Synod Information & Publicity Department, Synod Office (Third Floor), Mission Veng, Aizawl

Synfocity =
mail us at : [email protected]; [email protected] - Phone - 2314648
510
23
rd
October, 2014
1 Kohler Power Systems Hruaina Eng Quiz
October 14, 2014 zan atang khan Kohler Power Systems Hruaina Eng Quiz, Elimination Round chu Zosaphluia Hall,
Mission Veng-ah tan a ni ta. Elimination Round hi Thawhlehni zan, Ningani zan leh Zirtawpni Zan apiangin neih thin tur
a ni a, zan khatah Session 2 neih thin a ni a, session 1-ah hian Branch panga zelin inelna an nei thin a ni. Elimination
Round hi October 31, 2014 thleng neih a ni ang. Second Round leh Third Round awm chhoin November 28, 2014 ah
Final neih tum a ni.
Kohler Power System Hruaina Eng Quiz neih lai mek zan dar 8:00 leh dar 9:30 a tan thin chu remchan zawkna avangin siam
rem a ni a, First Session dar 7:30 p.m. ah tan a ni ang a, Second Session chu dar 9:00 p.m.-ah tan thin a ni tawh ang.
Zanin (October 23, 2014) hian zan dar 7:30-ah Tlangnuam, College Veng, Chaltlang S, Chawlhhmun leh Dawrpui
Branch-te an inel ang a, dar 9:00 atangin ITI Vengchhak, Bungkawn Vengthar, Durtlang, Ramthar Veng leh Bawngkawn
Branch te an inel thung ang. Branch telte Elimination Round neih hun tur hi www.mizoramsynod.org ah a kimchangin en
theih a ni.
He quiz main sponsor atan Kohler Power Systems, Lower Zarkawt hman an ni a, co-sponsor atan E.R. Enterprises, Ramhlun
South; Highland Chevrolet, Zemabawk; Computer House & Photo House, Millennium Centre; Electrical Inspectorate, P & E
Deparment, Zuangtui; Zoland Electricals, Chanmari leh Dyna Roof, Guwahati te an ni. Kohler Power Systems Hruaina Eng
Quiz hi show neih apiangin Hruaina Eng Channel (LPS & Zonet Cable TV)-ah Live in pekchhuah thin a ni.
1 U.S. Consul General leh Synod Hotute inkawm
October 16, 2014 khan Pi Helen G. LaFave, U.S Consul General, American Consulate, Kolkata (Eastern India & North
East bialtu) leh Synod hruaituten Synod Officers Room-ah inkawmhona hun tha tak an nei.
Pi Helen G. LaFave, Consul General hi Gaurav Bansal, Consul for Political & Economics Affairs leh Saurab Sen, Press
& Media Advisor ten an rawn tawiawm a, Synod hotute atangin Rev. K. Lalhmuchhuaka, Synod Moderator; Rev. Lalzuithanga,
Senior Executive Secretary leh Dr. Robert S. Halliday, Superintendent, Synod Office-te an tel a ni.
He inkawmhonaah hian Mizoram Synod-in rawngbawlna hrang hrang an neih dan te leh vantlang leh khawtlang nun
chawi kang tura hma an lakna kawng hrang hrangte an sawiho a ni.
Pi Helen G. LaFave hi New Hampshire, United States lam mi a ni a, kum 1998 khan Foreign Service Officer hna hi a zawm
a ni. Kolkata-a Consul General hna hi August 2013 khan a chelh tan a, ram hrang hrangah dinhmun pawimawh tak tak
chelhin a awm kual tawh a ni.
March 4, 2011 khan US Consul General (Kolkata) Pi Beth Payne-i chuan Synod Office rawn tlawhin zing inkhawm a rawn
hmanpui tawh a. Hemi tum hian Ms. Beth Payne-i chuan Mizoram Kohhran leh US Consulate, Kolkata-a amah thlaktute
pawhin inthianna tha tak an neih chhoh zel a beisei thu a sawi a ni. Pi Beth Payne-i thlaktu Pu Dean R. Thompson-a pawhin
June 14, 2012 khan Synod Office rawn tlawhin zing inkhawm a rawn hmanpui leh a, Pu Dean R. Thompson-a thlaktu
Pi Helen G. LaFave chuan Mizoram a rawn tlawhna hun remchang hmasa berah Synod Office a rawn tlawh ve leh a ni.
1 PRESCOM Board Meeting
October 21, 2014 khan Synod Office-a JM Lloyd Hall-ah Presbyterian Communications (PRESCOM) Board Meeting vawi
157-na a thu. Meeting hi Rev. K. Lalhmuchhuaka, Moderator-in a kaihruai a ni. He meeting hi kumin Synod Inkhawmpui
inbuatsaihna a ni tawh a, PRESCOM Budget thar tur pawh ngaihtuah zingah a tel.
