9th Grade

Ang Ating mga Ninuno

 Teoryang MULA sa alamat Si Malakas at Maganda

Ayon sa Alamat ng mga Pilipino:

Isang ibon ang naglakbay at nakarinig ng boses mula sa kawayan. Lumapit ang ibon at tinuka
ang kawayan hanggang sa mabiyak ito. Lumitaw sa Kawayan ang isang Lalake at isang Babae.
Sila ay si Malakas at Maganda na naging ninuno ng mga tao sa mundo. Sila ay nagkaroon ng
madaming anak na naging ninuno ng ating mga kababayan.

Mula sa kwentong bayan na “pagluluto ng luwad”

Noong unang panahon, wala pang taong naninirahan sa daigdig. Isang araw,isang diyos at diyosa ang dumalaw sa
daigdig. Sila ay nalungkot sapagkat wala silang makitang tao sa mga burol, lambak at dalampasigan.
Sila ay kumuha ng luwad sa tabing ilog at hinubog ito sa dalawang anyo, isang babae at isang lalake at niluto
nila ito sa apoy. Dahil sa wala pa silang karanasan sa pagluluto, ang mga anyo ang maiitim sapagkat ito ay nasunog.
Hindi sila nasiyahan sa kanilang ginawa kaya naghugis silang muli ng isang pares na anyo at nilagay muli ito sa
apoy, dahil sa una nilang pagkabigo, naging lubha silang maingat sa pagluto kaya mabilis nilang inalis sa apoy ang
mga anyong luwad. Sa kanilang pagkamangha, nakita nilang ang mga anyo ay mapuputla dahil sa hindi ito gaanong
naluto.
Sa pangatlong pagkakataon, gumawa na naman sila ng isang pares ng anyo at muli itong nilagay sa apoy. Sa
pagkakataong ito, dahil sa kanilang sapat na karanasan, nakapagluto na sila nang walang kapintasang anyo.
Buhat sa mga nasunog na anyo ay nagmula ang maiitim na tao, maitim ang kanilang mga balat sapagkat sila ay
nasunog. Mula naman sa mga hilaw na anyo ay nagbuhat mga puting tao.
Ang mula sa perpektong pagkakaluto nagbuhat ang lahing kayumanggi, ang ating mga ninuno.
 Teoryang MULA sa bibliya
Kuwento sa Bibliya.
Mula sa aklat ni Genesis, sinasabing nilikha ng Diyos sa ikaanim na araw ang mga unang tao.
Batay sa aklat na ito nagmula ang mga tao sa alabok na hinulmang tao ng Diyos.

Ayon sa Banal na Bibliya, lahat ng lalaki at babae ay nagmula sa unang lalaki na si Adan at
sa unang babae na si Eba.

Pagkatapos ng malakas na pagbaha (Great Flood), si Noe at ang kanyang tatlong anak ay namuhay muli
sa kapatagan. Ang anak ni Noe na sina – Shem, Ham at Japhet – ay nagkaroon ng mga anak pagkatapos
ng baha.

Ang bunsong anak ni Japhet na pinangalanang Javan (Genesis 10:1-4) ang pinagmulan ng apat na apo
ni Noe na sina – Elishah, Tharsis, Kittim at Rodanim.

Ayon sa Bibliya, sa mga taong nanggaling sa arko nagmula ang mga tao na siyang kumalat at
nanirahan sa kani-kanilang teritoryo at pamayanan at nagkaroon ang mga ito ng kani-kanilang wika.
 Batayang makaagham
ANG TEORYA NG EBULUSYON
Panahong Paleolithic - Mula sa mga katagang greiyego na paleos o ”matanda” at
lithos o “bato”

