MAHABANG PAGSUSULIT SA EsP 8

IKATLONG MARKAHAN

Pangalan: __________________________________________________ Iskor: _______________

Seksyon: ___________________________________________________ Petsa: _______________

I. Panuto: Maramihang Pagpili. Basahing mabuti ang bawat pangungusap. Piliin ang
angkop na sagot sa bawat bilang at isulat ang titik lamang sa bawat patlang.

_______ 1. Ano ang entitlement mentality?

a. Ito ay ang paggawad ng titulo o parangal sa isang tao.
b. Ito ay isang paniniwala o pag-iisip na anumang inaasam mo ay karapatan mo na dapat
bigyan ng dagliang pansin.
c. Ito ay ang pagbibigay serbisyo sa mga pangunahing pangangailangan ng mga tao.
d. Ito ay ang pag-aabuso ng mga mamamayan sa kakayahan ng pamahalaan na tustusan ang
kanilang pangangailangan.
_______ 2. Ang birtud na pasasalamat ay gawain ng
a. kalooban b. isip c. damdamin d. konsensya
_______ 3. Alin ang tanda ng isang taong may pasasalamat?
a. Si Maria ay kuntento sa kaniyang buhay kahit simple lamang dahil alam niyang
pahalagahan ang mga mabubuting natatanggap niya mula sa iba at sa Diyos.
b. Sa kabila ng mga pagpapalang natatanggap ni Rey, marunong pa rin siyang tumingin sa
kaniyang pinanggalingan.
c. Nag-aaral nang mabuti si Jojo upang marating niya ang kaniyang mga pangarap.
d. Laging nagpapasalamat si Janet sa mga taong tumutulong sa kaniya kahit hindi bukal sa
kaniyang kalooban.
_______ 4. Alin sa sumusunod ang hindi magandang dulot ng pasasalamat sa kalusugan?
a. Nagiging mas pokus ang kaisipan at may mababang pagkakataon na magkaroon ng
depresyon.
b. Naghihikayat upang maging maayos ang sistema ng katawan sa pamamagitan ng
pagkakaroon ng mas malusog na presyun ng dugo at pulse rate.
c. Nakapanghihina ng katawan dahil laging nag-iisip kung paano magpapasalamat.
d. Nakapagdadagdag ng likas na antibodies na responsable sa pagsugpo sa mga bacteria sa
katawan.
_______ 5. Ang sumusunod ay mga pakinabang na dulot ng pasasalamat, maliban sa:
a. Pagkakaroon ng kagalakan dahil sa kinikilala mo ang mga kabutihang kaloob ng kapwa
b. Gumagaan ang pakiramdam sa kabila ng pagsubok dahil nagiging positibo ka sa pananaw sa
buhay
c. Pagkakaroon ng maraming kaibigan dahil ipinapakita mo ang pasasalamat sa kanila
d. Pagiging maingat sa mga materyal na pagpapala buhat sa ibang tao
_______ 6. Ano ang tamang pagpapakita ng pasasalamat?
a. Paggawa ng kabutihang-loob sa kapwa kahit naghihintay ng kapalit
b. Pagkilala sa kabutihang ginawa ng kapwa at pagsasabi ng pasasalamat
c. Pagpapahalaga sa kabutihan ng kapwa kahit alam mong ginagawa lang niya ang trabaho
nito
d. Pagsasabi ng pasasalamat ngunit salat sa gawa
_______ 7. Alin sa mga sumusunod ang nagpapakita ng pagpapasalamat?
a. Kawalan ng panahon o kakayahan upang matumbasan ang tulong na natanggap sa abot ng
makakaya
b. Pagpapasalamat nang hindi bukal sa puso
c. Hindi pagkilala o pagbigay-halaga sa taong gumawa ng kabutihan
d. Paghingi ng suporta sa mga magulang sa mga pangunahing pangangailangan dahil menor de
edad
_______ 8. Ang sumusunod ay mga gawain ng pasasalamat sa loob ng tahanan, maliban sa:
a. pagsasabi ng salamat sa pagkaing inihanda ng magulang.
b. pagtulong sa mga simpleng gawain sa bahay.
c. paghinto sa pag-aaral upang magtrabaho at makatulong sa pamilya sa kabila nang may
pantustos ang mga magulang
d. pag-alala sa kaarawan ng taong tumulong sa iyo upang maipakita ang pagpapahalaga at
pagmamahal sa kaniya.
_______ 9. Ano ang isang halimbawa ng entitlement mentality?
a. Ang hindi pagbabayad ng buwis ng mamamayan kung hindi nakukuha ang sapat na serbisyo
b. Ang hindi pagbibigay ng pasasalamat ng mga anak sa kanilang magulang
c. Ang pagiging abusado sa kapwa sa paghingi ng tulong
d. Ang kawalan ng utang ng loob sa taong tumutulong
