南通
| 南通市 | |
|---|---|
 | |
| 简称 | 通 |
| 地名出处 | 宋朝通州 |
 南通市勒江苏省个地理位置 | |
| 概要 | |
| 国家 |
 中华人民共和国 |
| 省 | 江苏省 |
| 行政区类型 | 地级市 |
| 行政区划代码 | 320600 |
| 下级行政区数 - 市辖区 - 县 - 县级市 |
7 3 1 3 |
| 建立辰光 | 1962年6月 |
| 市长 | 张彤 |
| 市委书记 | 吴新明 |
| 人大常委会主任 | 王晖 |
| 政协主席 | 黄巍东 |
| 政府地址 | 崇川区世纪大道6号 |
| 地理 | |
| 经纬度 | 31°58′48″N 120°53′42″E |
| 总面积 | 8001平方公里 |
| - 占江苏省个比例 | 9.84% |
| - 排名 | 3 |
| - 市区面积 | 2140平方公里 |
| - 建成区面积（2022） | 304.02平方公里 |
| 海拔 | 4.3米 |
| - 最高海拔 | 108.5米 |
| 东西宽度 | 158.8公里 |
| 南北长度 | 114.2公里 |
| 气候类型 | 亚热带季风气候 |
| 年均气温 | 15.3℃ |
| 年降水量 | 1064.9毫米 |
| 人口 | |
| 总人口（2020） | 7726635 |
| - 占江苏省个比例 | 9.26 % |
| - 市区人口（2022） | 214.4 万人 |
| - 城区人口 （2022） | 516.1 万人 |
| 人口密度（2020） | 965.71人/平方公里 |
| 地方言话 | 普通言话江淮官话、吴语沙地言话 |
| 经济 | |
| GDP（2022） | 11379.6 亿块人民币 |
| - 占江苏省个比例 | 4.70% |
| - 排名 | 4 |
| 人均GDP | 14.73万块人民币 |
| - 排名 | 5 |
| 市区GDP（2022） | 5814.7亿块人民币 |
| 市区人均GDP | 27.12万块人民币 |
| 人类发展指数（2016） | 0.800 |
| 其他 | |
| 时区 | 东八区（UTC+8:00） |
| 市树 | 广玉兰 |
| 市花 | 菊花 |
| 邮政编码 | 226000 |
| 电话号码 | +86 (0)513 |
| 车牌号码 | 苏F |
|
网站：www [1] | |
南通市（吴语沙地言话：[ɲie²⁴tʰõ⁵⁵]）是江苏省个一个地级市，勒江苏省东南部，东面靠黄海，南面就是长江，江对过是上海个崇明岛。南通是中国近代工业发源地之一，有“中国近代第一城”个讲法。南通是中国第一批对外开放个14个沿海城市之一，经济主要是纺织、石化、港口、海产品加工等等。市区主要景点有狼山、濠河搭南通博物苑。
行政区划
[编辑]现在南通地区有如皋、海安、启东3个县级市，如东1个县，崇川、海门、通州3个区，搭南通经济技术开发区，一龙总有146个乡镇。
历史
[编辑]南通位于长江下游，原生是拨长江里泥沙堆积出来个陆地，到现在大约匝有6500年个历史哉。据古文化遗址考证，老早勒5000来年前个新石器时期，海安青墩地区就有仔原始个氏族部落勒搿敦生活。现在个市区搿敦，五代设为郡，叫静海。后周显德五年（公元958年）造城池，改名为通州。宋天圣元年（1023年）改名为崇州，也叫崇川。
近代，清末状元、实业家、教育家张謇头一个开教育兴邦之风，勒南通创办全国头一所师范学堂、头一所民间博物苑、头一所纺织学堂、头一所刺绣学堂、头一所戏剧学堂、头一所聋哑（特殊教育）学堂搭头一所气象站等，而且按照近代个理念全面规划建设城市，个老南通得名“中国近代第一城”。辛亥革命以后，废州设县，改称南通县。
1949年2月南通拨中国人民解放军解放仔，搭老城区、狼山、天生港一带合并建南通市，先后拨苏北行署、南通地区专署管辖，1962年改为省辖市。1983年南通地区搭南通市合并，实行市管县体制。
经济
[编辑]港口经济从邓小平改革开放以来一例是南通主要个支柱产业。另外，纺织业也占有一定个重要地位。
交通
[编辑]南通地区已经形成快速、四通八达个水陆空立体交通体系。
航空
[编辑]市区东北方向通州市兴东镇有南通兴东机场，离开市区大约匝18公里，1993年开始用伊，有去北京、西安、广州、武汉等等主要城市个航班。
陆路