Ayon sa mga pagsusuri at mga ebidensya tungkol sa pinagmulan ng mga tao sa

Pilipinas, may tao na sa bansa kasabay ng panahon ng mga taong Java at Peking,
may 500,000 taon nang nakaraan.
• Taong Java o Java Man • Pinakamatandang fossil ng Homo Erectus na
nahukay sa Java, Indonesia noong 1891 at tinatayang may may tanda na
700, 000 taon Lower Paleolithic Period (Maagang panahon ng Lumang
Bato)
• Taong Peking o Peking Man • Kasalukuyang tinatawag na Homo erectus
pekinensis, ay isang halimbawa ng Homo erectus • Isang pangkat ng mga
ispesimeng fossil ang natagpuan noong 1923 hanggang 1927 habang
naghuhukay sa Zhoukoudian malapit sa Beijing (na kilala bilang Peking
noon), Tsina Lower Paleolithic Period
Pinabubulaanan nito ang paniniwala na ang unang mga Pilipino ay galling sa
Indonesia o Malaysia
 Ang Teorya ng ebulusyon
Maaring ito ay Homo Erectus Philippinensis at katipo ng mga taong natuklasan sa
Indonesia (Taong Java) at China (Taong Peking), may 250,000 hangang 500,000 taon bago
ngayon ang gulang. Maaring nangangaso ito ng mga hayop na nabubuhay noong
panahong Pleistocene tulad ng elepante, istegodon, at rinoseros.

Ang Pleistocene ay madalas na tinutukoy bilang Yugto ng Yelo; at

ang panahon ng ebolusyon ng tao.

Homo Erectus
• Sila ang mga humalili sa Homo Habilis
• Mula sa mga katagang Latin na homo o ”tao” at Erectus o “nakatindig” o
nangangahulugang "taong nakatindig"
• Tinawag silang Homo Erectus sapagkat tuwid na ang kanilang paglalakad
• Ay isang species ng genus na Homo, tinatayang may taas na 4 ft. 9 in - 6 ft. 1
at namuhay panahaon ng mababang sabdibisyong panahon ng Lumang Bato.
 Ang Teorya ng ebulusyon
Ang mga teoryang ukol sa pinagmulan ng mga tao sa Pilipinas ay batay sa pananaliksik ng mga siyentipiko,
antropologo, at manalaysay.

May mga nagsasabing nasa Cagayan Valley ang tinatayang painakamatandang ebidensiya ng tao sa Pilipinas.

Taong Callao (67 000 taon bago ang kasalukuyan)

Natuklasan ng grupo ni Armand Mijares ng Unbersidad ng Pilipinas noong 2007 ang mga
kagamitan ng tao at buto ng tinatawag na Taong Callao o Homo luzonensis sa Callao Cave sa Cagayan.
Ipinadala nina Mijares sa ibang bansa ang buto at noong 2009, Sa pamamagitan ng U-series
dating, nalaman na ang pinakabatang edad ng Taong Callo ay 67,000 taon bago ang kasalukuyan.
Nangangahulugang mas matanda ang butong ito kaysa sa Taong Tabon na una nang pinaniwalaan
bilang pinakaunang taong nabuhay sa bansa.
Ang Teorya ng ebulusyon
Taong Tabon (22,000 taon bago ang kasalukuyan)
Ang labi ng Taong Tabon ay nahukay sa Kuwebang Tabon sa
Lipuun Point sa Quezon, Palawan, Pilipinas noong ika-28 ng Mayo, taong
1962.
Sinasabing nasa 24,000 hanggang 22,000 taon na ang tanda ng
mga labi na natuklasan ni Dr. Robert B. Fox, isang Amerikanong antropologist
ng Pambansang Museo ng Pilipinas.
Ito ay isang fossilized na bungo. Nahukay ito kasama ng mga gamit
nila. Ang hitsura ng homo sapiens ay halos kapareho nang ating
pangangatawan. Ang kanilang utak ay katulad na ng mga kasalukuyang tao.
Mataas ang noo na hindi gaanong matambok. Maliliit ang mga ngipin at mas
maliit at nakausli na ang baba. Maunlad sila sa kagamitan tulad ng lanseta at
sinasabing marunong ring gumamit ng apoy. Isa siyá sa mga sinaunang tao na
nakarating sa kapuluan sa pamamagitan ng mga tulay na lupa.
Ang Homo Sapiens ay tinatawag din na "nakatatandang marunong
na tao" dahil marunong na silang mag-isip at alamin ang mga nangyayari sa
kanilang paligid.
Teorya nI Felipe LaNDA Jocano TUNGkol sa COre
Pinaniniwalaan ni Jocano na nagmula ang iisang lahi ang
mga sinaunang tao sa Southeast Asia na naninirahan sa Borneo,
Java, New Guinea, at Pilipinas ay tinatayang 1.9 milyong taon na ang
naklipas.
Pinaniniwalaan pa ni Jocano na ang mga Pilipino ay hindi
maituturing nagmula sa mga Malay o Indones.
Nang matuklasan ang labi ng Taong Tabon sa Palawan ay
patunay na my tao na sa Pilipinas, tinatayang 22,000 hanggang
24,000 taon na ang nakalipas.
May mga pagtataya na marunong magluto ang mga Taong
Tabon dahil sa may mga labi ng uling na nakuha. Sa pamamagitan ng
radioactive carbon-14 test. Ipinapalagay na ang mga Taong Tabon
ay may katamtamang taas, nakatira sa kweba at nangangalap
lamang ng mga bungang kahoy at mga bungang ugat na tanim, sila
rin ay nangangaso sa pamamagitan ng kasangkapang bato. Sila ay
nabibilang sa Panahon ng Lumang
 ang teoryang wave of migration
Ito ay pinanukala ng Antropologong si Henry Otley Beyer.

