Filipino 1

Filipino – Unang Baitang

Ikaapat na Markahan – Modyul 7: Pagtukoy sa Kahulugan ng Salita Batay sa
Kasingkahulugan
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi ang sinuman sa anumang akda ng Pamahalaan ng Pilipinas. Gayunpaman,
kailangan na may pahintulot ng ahensiya o tanggapan ng pamahalaan na naghanda ng akda
kung ito ay pagkakakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na
ito ay nagtataglay ng karapatang-ari ng mga iyon. Pinagsumikapang malikom ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anumang gamit maliban
sa modyul na ito ay kinakailangan ng pahintulot mula sa mga orihinal na may-akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Mercedes S. Almirañez
Editor: Ailyn I. Morales
Tagasuri: Alvin A. Lucas
Tagaguhit:
Tagalapat: Anabelle G. Escujita
Tagapamahala: Ma. Evalou Concepcion A. Agustin
OIC-Schools Division Superintendent
Aurelio G. Alfonso EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)
Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
 Filipino
Ikaapat na Markahan
1
Modyul 7 para sa Sariling Pagkatuto
Pagtukoy sa Kahulugan ng Salita Batay sa
Kasingkahulugan

Paunang Salita

Para sa tagapagdaloy:
Malugod na pagtanggap sa asignaturang Filipino 1 ng Modyul 7 para sa
araling Pagtukoy sa Kahulugan ng Salita Batay sa Kasingkahulugan !
 Ang modyul na ito ay pinagtulungang idinisenyo, nilinang at sinuri ng mga
edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal na
Pamahalaan ng lungsod sa pamumuno ng butihing Punong Lungsod, Kgg. Victor Ma.
Regis N. Sotto, upang matulungang makamit ng mag-aaral ang pamantayang itinakda
ng Kurikulum ng K to12 habang kanilang pinanagumpayan ang pansarili, panlipunan
at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa kanilang
kakayahan, bilis at oras. Naglalayon din itong matulungan ang mag-aaral na makamit
ang mga kasanayang pang-ika-21 siglo lalong-lalo na ang 5 Cs (Communication,
Collaboration, Creativity, Critical Thinking and Character) habang isinasaalang-alang ang
kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang mag-

aaral kung paano gamitin ang modyul na ito. Kinakailangan ding subaybayan at itala
ang pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan ang
mag-aaral habang isinasagawa ang mga gawaing nakapaloob sa modyul.

Para sa mag-aaral:

Malugod na pagtanggap sa asignaturang Filipino 1 ng Modyul 7 ukol sa

Pagtukoy sa Kahulugan ng Salita Batay sa Kasingkahulugan !
 Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong matutuhan
pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo pang
malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay na
dapat sagutin ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.

INAASAHAN
 Sa pagtatapos ng modyul na ito, inaasahang ang
mag-aaral ay: nakatutukoy ng kahulugan ng salita batay sa
kasingkahulugan.

PAUNANG PAGSUBOK

PANUTO: Piliin ang kasingkahulugan ng salita na may kahon.

Bilugan ang letra ng iyong sagot.

1. May sinat ang kaniyang nakababatang kapatid.

A. damit B. lagnat C. laruan

2. Malaki ang lugar na inilaan para sa mga

magpapakonsulta.
A. malawak B. makitid C. madilim

3. Abala ang mga doktor sa mga ospital ngayon.

A. pulis B. guro C. manggagamot

4. Ano ang edad ng kaniyang kapatid na nahawa ng

sakit?
A. lalaki B. gulang C. babae

5. Ang mga sikat na artista ay nagbigay ng donasyong

bigas sa bahay-ampunan.
A. kilala B. hindi kilala C. matatanda

BALIK-ARAL
PANUTO: Kumpletuhin ang pangungusap gamit ang
wastong salitang kilos na isinasaad ng larawan.
Piliin ang iyong sagot mula sa mga salita na nasa
loob ng kahon.

bumabahing natutulog nagdadasal

nagpapakonsulta naglilinis

1. ________ si Ana na gumaling ang

kapatid.

2. Mahimbing na _____________ si Sam.

3. Ang mag-ina ay _________________ sa

doktor.

4. Masayang _______________ng bahay ang

magkapatid na Ben at Nena.

5. Tinatakpan ng lalaki ang

kanyang bibig habang siya ay__________ .

ARALIN
 Anong virus ang lumalaganap ngayon? Paano tayo
makakaiwas na mahawa rito?

Basahin ang tula.

ANG VIRUS
Bukambibig sa paligid, laging sinasabi,
Kumakalat na virus, dala raw ay sakit sa sarili,
Kaya maraming natatakot, lahat nababahala,
Dahil wala pang gamot, lunas ay di pa makita.

Kaya mga babala at paalala ay sundin,

Pagsuot ng face mask at social distancing,
Ilan lamang ito sa dapat nating gawin
Upang hindi mahawa sa COVID-19.

Sagutin ang mga sumusunod:

1. Tungkol saan ang tula?
2. Ano ang dala ng virus sa tao?
3. Bakit kaya nababahala ang mga tao tungkol dito?
4. Sa iyong palagay, tama ba na sundin ang mga
paalala tungkol sa virus?
5. Ano-ano ang mga dapat gawin para hindi
mahawa rito?

Suriin
Basahin ang bawat pares ng salita mula sa tula.
 bukambibig – laging sinasabi
virus – sakit
natatakot – nababahala
gamot – lunas
babala – paalala

- Ano ang napansin ninyo sa mga salita?

- Ano ang tawag sa bawat pares ng salita?
- Ano ang ibig sabihin ng magkasingkahulugan?

Ang pares ng mga salita ay magkasingkahulugan.