Tun tum meeting-ah hian thu pawimawh ngaihtuah tur chhawp chhuah 11 a awm a, chung zingah chuan Contract-a
rawih lai dah ngheh chungchang te, Zawlnuam Bookroom Branch hawn thu te, Bookroom building sak that rawtna te,
Budget thara Cutting machine, Offset Printing machine leh Bookroom Hqrs. Computer Software dah belh thu te, Champhai
Bookroom building chunga Conference Hall sak rawtna leh Additional Budget dilna te chu a langsar zual an ni.
Prescom Board Secretary Upa R. Lalmalsawman report a pe a, Kolasib Bookroom chunga Conference Hall sak zawh
tawh a nih thu te, Lawngtlai Bookroom hmun turah building sak hna tan a nih thu te, Board-in a rel fel tawh Paper Folding
Machine lei a nih tawh thu te, Computer to Plate khawl nuai 50 man lei a nih thu leh nuai 3 chuang sen belh a nih thu te
tar lan a ni. He meeting-ah hian member 52 atangin 41 an kal a ni.
Synod Inkhawmpui atana Synod Department hrang hrangte inruahman lawkna Committee hi October 20, 2014 atang khan
neih tan niin Pension Board an thu a, October 22, 2014-ah Sunday School Committee a thu a, October 23-24, 2014
chhungin Mission Board a thu leh ang a, October 27, 2014-ah Theological Education Board, October 28, 2014-ah Hospital
Board, October 29, 2014-ah Pastoral Committee te an thu leh ang a, October 30, 2014-ah Education Board, October 31,
2014-ah SL&PB Committee an thu ang. November thla chhungin Board leh Committee chi 4 an la thu leh bawk ang.
1 Zin
w October 25 - 27, 2014 hian Chalrang Pastor Quarters thar hawng turin Rev. Lalzuithanga, Senior Executive Secretary
a kal ang. Rev. Lalzuithanga hi Upa Malsawmkiman a tawiawm ang.
w October 25 & 26, 2014 Venghlui Kohhranah Sum leh Pai, Zu leh Drugs Awareness Campaign neih a ni dawn
a,speaker atan Dr. Robert S. Halliday, Superintendent, Synod Office an hmang ang. Dr. Robert S. Halliday hi Oct. 31 - 2
Nov., 2014 chhunga Assam Mission Field-ten Healing Crusade, Tinsukia-a an buatsaih turah Speaker a ni bawk ang.
w October 24 - 26, 2014 hian Phuldungsei Bial huapin Sum vawn dan training leh finance campaign neih a ni dawn a,
hemi neihpui tur hian Upa C. Lalmuankima, Asst. Finance Manager; Upa Vanlalngaia leh Pu R. Lalnunkima (Synod
Revival Speakers) te an kal ang.
1 Kohhran Hmeichhia
October 24 - 26, 2014 hian Presbyterian Women Fellowship (PWF) 15
th
Biennial Conference, Churachandpur, Manipur-
ah neih a ni dawn a, thupuiah Rise up and Build tih an hmang ang.
Conference a tel tur hian Mizoram Synod atangin palai 150 vel kal tura beisei an ni a, vawiin (Oct. 23, 2014) hian
Churachandpur panin Aizawl an chhuahsan a ni. Conference-ah hian Pi H. Lalpianthangi, General Secretary leh Dr.
Lalrindiki Ralte, ATC Lecturer ten Pathian thuchah sawina hun an nei dawn a, Pi C. Lalneihthangi, Treasurer leh PWF
Standing Committee-in Bible Study a neihpui bawk ang.
1 Family Guidance & Counselling Centre
October 24 - 26, 2014 hian Champhai Kanaan Kohhranah Kristian Chhungkaw Seminar & Campaign neih a ni dawn a,
hemi neihpui tur hian Rev. R. Lalhmingthanga, FG&CC Director leh Pi Nubuangi te an kal ang.
1 Music
October 20 & 21, 2014 khan Khawthlang Pastor Bial huam chhunga Bial 7 (Kanhmun, Zawlnuam, Zamuang, Rengdil,
Kawrthah, Tuidam leh Kawrtethawveng) te tan Lengkhawm Zai Seminar neih a ni a, mi 82 zet an tel a ni. Seminar hi Upa
F. Lalremthanga, Music Coordinator; Upa R.L. Thianga, Music Committee Member; Rev. K. Lalthanliana, Music Committee
Member leh Pu Lalromawia, Senior Music Instructor ten an neihpui a ni.

w
w
w
.
m
i
z
o
r
a
m
s
y
n
o
d
.
o
r
g
Contd,..