Ang Wave of Migration theory ay ang teoryang tungkol sa mga sinaunang tao sa Pilipinas
na pinaniniwalaan ng karamihan. Isinasaad ng teoryang binuo ni Henry Otley Beyer na
may iba’t ibang grupo o uri ng tao na nag-migrate sa Pilipinas, at sila ang mga kauna-
unahang nanirahan sa bansa.

Ayon sa Waves of Migration Theory ni Dr.Henry Otley Beyer ang mga

sumusunod ay ang Unang Tatlong Pangkat ng tao na nanirahan sa Pilipinas.
1. Negrito
2. Indones
3. Malay
 Negritos
Ita, Aeta,Aytas, Agta, Baluga…
• Ipinalagay na sila ay isa sa mga sinaunang taong nanahan sa bansa.
• Sila ay nakarating sa Pilipinas sa pamamagitan ng mga tulay na lupa may
25,000 taon na ang nakalipas.
• Nabibilang ito sa Matandang Panahon Bato (Old Stone Age).
• Sila ay Maiitim, pandak, maliit ang pangangatawan, bilugan ang hugis ng mga
mata, kulot ang buhok at makapal ang labi.
• Ang kasuotan ay mula sa mga pinalambot na banakal ng mga punongkahoy at
dahon.
• Namumuhay sila sa paggamit ng pana at sumpit at ibang gamit na yari sa
matatalas na bato sa paghuli ng hayop, pangangalap ng bungang-kahoy at ibang
halaman sa gubat.
• Wala silang pirmihang tahanan at walang pamahalaan.
Nomadic- Ang mga indibidwal, tribo o mamamayan na walang isang nakapirming lugar
upang manirahan at na patuloy na lumipat mula sa isang lugar patungo sa isa pa.
• Ang kanilang tirahan ay yari lamang sa sanga ng kahoy, malapad na dahoon at talahib.
• Marunong silang magsaka.
• Ang mga Negrito ay nagpaparingas ng apoy sa pamamagitan ng “Pan-a-han”
(dalwang putol na kawayan ang pinagkikiskis hanggang sa lubusang uminit at
mapagdingas ang kusot na nasa pagitan nito)
 Indones
Ang Mga Indones
• Nag mula sila sa Timog Silangang Asia at nakarating sa Pilipinas sa pamamagitan ng mga bangkang
inukang kahoy.
• Dumating sila sa Pilipinas may 3,000 hanggang 8,000 taon na ang nakalipas.
• Sila ay namuhay sa Bagong Panahong Bato (New Stone Age).

• Ang unang pangkat na mga Indones na dumating sa Pilipinas: ay Maputi at balingkinitan ang
pangangatawan, matangkad na may karaniwang taas na mula 5 talampakan at apat na pulgada
hangang 6 talampakan at dalawang pulgada. Manipis at may katulisan na mukha, malapad ang
noo, malalim ang mga mata, matangos ang ilong at manipis na labi .
• Namuhay sila sa pamamagitan ng pamamana, pangingisda at pagkakaingin. Binubungkal nila ang
lupa at nagtanim sila ng tugi at milet.
• Niluluto nila ang kanilang pagkain at ang kanilang kagamitan tulad ng pinggan ay yari sa dahon.
• Ang kanilang mga bahay ay yarisa kahoy at may bubong na yari sa damo o talahib at ito ay pabilog.
• Ang mga bahay nila ay nakatayo sa lupa o kaya’y nakahukay sa lupa na may isang metro ang lalim.
Ang iba naman ay nasa tuktok ng punong-kahoy ang bahay.

