Synfocity 540

Synfocity = 540
Synod Information & Publicity Department, Synod Office (Third Floor), Mission Veng, Aizawl
www.mizoramsynod.org
mail us at : [email protected]; [email protected] - Phone - 2314648
11th June, 2015
Synod Bookroom Conference 2015

Vawiin (June 11, 2015) khan Synod Bookroom chuan kumtina an lo tih thin angin Synod Bookroom Conference 2015 chu
Zosaphluia Building, Mission Vengah an hmang a, Mizoram puma Synod Bookroom zawng zawng hei vang hian khar a ni.
Conference hi zing dar 9:30-ah Upa R. Lalmalsawma, General Manager, PRESCOM chuan hawngin inlawmna thu a sawi a.
Chawhma hun hi Pi B. Lalthiangi, Foreman, Synod Bookroom in kaihruaiin Upa R. Lalramchhanan Bookroom sum
dinhmun report a pe a. Report atanga a lan danin kum kalta khan Synod Bookroom hian nasa takin hma a sawn a. An
Budget Rs. 6,80,00,000/- chu tha taka khumin Rs. 12,34,01,405/- zet thawhchhuah a ni a, Synod Bookroom 1911-a din a
nih atangin kumkhata a thawhchhuah tam ber tum a la ni. Budget khumna ringawt hi Rs. 5,54,01,405/- zet a ni bawk. Kum
kalta chhung khan Net Profit Rs. 57,90,288/- lai Synod Bookroom hian a nei bawk. Pathian awmpuina leh Kohhran mipuite
thahnemngaihna azara hetiang dinhmun an thleng thei hi Synod Bookroom chuan lawmthu a sawi a ni.
Chawhma hunah hian Pu Lalniliana Manager, Synod Bookroom chuan kum 2014 Bookroom Conference-a thurelte bawhzui
a nih dan leh tihhlawhtlin a nih dan chi hrang hrang report a pe a. Hei bakah hian Financial Year thara Synod Bookroom
budget Rs. 7,82,00,000/- chu a pharh nghal bawk.
Chawhnu lamah Upa R. Lalmalsawma, Genereral Manager-in programme kaihruaiin Mizoram puma Branch hrang hrangte
atangin report leh rawtnate ngaihthlak a ni a. Kum kaltaa Bookroom rawngbawlna hrang hrang thlirletna leh sawizauna
neih a ni bawk.
Rawngbawlna hrang hrang thlirletna leh sawizauna hun hman zawh hian Pu Lalniliana Manager, Synod Bookroom-in
Monthly Operation Review khaikhawmna a nei a. Operation review-a a lan danin 2014 kha Synod Bookroom Branch tam
ber tan Sale tam ber kum a nih thu leh nikuma an thawhchhuah nuai 10 chuanga khum thei Branch pahnih an awm thu
tarlan a ni. Tin, nikum chhungin Distributor thar panga; Zemabawk, Lungsen, Lengpui, Pawlrang leh Biate ah te hawn thar
a nih thu tarlan a ni.
Hemi hnu hian kum kaltaa Synod Bookroom Branch tha thlanna result puan a ni a, Rev. Lalzuithanga, Senior Executive
Secretary chuan Branch tithate hnenah lawmman a sem a ni. Tehna ki hrang hrang pali-a inteh a nih hnuah hetiang hi kum
2014 chhunga Synod Bookroom intehna result chu a ni :Pakhatna
:
Chanmari Branch, Aizawl
Pahnihna
:
Bazar Branch, Aizawl
Pathumna :
Kolasib
Tun dinhmunah Synod Bookroom hian Branch 12 zet neiin Distribution Centre 24 a nei mek a. Kum 2015 chhung hian
Saiha tih loh District Capital tinah mahniin building a nei kim thei ta a. 2015 chhung hian Serchhip leh Lawngtlaiah
Bookroom building hi sak thar mek a ni nghe nghe.
Counselling Training vawi 22-na khar

