a alcun altere lingua.

Vide etiam

[edit]

Pro paginas de adjuta associate, vide:

Pro information e direction additional, vide:

  • Project chat, for discussing all and any aspects of Wikidata
  • Wikidata:Glossary, the glossary of terms used in this and other Help pages
  • Help:FAQ, frequently asked questions asked and answered by the Wikidata community
  • Help:Contents, the Help portal featuring all the documentation available for Wikidata
Retrieved from "https://www.wikidata.org/w/index.php?title=Help:Label/ia&oldid=1787750148"