[编辑]有长途客车通到省里向多数城市搭外省主要城市。宁启铁路搭新长铁路勒海安交汇。有客运火车通到宁启铁路沿线个泰州、扬州、南京搭新长铁路沿线淮安等城市，但是因为速度慢，有星人对伊弗大满意。南通火车站2005年开始扩建。世界第一大跨径双塔双索面斜拉桥苏通长江大桥搭盐通高速公路还有通启高速公路也勒到建设。市区有几十条个公交线路。上个世纪70年代以来，南通个经济发展一直受陆路交通个限制，尤其是搭长江南面个苏南经济区之间个交通要靠轮渡摆渡，咯老苏南苏北有差勿多30年个经济差距。但是目前来讲，南通正勒到尽力改善水陆空交通网，现在勒到建设个苏通长江大桥搭崇海大桥促进南通整个地区经济个发展。
轨道交通
[编辑]2014年8月份，南通市城市快速轨道交通近期建设规划获得国家批准，成为江苏省第6個、中国第37個获批建设轨道交通个城市。获批造1号线一期搭仔2号线一期工程拢总2条骨干线路，线路总长59.55千米，拢总车站41座，总投资397.13亿元。
2022年11月10号，南通轨道交通1号线正式开通，是南通市第一条轨道交通线路。
水运
[编辑]南通港，长江下游个重要港口之一，有天生、南通、狼山3个港区搭青龙、启东两个港站。南通港有码头岸线总长4110.8米，有万吨级以上货运码头7个（内货主3个），千吨级以上货运码头19个（内货主15个），客运码头5个（内货主3个），港作船搭其他非生产性码头5个，内河千吨级以下码头18个。另外还有装卸平台2个，1个是卸油平台，1个是卸矿平台，浮筒泊位10个。
旅游景点
[编辑]狼山风景区、濠河风景区、张謇纪念馆、军山、啬园、蛎岈山生态旅游、三星绣品城、圆陀角风景区、吕四风情区、徽派园林孤本水绘园、南通博物苑、千年古刹定慧禅寺
特产
[编辑]教育
[编辑]中学教育
[编辑]南通有中国“基础教育之乡”之乡，勒教育界有箇浪子一句话：“全国高考看江苏，江苏高考看南通！”居句说话描述了全国统考时期南通高考个情况：江苏省全国第一，而南通市连续十年江苏省第一，有辰光一个学堂一个班浪向，同时十几个，甚至廿几个人同时考到清华大学、北京大学。 对此，也有人表示反对，因为居种荣誉是建立勒学生子受到严格管制，同时应试教育之风盛行个基础浪个，同样个学生子拿出来搭别个省市个比，就发现勒到其他素质浪推板交关。
从下头一组数据可以了解南通基础教育个成果：
- 名校多：11所国家级示范高中;17所省重点中学;8大重点学科教研基地
- 名师多：6个江苏省首批名校长、名教师;107个特级教师;3000多个教师获得国家、省、市表彰
- 冠军多:
- 7金2银 国际中学生奥林匹克竞赛;
- 2枚金牌 亚洲中学生奥林匹克竞赛;
- 21枚金牌，4趟打破世界纪录 国际中学生体育竞赛
- 状元多：连续10年江苏省高考第一；1996年高考录取突破万人大关；2000年高考录取突破2万人大关；2001年高考录取率超过80％ ，高出省平均录取率12％；2002年 总均分、优生率、普通类各科总均分、本科上线率全省第一；2005年，南通又一趟取得高考平均分、优秀生人数、本科院校第一、第二批上线率等10项指标全省第一个成绩。
高等教育
[编辑]- 南通大学：2004年5月原南通医学院、南通工学院、南通师范学院合并组建个综合性大学。
- 南通职业大学
- 南通纺织职业技术学院
- 南通航运职业技术学院
- 南通广播电视大学
- 南通师范学校
- 南通农业学校
- 南通供销学校
有名个人
[编辑]运动员
[编辑]方言
[编辑]南通地区方言复杂来交关，居是因为南通地区是逐点逐点从水里相登陆形成个，每个时期弗同地区移民到搿敦。
- 西部、北部海安、如皋搭如东大部分地区个方言属于江淮官话泰如片，其中可以分如东东部地区搭其他地区两种，分别叫如东话搭如海话。
- 南通市区（搭南通市部分市郊）个方言南通言话，也归进江淮官话泰如片，但是搭前者根本不好交流（也有人认为应该单独成片）。
- 通州主要讲另外两种吴语，通东言话（启海人称江北言话）搭金沙言话，其中金沙言话是通东言话搭江淮官话南通言话个过渡方言，搭其他两种吴语也难交流。
- 东部启东海门个南部搭如东个部分东部沿海地区主要讲属于吴语苏沪嘉小片个启海言话（本地也叫沙地言话）。
- 启东海门个北部搭通州一部分地区说通东言话（当地人又叫吕四言话）。通东言话归进吴语毗陵小片，是南通东部最早个方言。
- 南通话个形成搭发展，目前来讲仍呒得定论，通东话搭启海话是弗同时期江南拓荒移民带过来个。
勒居几个方言交汇个地区，一个人会讲三种方言是正常个事体，甚至有兴商场要求员工同时会讲两种主要方言。
参考文献
[编辑]
| ||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||