Mizoram Synod, Family Guidance & Counselling Centre (FG&CC)-in Kohhran hruaitute puala May 27, 2015 atanga Synod
Conference Centre-a Church Leaders' Intensive Residential Pastoral Care & Counselling Training vawi 22-na a buatsaih
chu June 9, 2015 (Thawhlehni) zan khan Final Evaluation & Graduation Service neiin khar a ni.
Training kharna hi Rev. Lalramliana Pachuau, Executive Secretary i/c FG&CC chuan a hmanpui a, training chhuakte hnenah
Certificate semin thuchah a sawi. He Counselling Training-ah hian Pastor Bial 8 atangin Kohhran aiawh 26 an tel a ni.
Training kharna inkhawm hi Rev. R. Lalhmingthanga, Director, FG&CC-in a kaihruai a, Training chhuakte chuan training
an hlawkpui dan a lema an ziak chu entirin an hrilhfiah a, Upa Lalhmingthangan training te aiawha thu sawiin, Venghlui
Pastor Bial Zaipawl an zai bawk.
He hun hmanpuitu Rev. Lalramliana Pachuau chuan training chhuakte fuihna thu sawiin, "Rawngbawlna hi chhiahhlawh
hna a ni a. chhiahhlawh hna thawk tur chuan chhiahhlawh rilru kan put a ngai a ni." tiin mahni hrehawm pawisa lova,
thahnemngai taka rawngbawl zel turin training chhuakte chu a fuih a. Chutiang atana Counselling Training buatsaih a ni
chu lawmawm a tih thu leh, training chhuakte pawh harsatna tawkte tanpuina kawngah nasa zawka inbuatsaih zel turin
a fuih bawk.
FG&CC hian Pastor-te pualin Pastoral Care & Counselling Training hi vawi 24 buatsaih tawhin, Pastor 407 training a
neihpui tawh a. Church Leader-te puala kum 2002 atanga training a neihpui tawhah, tun tuma mite nen hian Kohhran
hruaitu 427 Training pek an ni tawh bawk a ni. Tin, Synod hian Counselling Centre paruk - Mission Veng, Chanmari,
Vaivakawn leh Champhai Vengthlang, Kolasib leh Serchhipah te a nei a. Heng Counselling Centre parukah hian kumin
May thla thleng khan pantu (Client) 12,390 nei tawhin kumin 2015 bikah mi 1,254 an nei tawh bawk.
PHBS Graduation Day

Nimin (June 10, 2015) chawhnu khan Presbyterian Hindi Bible School chuan zirlai Batch 55-na te pualin Graduation Day
a hmang. Programme hi Rev. P.C. Pachhunga, Executive Secretary i/c Mission-in a kaihruai a, zirlai zing atangin Jayandra
Hansdah-in Bible chhiar leh tawngtaina hun hmangin inkhawm a tan a. Pi Lalruatthangi, Zirtirtuin inlawmna,
inhmelhriattirna leh reports a pe a, Pi Vanlalruati Sailo, Zirtirtu-in result a puang a, Rev. C. Lalsangliana, Board memberin Certificate semin thu a sawi a, Aizawl South-West Area Zaipawlte mawi takin an zai bawk.
Upa Denghmingthanga, Board Member-in ngaihhruina thilpek a hlan a, zirlaite hnen atangin Group Zai ngaihthlak a ni.
Rev. John Sharma, Principal-in fuihna thuchah a sawi a, Rev. K. Lalthlanpuia, Director, MSK-in zir chhuakte tawngtaisakna
hun a hmang a, Pi B. Kananmawii, Zirtirtuin lawmthu sawiin Chairman-in malsawmnain programme a khar a ni.
Presbyterian Hindi Bible School hi Mizoram Synod Mission Board-in Mizoram chhunga hnam dang ring tharte rinna
kawnga an than zelna atan leh an ngheh zelna atana a din a ni a, Synod-in ram pawna rawngbawlna a zauh zel takah hian
ram pawna ringtharte mai bakah Para Church atang te pawhin zirlai lak an ni ta zel a ni. He School hi August 24, 1990
khan din a ni a, kum 1997 thleng khan thla thum course niin a hnu lamah chuan thla ruk course a ni ta a ni. Kum 2009
atang khan Certificate in Theology course hawn a ni. Zirlaite hi Synod Mission Field hrang hrang atang te, Para Church
atang te, Mizoram chhunga hnamdang ringthar te leh Mizo nula tlangval hnamdang zinga rawngbawlnaa tui mite atanga
lak thin an ni a, Admission hi January leh July thla tirahte hawn thin a ni.
Zin
w June 11 - 15, 2015 hian Pastor Induction neihpui turin Hyderabad-ah Rev. Dr. R. Lalbiakmawia, Finance Officer leh Upa
H. Ronghaka, Secretary (Jr.) te an kal.
w June 13 & 14, 2015 hian Lungdai Kohhran tlawh turin Rev. Lalzuithanga, Senior Executive Secretary a kal ang.
w June 12 - 14, 2015 hian Champhai Bethel Bial huapin Accounts Training leh Finance Campaign neih a ni dawn a,
hemi neihpui tur hian Upa C. Lalmuankima (Asst. Finance Manager), Upa Vanlalngaia, T.Upa C. Lalchullova leh Pu R.
Lalnunkima (Revival Speakers) te an ni.
w June 11, 2015 hian lehlangin Chhingchhip Pastor Quarters sak tur enpui turin Pu Lalramenga Royte, J.E. a kal. Contd,..
Synod Information & Publicity Department, Synod Office (Third Floor), Mission Veng, Aizawl
Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni :
Sn. Khua
Pek chhan
Chhungkaw zat
Chhawmdawlna pek zat
1. Ramthar Lunglei
Rethei
1
Rs.
8,000/2. Lungleng I
Rethei
1
Rs.
8,000/Total
Rs. 16,000/-
Synod Mission Board