_______ 10. Alin ang hindi kasama sa tatlong antas ang pasasalamat ayon kay Santo Tomas Aquinas?
a. Pagkilala sa kabutihang ginawa ng kapwa
b. Pagpapasalamat
c. Paggawa ng kabutihan sa ibang tao bilang pagbabalik ng kabutihang ginawa sa iyo
d. Pagpapakita ng pagpapahalaga sa kapwa sa abot ng makakaya
_______ 11. Naipakikita ang paggalang sa pamamagitan ng ___________.
a. pakikibahagi sa mga gawaing nakasanayan.
b. pakikipag-ugnayan sa mga taong nakakahalubilo.
c. pagbibigay ng halaga sa isang tao.
d. pagkilala sa mga taong naging bahagi ng buhay.
_______ 12. Ano ang ipinahihiwatig ng pahayag na, “Ang pagsunod ay pagkilos sa pagitan ng katwiran
at ng kakayahang magpasakop?”
a. Ang marapat na pagsunod ay naipapakita sa pamamagitan ng pagpapasakop.
b. Kailangang sumunod at magpasakop dahil ito ang makatwiran at nararapat.
c. Maipakikita sa pamamagitan ng pagsusuko ng sarili ang marapat na pagsunod sa mga
ipinag-uutos.
d. May pagkakataon na kailangang sumunod at magpasakop at may pagkakataong di
kailangang magpasakop at sumunod.
_______ 13. Natututuhan ng isang bata ang pagsunod at paggalang sa pamamagitan ng sumusunod,
maliban sa:
a. pagmamasid sa mga taong nasa paligid kung paano maging magalang at masunurin.
b. pagsangguni sa mga taong kapalagayan niya ng loob at nakauunawa sa kaniya
c. pakikinig at pagsasabuhay ng itinuturong aral ng mga magulang tungkol sa paggalang at
pagsunod.
d. pagkakaroon ng disiplina at pagwawasto ng mga magulang at nakatatanda.
_______ 14. Paano mo mas higit na maipakikita ang paggalang sa mga taong may awtoridad?
a. Unawain na hindi lahat ng pagpapasiya at mga bagay na dapat sundin ay magiging kaaya-
aya para sa iyo.
b. Ipaglaban ang iyong karapatan lalo na kapag ikaw ay nasa katwiran.
c. Ipahayag ang iyong pananaw upang maiwasto ang kanilang mga pagkakamali.
d. Suportahan ang kanilang mga proyekto at programa.
_______ 15. Gaano kahalaga ang pagkakaroon ng nakasanayang gawi o ritwal sa pamilya?
a. Napagtitibay nito ang presensiya ng pamilya.
b. Naipagpapatuloy nito ang tradisyon ng pamilya.
c. Nabubuklod nito ang mga henerasyon.
d. Naiingatan nito ang pamilya laban sa panganib.
_______ 16. Kung pagkatapos ng edad na tatlo hanggang apat, nagsisimula nang mahubog ang kilos-
loob ng isang bata, ang bata ay __________:
a. madaling makasusunod sa mga ipinag-uutos ng kaniyang mga magulang.
b. nagkakaroon ng pagkilala sa kahalagahan ng pagsunod sa kaniyang buhay.
c. nagkakaroon ng pag-unawa sa kahalagahan ng mga tuntuning itinatakda.
d. kumikilos ayon sa mga ipinatutupad na utos ng kaniyang magulang.
_______ 17. Hinahangaan ni Jay si Danny sa taglay niyang kagalingan sa pamumuno. Nang si Danny
ang naging lider ng kanilang grupo, lahat ng sabihin ni Danny ay kaniyang sinusunod at
ginagawa nang walang pagtutol, kahit pa minsan ay napapabayaan na niya ang kaniyang
sariling pangangailangan. Ang kilos ni Jay ay nagpapakita ng ____________:
a. katarungan b. kasipagan c. pagpapasakop d. pagsunod
_______ 18. Maraming balita tungkol sa mga taong may awtoridad ang kinakitaan mo ng mga gawaing
taliwas sa dapat nilang gampanan. Maraming kabataang tulad mo ang nagkaroon ng pag-
aalinlangan kung sila ay magpapakita pa ng paggalang at pagsunod. Ano ang
pinakamabuting maipapayo mo sa kanila?
a. Alamin ang mga batas na nararapat sundin at mga karapatang dapat ipaglaban. Gawin kung
ano ang inaasahan sa iyo ng iyong kapwa.
b. Mahirap kumilos nang may pag-aalinlangan. Sumangguni sa ibang may awtoridad na
nabubuhay nang mabuti at kumilos ayon sa iyong kilos-loob.
c. Unawain at patawarin ang mga taong may awtoridad na nakagawa ng pagkakamali, lalo na
kung hindi naman ikaw ang naapektuhan.
d. Ipagbigay-alam agad sa kinauukulan ang nasasaksihang paglabag sa batas. Hindi
