富士山是日本顶高峰，个咾也是日本个象征。日本有得交关地名、甚至于建筑物名叫“富士见”，意思里是当地好看得着富士山。
伊是一座活火山，也有人讲伊是一座休眠火山。
富士山大概处于日本静冈县搭仔山梨县交界线上向，在拉日本个中部地区。富士山山麓近边有得交关风景名胜，每年——尤其是夏天介——有得海海会会观光人客去孛相，譬方登山、照相咾啥；还有得滑雪场好滑雪。
