Kanta, Rhymes Ya Chants

Songs, Rhymes/Chants
in MTB-MLE
Grade 2
Pakauna
Kanta,Rhymes ya Chants
dana ay naiyamong. Naibasar
isdanan kultura, pasamak ya maila
isnan naliwes nan ili ay Bangnen.Et
dakedake ay iyaman isdanan
nagapuwan nan naay da ay
mabasa, maadal, maikwani ya
makanta. Sapay kuma ta malaydan
kayo ta basaen, adalen , kanan ya
kantaen tako.
Preface
Kanta , Rhymes ya Chants dana ay para ken sik-a

ya sak-en ay naiyamong is esa ay liblo.Naikali
isnan nainsigudan ay kali tako isna Bagnen. Para
Grade 2 isnan Mother Tongue Based- Multi
Lingual Education isna Bagnen Elementary
School nan Bauko District I di Mountain Province.
Gapu isnan implimintasyon di K-12 ay Kurikulum
ya Indigenous People Education nan DepEd.
Naibasar isdanan ugali,kultura ya nan maila

isnan naliliwes nan ili. Ipalagip na danan gawis ay
ugali ay lebbeng ay itultuloy tako ay ikkan .
Rantan nan liblo ay nay ay paliden nan kabaelan

di tunggal esa isnan panagdenge, panagkali,
panagbasa, panang-adal, panagkanta ya
panagnemnemnem. Isunga naisulat da isnan kali
tako.
Nan Nangisulat :
AMELIA G. SUDAYPAN
Kankanta
Danan Linaona
1. No Matugtugop Tako
2. Nalagsak nan Pamilyak
3. Talaw
4. Kabadang di Ili
5. Unga ay Nadalus
6. Aso
7. No Sik-a Et Nalagsak
8. Intos Ama
9. Lagsak
10. Ban-egak ay Unga
11. Annadam
12. Sak-en et Nalagsak
13. Unga ay Nagaget
14. Simpo Nan Gomot ko
15. Lebbeng Mo ay Mang-adal
16. Atingkawa
17. Lima ay Piso
18. Abiyay-o
19. Si Maria
20. Bagbagto
21. Iliy Bangnen
No Matugtugop Tako
No matugtugop tako
Matugtugop tako
matugtugop tako
No matugtugop tako
Nalagsak tako.
Gayyem ko gayyem mo
Gayyem mo, gayyem ko
No matugtugop tako
Nalagsak tako.
Naragsak nan Pamilyak

(Adopted tune:The More we get Together)
Naragsak nan pamilyak
Nan pamilyak, nan pamilyak.
Naagsak nan pamilyak
Menlilinayad kami.
Da ama ken ina

Da manong ken manang
Ubla menbibinnadangan
Tasay adi madagsenan.
Talaw
(Tune: Twinkle Little Star)
Wadan esa ay talaw

Ay inilak ed daya
Laylaydek ay buybuyaen
Am-amed no menkinkindat
Wadan esa ay talaw
Laylaydek ay buybuyaen.
Kabadang Isnan Ili
(Tune: Maria Went to Town)
Serbisyo publiko
Siya nan trabaho
Tulong ay maipaay
Isnan ib-a ay ipogaw
Pulis, abogado
Ya inhenyero
Doktor , bumbero
Ya mang-isursuro.
Unga ay Nadalus
(Tune: Bahay Kubo)
Nan unga ay mendummos

Badona et nadalus
No umey maki-oskila
Usalna onipormena.
No umey menpasyal
Usalna pangkilkila
No abes makimisa
Pangporma usal
No masdem nan batawa
Mendilam-os umuna
No malpas ,
Mensukat is pangseyepna.
Aso
Aso,aso,aw 2x
Aso,aso,aw-aw-aw
Aso,aso,aw 2x
Aso,aso,aw-aw-aw.
Kusa meow 2x
Kusa,kusa meow-meow-meow
Kusa,kusa meow 2x
Kusa,kusa meow-meow-meow.
Kalding,kalding mee 2x
Kalding, kalding mee-mee-mee
Kalding,kalding mee 2x
Kalding,kalding mee,mee,mee.
No Sik-a Et Naragsak
(Tune: If You Are Happy)
No sik-a et naragsak mentampok

ka
( klap, klap )
ka
( klap, klap)
No sik-a et nalagsak
Pusom et nasalun-at
ka.
- menkembot ka
- masiyek ka
- menlagto ka
- ikkan am-in.
Intos Ama
(Tune: Where is Thumbman)
Intos ama 2x
Naayak,naayak
Kumusta kad wani
Kumusta kad wani
Gawisak, gawisak.
-ina
-manong
-manang
-innudik
Ragsak
(Tune: Its Love)
Sak-en,sak-en
Sak-en 3x et mangted is lagsak 3x
Sak-en et mangted is lagsak
Gen-an nan gitang ,
ikembot-kembot 4x
- Sik-a
- Datako
Ban-egak ay Unga
( Tune: Ako ay may Lobo)
Ban-egak ay unga
Nasiglat ,nataraki
Inaywanan ina
Daida ken ama.
Nalaing ay menkanta,
Nalaing ay mensala
Ulay pay mensulat
Menbilang ya menbasa
Ya adi mabab-bain.
An-nadam
Men-annad ka mata isnan ilaem