makatarungan na ang nagpapatupad sa batas ay siyang lumalabag dito.
_______ 19. Nag-iisang itinataguyod ni Aling Fely ang kaniyang tatlong anak. Maliliit pa lamang ang
kanilang mga anak nang siya ay naging biyuda. Panatag siya dahil alam niyang napalaki niya
ang mga ito nang maayos. Subalit may pagkakataon na nangangamba siya dahil sa mga
teenager na sila. Mas mapatatatag nila ang kanilang samahan sa pamamagitan ng
________:
a. sama-samang pagkain tuwing hapunan at pamamasyal isang beses isang linggo.
b. pagkukumustahan kapag nagkakasama-sama o gamit ang cellphone / email kung nasa
malayong lugar.
c. pagkakaroon ng mga alituntuning dapat sundin sa tahanan, tulad ng pag-uwi nang maaga.
d. pagkakaroon ng bukas na komunikasyon at malalim na pag-unawa sa kalagayan ng bawat
isa.
_______ 20. Kilala ang pamilya nina Vangie sa pagbibigay ng halaga sa edukasyon. Kahit na ang
kanilang mga magulang ay hindi nakatapos ng pag-aaral, sinisikap nila na maitaguyod silang
apat na magkakapatid. Ngunit siya ay kinakikitaan ng ibang mga kasapi ng pamilya nang
kawalan ng pagpapahalaga sa pag-aaral ayon sa isinasaad ng mga marka nito sa iba’t ibang
asignatura. At kapag pinapaalalahanan siya ng kaniyang magulang, hindi nagiging maganda
ang reaksyon ni Vangie. Ano ang nararapat na gawin ng mga kasapi ng pamilya sa ganitong
sitwasyon?
a. Ipaunawa kay Vangie ang kahalagahan ng edukasyon sa bawat pagkakataon. Huwag
magsawa.
b. Kausapin si Vangie at bigyan ng inspirasyon upang mapataas ang kaniyang marka. Nasa lahi
nila ang pagiging magaling, kailangan lang ng pagpapaalala.
c. Siyasatin ang mga dahilan kung bakit mababa ang mga marka ni Vangie. Kumilos nang ayon
sa mga natuklasang dahilan.
d. Isaalang-alang ang kakanyahan at pagiging bukod-tangi ni Vangie. Tanggapin siya kung ano
siya nang walang pagtatangi.
_______ 21. Si Manuel ay isa sa kinikilalang mag-aaral na magaling sa pasulat na pagsusulit. Minsan
nahuli siyang may kodigo sa pagsusulit at nalaman ito ng kaniyang mga kamag-aral. Ano ang
maaaring ibunga nito kay Manuel kaugnay ng pagtingin sa kaniya na isang magaling na mag-
aaral?
a. Hindi na siya pagbibigyang makakuha ng pagsusulit.
b. Mas lalakas ang loob ng iba na mangodigo upang maging magaling na magaaral
c. Hindi na siya paniniwalaan at pagkakatiwalaan
d. Hindi na siya kakaibiganin ng mga mag-aaral
_______ 22. Paano ka makakaiwas sa pananakit sa ibang tao ng tunay mong nararamdaman?
a. Suntukin na lamang ang pader
b. Kumain ng paboritong pagkain
 c. huwag na lamang siyang kausapin muli
d. isipin na lamang na sadyang may taong nakasasakit ng damdamin ng iba
_______ 23. Ano ang ipinahihiwatig ng pahayag na “ Ang pagsunod ay pagkilos sa pagitan ng katwiran
at ng kakayahang magpasakop.”?
a. Ang marapat na pagsunod ay naipapakita sa pamamagitan ng pagsakop.
b. Kailangang sumunod at magpasakop dahil ito ang makatwiran at nararapat.
c. Maipapakita sa pamamagitan ng pagsuko ng sarili ang marapat na pagsunod sa mga ipinag
uutos.
d. May pagkakataon na kailangang sumunod at magpasakop at may pagkakataong di
kailangang magpasakop at sumunod.
_______ 24. Ito ay nagbibigay palatandaan sa ibang tao ng tunay mong nararamdaman.
a. Ang ating mga opinyon c. ang ating ugnayan sa kapwa
b. Ang ating mga kilos o galaw d. ang mabilis na pagtibok ng ating puso
_______ 25. Alin sa mga sumusunod ang HINDI dahilan sa pagsasabi ng totoo?
a. Mas magtitiwala sa iyo ang iyong kapwa.
b. Ang pagsasabi ng totoo lamang ang magtutulak sa iyo upang makaramdam ng seguridad at
kapayapaan ng kalooban.
c. Ang pagsasabi ng totoo ang magsisilbing proteksyon para sa isang tao hindi upang masisi,
maparusahan at masaktan.
d. Hindi mo na kinakailangang lumikha pa ng maraming kasinungalingan para lamang
mapanindigan ang iyong nilikhang kuwento.