January - May, 2015 chhunga Synod Mission Field hrang hranga ringthar neih dan :
Barak
- 87
Lucknow
- 192
Jharkhand
Tripura
- 811
Patna
- 71
Cachar Tlangram
Delhi
- 13
Nepal
- 72
Masihi Sangati
Kolkata
- 264
Arunachal W
- 188
Orissa
Siliguri
- 45
Home Mission N
- 56
Cambodia
Karbi Anglong - 50
Home Mission S
- 86
Total
Arunachal E
- 43
Assam
- 18
331
21
508
Nil
1
2857
MSSU
w June 13, 2015 (Inrinni) hian ITI Veng Bial huapin Sunday School Zirtirtu Training neih a ni dawn a, hemi neihpui
tur hian Rev. C. Lalsangliana, Ramhlun North leh Upa K. Vanlalnghaka (MSSU Trainer) te an kal ang. Zan Pathian
biak inkhawmah Upa K. Vanlalnghakan fanau enkawl chungchang thuchah a sawi ang.
w June 13, 2015 (Inrinni) hian Muthi Kohhranah Sunday School Zirtirtu Training neih a ni dawn a, hemi neihpui tur
hian T.Upa Lalthahluna Ralte, MSSU Asst. Coordinator; Upa Zohmangaiha, Zemabawk Vengthar leh Pu T.C.
Lalhmangaiha, Leitan (MSSU Trainers) te an kal ang. Zan Pathian biak inkhawmah T.Upa Lalthahluna Ralte-in fanau
enkawl chungchang thuchah a sawi ang.
Music
June 12 - 14, 2015 chhung hian Tlabung Chawnpui Bial KTP-ten Solfa Training an nei dawn a, hemi neihpui tur hian
Pu Lalromawia, Senior Music Instructor leh Upa Lalkhumtira, Synod Office te an kal ang.
Synod Hospital
Synod Hospital ENT Department chuan beng chhung leh beng ri hriatna enna khawl Middle Ear Analyser & Audio
Meter Foreign atanga chah chhuah an nei thar a, beng leh ri hriatnaa harsatna nei tan OPD-ah pan theih a ni e. Tin,
tawng lama harsatna chi hrang hrang tawng thei lo, tawng thei har, tawng fiah lo, dangawk leh aw chhangte tan ni
tin Speech Therapy a lak theih bawk e.
Thawktu thar
Contract Basis-a PRESCOM Assistant III hna thawk turin a hnuai a mite hi lak thar an ni a, July 1, 2015 (Nilaini)
atangin an hna an zawm ang :
Hming
Pa hming
Address
R. Lalnuntluanga
R. Lalhmingliana
Mission Vengthlang
Malsawmdawngliana
Lalchhuanawma
Bungkawn Vengthar
Campus Ministry
June 12, 2015 hian Central High School leh Devine Intervention School-ah hun an hmang ang a, June 16, 2015-ah
Apollo Nursing School, June 17, 2015-ah ITI High School leh Z.N. English Medium School-ah te hun an hmang ang.
Missionary Training College