Men-annad ka mata isnan ilaem
Wadas Diyos ed daya ,
Iilaena na sik-a
Men-annad ka mata isnan ilaem.
- Eeng- sungsongem
- Enga-
dengdengngem
- Tupek- kankanam
- Ima- gen-gen-am
Sak-en Et Nalagsak
Sak-en et nalagsak
Sik-a et nalagsak
Am-i am-in tako et nalagsak
Sak-en et nalagsak
Sik a et nalagsak
Am-i am-in tako et nalagsak
Mensala-sala ,ima ipayapay

Siki iskad iskad
Menposipos bassit.
Unga ay Nagaget
(Tune: Bahay Kubo)
Nan unga ay nagaget

Natulnog ya nasingpet
Laylayden di kaadwan
Ugalina et pagmididaan
Ungong-a entako itdowan

Ta dumakkel da ay pagwadan
Nan adal ya ugali
Umanay ay balligi.
Simpoo Nan Gomot Ko
Simpoo nan gomot ko

Siki ya ledeng
Duwa ay inga
Duwa ay mata
E-eng ay napintas.
Tetete-en ay bab-a
Usalen ay Men-gaga
Esa ay dila
Mang-ibagbaga
Adika menlaslastog.
Lebbeng Mo ay mang-adal
(Tune: Paruparong Bukid)
Lebbeng moy mang-adal,

isnan enmo leksiyon.
Tay adun adalem,
no nan liblom basa-em.
Matapyan nan gekkem,
ya engka luma-ing.
No dengngem nan maestram,
ya ikkam nan itdona.
No men-isulsolo,
nan enmo mistulo.
Et igiginek ta ,
dengngem ibagana.
Nan enna ibagbaga,
paggawisan am-in dasa.
Isnan panagkalkali,
ya mayat ay ugali.
Men-adal, men-adal ay!

Baken panay ay-ayam
Tapno mid babawi
No umey si umudi
Nan panimpod wani
Et en kakaasi
Nan maid adal na
Ligat nas eng-enggana.
Atingkawa
Tet-een ay atingkawa
Kinummab san panga
Inmali nan udan
Naekdag san lota,
Inmali nan agew
Et kasin nenmaga
Tet-een ay atingkawa
Kasin binmala.
Abiyay-o
Tek-tek-tek abiyay-o
Ay wada inpalaos yo
Ken aman tambiyayo
Ib-ana nan anito.
Linmaos dad kubaban
Ewes na ay pinagpagan
Wanes na ay sinolaman
Sukod na ay dinapdapan
Inpadsok na isnan widan.
Lima ay Piso
Wada lima ay pisok

Ay inted alapok
Inlakok si lobo
Imbis potosiko.
Tinmayaw ed tungdo
Binumtak ay osto
Sayang san siping ko
Nauwat pay eges ko.
Si Maria
(Tune: Mary Had a Little Lamb)
Si Maria wadan okena
Okena, okena
Si Maria wadan okena
Pulaw nan dutdotna.
Ulay inton umayana

Umayana, umayana
Ulay inton umayana
Umon-onod ken siya.
Bagbagto
Bagbagto ,bagbagto lambik
Tolambik, tolambawikan
Bawikan ,bawikalanay
Kalanay, kalanay punay
Napunay, napunayagta
Nayagta, nayagta kumpa
Takumpa, takumpa yaaw
Payaaw ,payaatimbaw.
Awwadey
Deydey awwadey
Masingganak giyapo
Giyapo mangalipo
Mangalipo agleppay
Agleppay salibokay
Salibokay aglangki
Aglangki kolalampi
Kolalampi
Iliy Bangnen
Nagapu kami isnan ili

Ay baey di liboo
Mangmangan kami
Isnan obi
Tay siya nan sama mi
Umin-inom kami
Isnan danom
Ay kaneg dalalo
Wen laylayden mi
Iliy Bangnen.

Kanta, Rhymes Ya Chants

Uploaded by

Copyright:

Available Formats

Kanta, Rhymes Ya Chants

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Kanta, Rhymes Ya Chants

Uploaded by

Copyright:

Available Formats

Songs, Rhymes/Chants

Kanta , Rhymes ya Chants dana ay para ken sik-a

Naibasar isdanan ugali,kultura ya nan maila

Rantan nan liblo ay nay ay paliden nan kabaelan

Naragsak nan Pamilyak

Da ama ken ina

Wadan esa ay talaw

Nan unga ay mendummos

No sik-a et naragsak mentampok

Men-annad ka mata isnan ilaem

Mensala-sala ,ima ipayapay

Nan unga ay nagaget

Ungong-a entako itdowan

Simpoo nan gomot ko

Lebbeng moy mang-adal,

Men-adal, men-adal ay!

Wada lima ay pisok

Ulay inton umayana

Nagapu kami isnan ili

You might also like