Para sa bilang 26-29. Tukuyin kung anong pamamaraan ng pagtatago sa katotohanan ang ipinakikita
sa sumusunod na sitwasyon. Piliin ang pinakaangkop na sagot mula sa sumusunod na pagpipilian.
Isulat ang titik ng tamang sagot.
a. Pag-iwas
b. Pananahimik
c. Pagtitimping pandiwa (mental reservation)
d. Pagbibigay ng salitang may dalawang ibig sabihin o kahulugan

_______ 26. Iniiba ni Leo ang usapan sa tuwing tatanungin siya sa tunay niyang damdamin para sa
kaniyang mga magulang na matagal na nawala at hindi niya nakasama. Mas ipinararamdam na lamang
niya rito na siya ay nasasaktan sa kaniyang tanong sa halip na sabihin niya rito ang tunay niyang
nararamdaman.
_______ 27. Sinabi ni Joy sa kaniyang ina na pupunta siya sa bahay ng kaniyang kaibigan ngunit hindi
niya sinabi rito na malayo ang tirahan ng mga ito dahil alam niyang hindi siya papayagan ng mga ito.
_______ 28. Hindi tuwirang sinagot ni Ramil si Rene nang tanungin siya nito kung may gusto siya kay
Charmaine. Sa halip ay sinagot niya ito na magdadala kay Rene na mag-isip nang malalim at ang
kaniyang sagot ay maaaring mayroong dalawang kahulugan.
_______ 29. Kahit na nasasaktan dahil sa pamimilit ng hindi kilalang tao na sabihin niya ang lugar kung
nasaan ang kaniyang ama ay hindi pa rin nagsalita si Alvin.

Para sa bilang 30-33. Tukuyin kung anong uri ng pagsisinungaling ang isinasabuhay ng mga tao sa
sumusunod na sitwasyon. Piliin ang pinakaangkop na sagot mula sa sumusunod na pagpipilian. Isulat
ang titik ng tamang sagot.
a. Pagsisinungaling upang pangalagaan o tulungan ang ibang tao.
b. Pagsisinungaling upang isalba ang sarili upang maiwasan na mapahiya, masisi or
maparusahan.
c. Pagsisinungaling upang sadyang makasakit ng kapwa.
d. Pagsisinungaling upang protektahan ang sarili kahit makapinsala ng ibang tao.
_______ 30. Pinatatawag sa paaralan ang magulang ni Joey dahil sa isang paglabag sa panuntunan sa
paaralan. Sa takot na mapagalitan, humanap siya ng ibang kakilala na magpapanggap na magulang
niya.
_______ 31. Ipagkakalat ni Flor na ampon ang kaniyang kaklase kahit na ito ay hindi naman totoo.
Naiinggit kasi siya rito dahil maraming tao ang nais na makipagkaibigan sa huli.
_______ 32. Kilala si Angelo sa kaniyang labis na pagiging madaldal sa klase. Madalas na nahuhuli siya
ng kaniyang guro na hindi nakikinig sa klase at sa halip ay kinakausap at ginagambala ang kaniyang
kaklase. Kapag siya ay nahuhuli ng guro sinasabi niya na nadadamay lamang siya dahil palagi siyang
kinakausap ng kaklase.
_______ 33. Pumunta kayo sa kaarawan ng isang kaklase kasama ang inyong mga kaibigan. Hindi
nakapagpaalam sa kaniyang mga magulang ang iyong matalik na kaibigan dahil alam niya na hindi siya
papayagan. Ngunit dahil napasarap sa pakikipagkwentuhan, hindi niya namalayan na gumagabi na
pala. Alam niya na papagalitan siya ng kaniyang mahigpit na ama. Kung kaya kinausap ka niya upang
magsinungaling sa mga ito upang sabihin na ginabi kayo dahil gumawa kayo ng proyekto, at siya’y iyon
sinunod dahil ayaw mong mapahamak ang iyong kaibigan.