• Ang isa pang pangkat na mga Indones na dumagsa sa Pilipnas: ay maiitim, malapad ang mukha,
makapal ang labi, Malaki ang panga, Malaki ang ilong, bilugan ang mga mata, matipuno at malaki
ang mga pangangatawan.
• Sila ay galling tangway ng Indochina at nanirahan sa mga baybayin ng Luzon.
• Higit na mas maunlad ang kanilang pamumuhay kaysa sa mga naunang dumating sa Pilipinas.
 Malay
• Pinaniniwalaan ng ilan mga mananaliksik na ang pangkat ng mga malay na dumating sa Pilipinas ay
nagtungo dito sakay ng mga bangkang inuka sa puno ng kahoy na tinatawag nilang balangay.
• Ang kanilang kalinangan ay nabibilang sa Panahong Bakal at Porselana (Iron and Porcelain Age) may
2000 taon nang nakalilipas.
• Ang mga Malay na nakarating dito ay pinaniniwalaang nagmula sa bansang ngayo’y kilalang
Indonesia.
• Nagdaan sila sa Palawan, Mindoro, Visayas at Mindanao.
• Ang malay: ay kayumanggi ang balat, katamtaman ang taas at balinkinitan ang kanilang
pangangatawan. Pango ang kanilang ilong at tuwid at maitim ang buhok.
• Sila ang may pinaka maunlad na pamumuhay at kalinangan sa lahat ng mga sinaunang taong
nakarating sa Pilipinas
• Mataas ang antas ng kanilang kaalaman. Barangay ang tawag nila sa isang samahan sa kanilang
pangkat.
• May sining, agham at panitikan.
• May mga Batas silang sinusunod at may pamahalaan.
• May paniniwala sa Diyos.
• Marunong silang maghabi, maglusaw ng metal, gumawa ng gamit pandigma, mga palamuting may
sarisaring disenyo.
• Gumagamit sila ng alahas.
• Marunong din silang magmina, mangisda, magsaka, at magalaga ng hayop.

• Isapang grupo ng malay na dumating sa Pilipinas ay marunong gumamit ng alpabeto.

• Sindundan pa ng isang pangkat, ito ay mga Muslim Malay. Ang kanilang mga inapo ay matatagpuang
namumuhay ngayon sa Mindanao at Sulu.
Ang iba pang pangkat na nakarating sa Pilipinas ay ang mga taong nanggaling sa Gitnang Asia, may kulang-kulang sa tatlong
libong taon na ang nakalilipas. Yari sa tanso at kobre ang kanilang mga kagamitan at pinaniniwalaang marunong din silang gumamit
ng patubig sa kanilang pagsasaka. Nagtatanim sila ng palay, gabi, ubi at iba’t ibang uri ng halamang makakain.

Tinatayang sila ang kauna-unahang gumawa ng hagdan-hagdang taniman ng palay sa Banawe, ang tinaguriang Banawe Rice
Terraces.

Ang Hagdan-hagdang Palayan ng Banawe (Banaue Rice Terraces) ay mga 2000-taong gulang na mga hagdanang-taniman na nililok sa
mga bulubundukin ng Ifugao sa Pilipinas ng mga ninuno ng mga katutubong mamamayanang Batad.
Austonesiyano
Teoryang Austonesiyano migration
Ang mga Awstronesyo ay isang pangkat ng mga tao sa Madagaskar, Oseaniya at Timog-Silangang Asya na nagsasalita o may mga ninunong
nagsasalita ng isa sa mga wikang Awstronesyo.

-Nagmula ang pamumuhay na sedentaryo, pandaragat at paggawa ng iba’t-ibang sasakyang pandagat at pagtatanim ng palay, ube, gabi at sagging

Ang pangalang Awstronesyo ay nagmula sa Lating Auster (hangin mula sa timog), at ng Griyegong Nêsos (pulo).

Si Otto Dempwolff, isang Alemang iskolar, ay ang unang tagapagsaliksik na malayong nassaliksik ang Awstronesyo ayon sa tradisyonal na paraang paghahambing.

Ang mga wikang Austronesyo o Awstronesyo

- ay isang pamilyang wika na malayang nakakalat sa mga kapuluan ng Timog-Silangang Asya at ng Pasipiko, na may ibang kasapi ginagamit sa mismong kontinente ng Asya.
- Isa sa mga pangunahing pamilya ng mga wika ng mundo.

Ang salita para sa ”mata” sa mga wikang Awstronesyo ay mata rin (karamihan sa mga wikang Awstronesyo sa bandang hilaga, mga wikang Pormosyano katulad
ng Bunun at Amis at papunta na sa katimugan na Maori).