Magkasingkahulugan ang salita kapag ang mga ito ay may
pareho o katulad na kahulugan.

Masasabi natin ang kahulugan ng isang salita sa

pamamagitan ng mga salitang kasingkahulugan nito.
 Halimbawa:

klinika ospital pagamutan

pasyente maysakit may karamdaman

social distancing dalawang metrong pagitan

 MGA PAGSASANAY

Pagsasanay 1

PANUTO: Lagyan ng tsek (✓) ang bilog ng kasingkahulugan

ng salita sa gawing kaliwa.

1. mahusay magaling maliit

2. ayuda tulong puno

3. babala paalala masaya

4. mabilis maliksi sariwa

5. klinika parke pagamutan

Pagsasanay 2

PANUTO: Kulayan ng pula ang pares ng salitang

magkasingkahulugan sa bawat bilang.

1. bahay tirahan gamot

2. wheelchair pera salapi

3. higaan kama malakas

4. ambulansiya sasakyan nars

5. walang kibo maingay walang imik

Pagsasanay 3
PANUTO: Bilugan ang wastong salita sa loob ng kahon na
kasingkahulugan ng salitang may guhit sa
pangungusap.
1. Binigyan siya ng gamot para sa medisina
sakit ng ulo. sabon

2. Nilagyan siya ng thermometer upang boses

malaman kung may sinat siya. lagnat

doktor
3. Ang may karamdaman ay nanghihina. maysakit

4. Nakaramdam siya ng takot sa narinig kaba

na balita. saya

tirahan
5.Nanatili lang ako sa loob ng aming bahay
parke
ngayong panahon ng pandemya.
 PAGLALAHAT

Pagkatapos ng araling ito, ano ang natutuhan mo?

PANUTO: Punan ang patlang ng wastong salita upang
mabuo ang kaisipan ng talata. Piliin ang sagot
sa kahon.

salita pagtukoy magkasingkahulugan

magkatulad kasingkahulugan

Ang natutuhan ko sa araling ito ay ang tungkol sa mga (1)

_________ na may pareho o (2) _________ na kahulugan.
Ito ay tinatawag na salitang (3)____________________.
Makatutulong sa (4)____________ ng kahulugan ng salita
kung may alam tayong (5) _______________ nito.
 PAGPAPAHALAGA

Bilang isang bata, paano mo ipinakikita ang pagiging

masunurin sa mga babala o paalala ngayong panahon ng
pandemyang COVID-19?

PANUTO: Iguhit ang masayang mukha ( ) kung ang

pangungusap ay nagsasaad ng iyong pagiging
masunurin sa mga babala o paalala, malungkot
na mukha ( ) kung hindi.

_____1. Sinusunod ko ang paalala ng aking mga

magulang.

_____2. Hindi ako lalabas ng bahay para hindi ako

mahawa ng sakit.

_____3. Hindi ako laging maghuhugas ng kamay.

_____4. Wala akong pakialam sa mga ibinibigay na

babala at paalala ng barangay.

_____5. Iinom ako ng bitamina upang lumakas ang

aking resistensiya.
 PANAPOS NA PAGSUSULIT

PANUTO: Bilugan ang letra ng kasingkahulugan ng salitang

may salungguhit.

1. Tahimik sa loob ng silid ang maysakit.

A. umiiyak
B. payapa
C. madaldal
2. Binigyan ng babala ang mga tao tungkol sa
masamang dulot ng virus.
A. bigas
B. tulong
C. paalala
3. Magsuot ng face mask kapag lalabas ng bahay.
A. sapatos
B. sumbrero
C. pantakip sa ilong at bibig
4. Natakot ang mga tao sa sakit na COVID-19.
A. nagalit
B. natuwa
C. nabahala
5. Ugaliin ang dalawang metrong pagitan sa isa’t isa
upang hindi mahawa ng virus.
A. pagtakbo
B. paglakad
C. social distancing
Paunang Pagsubok Pagsasanay 3
1. B 1. medisina
2. A 2. lagnat
3. C 3. maysakit
4. B 4. kaba
5. A 5. tirahan
Paglalahat
Balik-aral 1. salita
1. nagdadasal 2. katulad
2. natutulog 3. magkasingkahulugan
3. nagpapakonsulta 4. pagtukoy
4. naglilinis 5. kasingkahulugan
5. bumabahing Pagpapahalaga
1.
Mga Pagsasanay 2.
Pagsasanay 1 3.
1. magaling Sanggunian4.
2. tulong 5.
3. paalala Panapos na Pagsusulit
4. maliksi 1. B
5. pagamutan 2. C
Pagsasanay 2 3. C
1. bahay - tirahan 4. C
2. pera – salapi 5. C
3. higaan - kama
4. ambulansiya - sasakyan
5. walang kibo – walang imik
SUSI SA PAGWAWASTO
 Sanggunian
Jabines, Angelika D., et al., Bumasa at Sumulat Filipino -
Unang Baitang Kagamitan ng Mag-aaral. Pasig City.
Kagawaran ng Edukasyon, Unang Edisyon 2017
Clark-Chiarelli, EdD, et. al., Bumasa at Sumulat Filipino –
Unang Baitang Patnubay ng Guro. Pasig City. Kagawaran
ng Edukasyon, Unang Edisyon 2017
images.app.goo.gl/hA7drCkEE2uVXo3J6
images.app.goo.gl/uL8dKQnAu1CKLvwi8
images.app.goo.gl/SqCHpZDE9TPJqGec6
images.app.goo.gl/jbV4sA3MMjJqMh8b7
images.app.goo.gl/QvuwiJmDxgL7Cmir8
images.app.goo.gl/we4Ce8vSANPGRqRG6
images.app.goo.gl/nVyCmEtJda9kxyHh9