II. TAMA o MALI. Isulat ang TAMA kung ang pangungusap ay nagpapahayag ng katotohanan at MALI
kung ito’y hindi wasto. Isulat ang iyong sagot sa patlang.

___________ 1. Natututuhan ng bata ang paggalang at pagsunod sa pamamagitan ng pagmamasid sa kanilnag

mga magulang at ibang kasapi ng pamilya kung paano sila gumagalang sa nakakatanda, sa
ibang tao, sa awtoridad, sa pamahalaan, at sa Diyos.
___________ 2. Bilang pagpapakita ng paggalang sa awtoridad, nararapat lang na ika’y sumunod sa kanilang
mga utos kahit na ito’y maglalagay sa iyo sa kapahamakan.
___________ 3. Isang paraan ng pagpapasalamat ay ang pagtapik o pagyakap sa taong pinasasalamatan.
___________ 4. Para kay Aristoteles, ang “ultimate end” o huling layunin ng tao ay ang kaligayahan.
___________ 5. Kung nais mong hiramin ang gamit ng iyong kaibigan, ayos lang kahit hindi na humingi ng
pahintulot dahil magkaibigan naman kayo.
___________ 6. Ang pagiging mapagpasalamat ay isang ugaling hindi dapat isabuhay sapagkat ito’y walang
magandang dulot sa buhay.
___________ 7. Hindi mali ang pagsisinungaling lalo na kung ito’y magpapaangat sa iyo o sa ibang tao.
___________ 8. Sa pagtulong sa ibang tao, dapat tayong humingi ng bayad o kapalit ng tulong natin.
___________ 9. Ang pasasalamat sa salitang Ingles ay gratitude, na nagmula sa salitang Latin na gratus
(nakalulugod), gratia (pagtatangi o kabutihan) at gratis (libre o walang bayad).
___________ 10. Ayon sa pag-aaral ng Institute for Research on Unlimited Love (IRUL), ang mga likas na
mapagpasalamat na tao ay mas pokus ang kaisipan at may mababang pagkakataon na
magkaroon ng depresyon.
___________ 11. Ang pagsunod ng tao sa utos ng nakakatanda at awtoridad ay isang pahiwatig na siya ay may
galit at inggit.
___________12. Ang pagsasabi ng totoo lamang ang magtutulak sa iyo upang makaramdam ng seguridad at
kapayapaan ng kalooban.
___________ 13. Sa buhay, mahalaga ang pagiging matapat at mapagpasalamat sapagkat ito ay magbibigay sa
iyo ng katahimikan at kasiyahan.
___________ 14. Maipapakita mo ang paggalang sa mga nakakatanda sa pamamagitan ng pag-aaruga sa kanila
at pagsilbihan nang isinasaalang-alang ang maayos na pakikipag-usap.
___________ 15. Natututuhan ng bata ang paggalang at pagsunod sa pamamagitan ng pakikinig at
pagsasabuhay ng mga itinuturong aral ng mga magulang tungkol sa paggalang at pagsunod.
___________ 16. Ang matapat na tao ay kadalasang magsisinungaling, kukuha ng bagay na hindi niya pag-aari at
hindi manlilinlang o manloloko ng kaniyang kapwa sa anumang paraan.
___________ 17. Naipakikita mo ang paggalang kung umuuwi ka nang maaga at di na kung saan-saan pa
pupunta nang walang paalam.

Inihanda ni:

Bb. Christine Joy M. Gimeno

Guro sa ESP 8