Synod Information & Publicity Department, Synod Office (Third Floor), Mission Veng, Aizawl
Mail us at : [email protected],
[email protected]
Synod I nf ormat i on & Publ i ci t y
Phone - 2314648
Synfo
Synod Social Front Helpline: 9089777129;
Tuai & Patil Helpline : 8729800130;
Students Helpline : 9856883377
1 Synod Mission Board
w Synod Mission Board (Mizoram Presbyterian Church) chuan kum 2015 chhung Contract basis-a thawk turin Missionary
(Evangelist, Evangelist Teacher, Staff Nurse, Health Worker, Craft Teacher, Office Assistant) a lak turah diltu 435 an awm a,
October 25, 2014 (Inrinni) zing dar 7:00 atangin Synod Committee Room No. 1-ah Personal Interview neih a ni ang.
w October 30 - 2 November, 2014 hian Damparengpui Kohhran Biak In-ah Home Mission North Bru Convention Vawi
1-na neih a ni dawn a, thupuiah I puan in zauh rawh (Isaia 54:2) an hmang ang a, Speaker atan Rev. C. Zorammawia i/
c Dawrpui Pastor Bial an hmang ang. Convention neih chhung hian zing karah Bible Study - Jakoba Lehkhathawn neih
thin a ni ang a, Rev. Lalduhsaka i/c Damparengpui Pastor Bial-in a zirpui thin ang.
w Ringthar zat : January - September, 2014 thlenga ringthar neih zat :
1. Arunachal E - 50 10. Karbi Anglong - 191
2. Arunachal W - 276 11. Kolkata - 453
3. Assam - 67 12. Lucknow - 301
4. Barak Area - 273 13. Nepal - 177
5. Cachar Tlngram - 106 14. Patna - 193
6. Delhi - 83 15. Siliguri - 76
7. Home Mission N - 106 16. Tripura - 1459
8. Homission South S - 205 17. Mizoram Masihi Sangati - 762
9. Jharkhand - 495 Belhkhawm - 5273
1 Lay Leaders Training Vawi 183-na kharna nei dawn
Synod Multipurpose Training Centre (SMTC) ten October 20 - 24, 2014 chhung a Lay Leaders Training Vawi 183-na
Synod Conference Centre-a an buatsaih chu zanin (Oct. 23, 2014) hian kharna neih a ni ang.
Kharna inkhawm hi SMTC Programme Director Rev. Zosangliana Colney-in a kaihhruai ang a, Synod Moderator Rev. K.
Lalhmuchhuakan thuchah sawiin training chhuakte certificate a hlan ang. Rev. C.Vanlalhruaian lawmthu sawina hun a
hmang ang a, SMTC zaipawl te an zai ang a, Rev. H.Remthangan malsawmnain he training kharna inkhawm hi a tin ang.
Tun tum Lay Leaders Training-ah hian Presbytery paruk atangin Kohhran Upa 42 an training a, Kohhran inrelbawl dan
leh inkaihhruaina dan te an zir a, trainees ten hlawk thlak an ti hle.
SMTC hian Lay Leader training hi vawi 183 buatsaih tawhin Upa 5846 an train chhuak tawh a ni.
1 MSSU
October 24 - 26, 2014 chhung hian Phuaibuang Bial huapin Khawlian Kohhranah Sunday School Zitirtu Training neih a ni
dawn a, hemi neihpui tur hian T.Upa Lalthahluna Ralte, MSSU Asst. Coordinator; Upa K. Zoremsanga leh Upa Zohmangaiha
(MSSU Trainers) te an kal ang. Training bakah hian Bial chhung Kohhran hrang hrangah hun an hmang bawk ang.
1 Kristian Thalai Pawl
w Presbyterian Youth Fellowship Youth Camp 2014 chu October 17-19 chhung khan Diakkawn Kohhran, Kolasib-ah
tluang taka neih a ni. Youth Camp hi PYF Biennial Conference neih loh kumah neih thin a ni a. Kuminah hian Central KTP
thlen hun a ni a, Kolasib Diakkawn-ah nghah a ni. October 17, 2014 (Zirtawp) zanah tanin Central KTP General Secretary
Upa Zonunmawia leh Diakkawn Kohhran Secretary ten palaite lawmna (Welcome Address) an sawi a, PYF Asst. Leader
Pro. Pastor J.F. Dkhar-an Keynote Address a sawi bawk. Kumin Youth Camp thupui atan Christian Youth and Globalisation
hman a ni a, Rev. Dr. Lallawmzuala, Associate Professor, Aizawl Theological College paper buatsaih zirho a ni. Zing
karah Devotion/Bible Study neih thin a ni a, Pathian Biak Inkhawm tum 5, Fellowship/Cultural programme 3 tum hman a
ni bawk. Youth Camp-ah hian Mizoram Synod Choir pawh kalin hla 6 an rem a, Cultural item nei turin Diakkawn Bial KTP
te ruat nghal an ni bawk.