Kum 2015 - 2016 session atan class tan leh tawh a ni a, Rev. Lalduhawma Ralte chu MTC Lecturer atan dah thar a
ni bawk.
Kristian Thalai Pawl

w June 8-14,2015 hian N.E.Khawdungsei Branch KTP Diamond Jubilee lawmna neih a ni dawn a, hemi neihpui tur
hian Central KTP hruaitu T.Upa Richard B. Lalhriatpuia leh Pu K. Lalruatpuia (Committee Members) te an kal ang.
w
KTP Gen. Conference 2016 hla bu buatsaih a lo hun leh ta a. Hla thawh duhte tan July 15, 2015 thlengin
CKTP Office-ah theh luh theih a ni. Heta tang hian Gen. Conference hla bu Sub Committee ten hla bu-a khung tur
an lo thlang chhuak leh ang. Hla theh luhah hla thu, solfa, a phuahtu address kimchang leh contact number chiang
taka ziak tur a ni.
Hruaina Eng FM Radio & TV Programme

w JUNE 12, 2015 (FM ZOAWI AIZAWL @ 7:30 P.M.)
Solo : Rinzuali Ralte - Tho la, Zaipawl : Dawrpui Kohhran Zaipawl - Ngai rawh i ka ah thute ka dah ta, Thuchah
Rev.F. Lalrinnunga - Pathian chawimawina dawng tlak mite, Zaipawl : Tuikual Pavalai Zaipawl - Adam khawnge
awm, Zaipawl : Dawrpui Vengthar Bial Zaipawl- Hei chauh ka dil, Solo : Didiki - Danglamlo Krista
w JUNE 12, 2015 (FM LUNGLEI @ 7:30 P.M.)
Solo : Rinzuali Ralte - Tho la, Zaipawl : Dawrpui Kohhran Zaipawl - Ngai rawh i ka ah thute ka dah ta, Thuchah
Rev.F. Lalrinnunga - Pathian chawimawina dawng tlak mite, Zaipawl : Tuikual Pavalai Zaipawl - Adam khawnge
awm, Zaipawl : Dawrpui Vengthar Bial Zaipawl- Hei chauh ka dil, Solo : Didiki - Danglamlo Krista
w JUNE 14, 2015 (Tv Programme) @ 3:00 p.m.) :
Bihchianna : Sihphir Venglai Kohhran Hlimna
:
i
:
i
Susamachar Prasaran Programme

w JUNE 14, 2015 (Pathianni) 5:00 pm. Hindi Gospel Programme (Susamachar Prasaran) :
Group/Choir/Solo : Lunglei Area Masihi Sangati - Prabhu, Group/Choir/Solo : Luangmual Vengthlang - Tumhara
Mann Biakul Na Ho, Sermon : Rev. P.S. Daniel - Babostha ebong dharmikts, Group/Choir/Solo : Jubilee Kohhran Hijo Aja, Group/Choir/Solo : Chhinga Vengthlang - Suno sathi bhai
Moderator Programme
Synod Moderator Rev.Lalrinmawia chuan tunkar tawpah hetiang hian hun a hmang ang :
w June 13, 2015 (Inrinni)
Zan
Luangmual West Kohhran
w June 14, 2015 (Pathianni)
Chawhnu
Chawlhhmun Kohhran
w June 14, 2015 (Pathianni)
Zan
Luangmual Kohhran
Synod Social Front Helpline: 9089777129;

Tuai & Patil
: 8729800130;
MailHelpline
us at : [email protected],
Students Helpline :[email protected]
9856883377
Synod Information & Publicity

Phone - 2314648
Synfo

Synfocity 540

Uploaded by

Copyright:

Available Formats

Synfocity 540

Uploaded by

Document Information

Original Description:

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Synfocity 540

Uploaded by

Copyright:

Available Formats

Synfocity = 540

mail us at : [email protected]; [email protected] - Phone - 2314648

11th June, 2015

Synod Bookroom Conference 2015

Counselling Training vawi 22-na khar

PHBS Graduation Day

Synod Mission Board

Missionary Training College

Kristian Thalai Pawl

Hruaina Eng FM Radio & TV Programme

Susamachar Prasaran Programme

Synod Social Front Helpline: 9089777129;

Synod Information & Publicity

You might also like