PYF Youth Camp-ah hian PCI hnuaia thalai pawl 11 atangin palai 306 an kal khawm a, chungte chu - KJP Sepngi -85, KJP
Mihngi -47, Manipur Youth Fellowship -7, KAGAAA (Karbi Anglong Gen. Administrative Area) -20, Kristian Vanglai Pawl
(Biateram) -9, Zou Synod 5, Ri-bhoi Synod -22, Cachar Hill Tribe Synod -5, Kristo Jubo Songho (Barak Area) -21, Meitei
Naharup -7 leh Mizoram Synod -78 te an ni.
Kolasib Diakkawn Kohhran inbuatsaihna a ropui hle a, palaiten nuam an tiin an hlawkpui hle. Diakkawn Kohhran hian
Youth Camp atan hian budget Rs. 2,35,500/- an ruahman a, an senso zat chiah erawh la chhut fel hman a ni lo. PYF
Biennial Conference 2015 chu KJP Mihngi-in an thleng ang a, Khliehriat-ah nghah a ni ang.
w October 25 - 26, 2014 hian CKTP Leader Rev. J. Lalremsiama chu Kolkata Misison Field Thalai Conference hmanpui
turin Kolkata-ah a kal ang.
w Central KTP Committee ruahmanna angin Youth Recreation Centre (YRC), Falkland sam fai hnatlang neih a ni a,
vawiin (Oct. 23, 2014) hian Sihphir Vengthar, Leitan, Chaltlang, Ramhlun N, Chhinga Veng, Mission Veng, Bungkawn, ITI
leh Venghlui Bialten hnatlang an nei a, Tuikual Branch ten refreshment an buaipui a, October 25, 2014 (Inrinni) hian
Electric, Sihphir, Chanmari, Dawrpui, Durtlang, Khatla, Bethlehem, Republic leh Vaivakawn Bial te an hnatlang leh ang
a, Dinthar Branch ten refreshment an buaipui ang.
w Mizoram Synod Choir chuan October 26, 2014 (Pathianni) chawhnu leh zan hian Sevenphul Kohhranah zaia rawngbawlna
an nei ang a, October 27, 2014 (Thawhtan) zanah College Veng Branch KTP Inkhawmah hun an hmang bawk ang.
1 Hruaina Eng FM Radio & TV Programme
w OCTOBER 24 (FM Zoawi Aizawl @ 7:30 p.m.)
Zaipawl : Dawrpui Vengthar Bial Zaipawl - Tih takzet a duh si, Solo : David Vanlalpeka - I Thu Ni Zel Rawh Se, Thusawi : Upa
C. Lalduhawma - Tunlai huna chhungkaw inrelbawlna, Group : One In Christ - Ka zinna Ram, Solo : Fiona - A hnen rawn pan
la, Zaipawl : Tlungvel Kohhran Zaipawl - Danglamlo krista
w OCTOBER 24 (FM Lunglei @ 7:30 p.m.)
Zaipawl : Dawrpui Vengthar Bial Zaipawl - Tih takzet a duh si, Solo : David Vanlalpeka - I Thu Ni Zel Rawh Se, Thusawi : Upa
C. Lalduhawma - Tunlai huna chhungkaw inrelbawlna, Group : One In Christ - Ka zinna Ram, Solo : Fiona - A hnen rawn pan
la, Zaipawl : Tlungvel Kohhran Zaipawl - Danglamlo krista
w OCTOBER 26 (TV Programme @ 3:00 p.m.) :
Zaipawl : Tuikual Kohhran Naupang Inkhawm - Vana ka kumkhaw in chu, Sermon : Rev. C. Chanchinmawia - Ram chu
Lalpa ta a ni, Zaipawl : Mizo Cardinal Choir - Trinity, Playback : Karbi Anglong Kohhran Silver Jubilee lawmna, Faklam
Intihsiak : Zan III-na
1 Susamachar Prasaran Programme
OCTOBER 26 (Pathianni) 5:00 pm. Hindi Gospel Programme (Susamachar Prasaran) :
Group/Choir/Solo : Karbi Presbytery Choir - Nang ingthir et, Group/Choir/Solo : Chanmari Masihi Sangati - Mukti Dilai,
Sermon : Rev. Vanlalbela - Parmesuar ka vachan zivit hai, Group/Choir/Solo : Tuikual Pastor Bial - Prabhu Mere, Group/
Choir/Solo : Luangmual Bial Masihi Sangati - Mere Geeto
1 Moderator Programme
Synod Moderator Rev. K. Lalhmuchhuaka chuan tunkar tawpah hetiang hian hun a hmang ang :
October 26, 2014 (Pathianni) Zan : Chaltlang Kohhran