Jina la Mtahiniwa: ___________________________________________________ Shule: _____________________

JAMHURI YA MUUNGANO WA TANZANIA

OFISI YA RAIS
TAWALA ZA MIKOA NA SERIKALI ZA MITAA

PATRIOTIC EXAMINATIONS FOR PRIMARY SCHOOLS (PEPS)

Nambari ya Usajili: 526180 0787745222
16113 Mbezi Luis Mshikamano 0676269081
S.L.P 66735 Dar es salaam 0757449270

UPIMAJI WA KILA MWEZI WA DARASA LA SABA

KISWAHILI [01]
MUDA: SAA 1:40 FEBRUARY 2024

MAELEKEZO
1. Mtihani huu una maswali 6 katika sehemu A, B na C.
2. Jibu maswali yote kama ulivyoelekezwa katika kila sehemu.
3. Majibu yote yaandikwe kwenye nafasi ziliachwa wazi katika karatasi hii
4. Epuka kufutafuta.
5. Simu za mkononi haziruhusiwi katika chumba cha mtihani.

SEHEMU A (ALAMA 20)

UMAHIRI WA KUSIKILIZA, SARUFI NA LUGHA YA KIFASIHI
1. Sikiliza habari utakayosomewa na msimamizi kisha jibu maswali (i) - (v) kwa kuandika herufi ya jibu
sahihi katika kisanduku ulichopewa
(i) Vitu vitatu muhimu kwa maisha ya viumbe hai ni vipi?
A) Malazi, chakula na fedha C) fedha, hewa na maji E) maji, hewa na chakula ( )
B) Hewa, oksijeni na mavazi D) Maji, hewa na mavazi
(ii) Nahau iliyotumika katika habari hii ina maana gani?
A) Kufariki C) Kusihi miaka mingi E) Maisha ni kila kitu ( )
B) Maji ni uhai D) Maji, hewa na chakula
(iii)Yapi si matumizi ya maji kulingana na habari uliyosikiliza?
A) Kumwagilia B) Kupikia C) Kufulia D) Kuoga E) Kunywa ( )
(iv) Neno lipi lina maana karibu sawa na neno maskani kama lilivyotumika katika habari uliyosikiliza?
A) Maskini B) Maji C) Malazi D) Makazi E) Mavazi ( )
(v) Ni viumbe wanaoishi majini kwa mujibu wa habari uliyosikiliza
A) Tumbili, mamba na chura C) Chura, konokono na mbu E) Ng’e, chura na samaki ( )
B) Konokono, samaki na mamba D) Samaki, chura na mamba
Jina la Mtahiniwa: ___________________________________________________ Shule: _____________________
2. Chagua herufi ya jibu sahihi kisha uiandike katika kisanduku ulichopewa
(i) Kauli taarifa ya sentensi mama alisema, “Hawa samaki wameoza” ni ipi?
A) Mama alisema kuwa wale Samaki walikuwa wameoza ( )
B) Mama alisema kuwa wale Samaki wameoza
C) Mama alisema kuwa hawa Samaki wameoza
D) Mama alisema kuwa hawa Samaki walikuwa wameoza
E) Samaki wameoza mama alisema
(ii) Kitundu Mtundu ni mtundu sana. Neno lililo tumika kama kielezi ni lipi?
A) Mtundu B) Kitundu C) ni D) sana E) mtundu ( )
(iii)Angeondoka, ingekula kwake. Sentensi hii ipo katika wakati gani?
A) Uliopo B) Timilifu C) Uliopita D) Mazoea E) Ujao ( )
(iv) Kaka alimpigia simu wifi yangu. Je, sentensi ina maana ngapi?
A) Moja B) Mbili C) Tatu D) Nne E) Tano ( )
(v) Hawakusoma kwa bidii ndio maana walifeli mtihani. Je, silabi ipi inawakilisha njeo?
A) ma B) ku C) ha D) wa E) so ( )
(vi) Ni neno lipi kati ya yafuatayo ni tofauti na mengine?
A) somo B) ufa C) timu D) saruji E) soma ( )
(vii) Katika maneno yafuatayo ni neno gani lipo katika ngeli ya U-YA?
A) Ugonjwa B) Uyoga C) Ulimbo D) Ukuta E) Ulingo ( )
(viii) “Mwanangu, kwa kuwa umeamua mwenyewe kusomea uhandisi basi huna budi ujifunze kwa bidii na
kamwe usife moyo. Methali ipi inasadifu kifungu hicho kwa usahihi?
A) Mganga hajigangi B) Achanikaye kwenye mpini hafi njaa ( )
C) Maji ukiyavulia nguo sharti uyaoge D) Ukitaka kuruka agana na nyonga
E) Maji yakimwagika hayazoleki
(ix) Usipokuwa makini katika kazi zako ni lazima mambo yatakuendea kombo. Maelezo hayo yanaweza
kuwa ni maana ya methali ipi?
A) Mpanda ovyo hula ovyo B) Mganga hajigangi C) Lila na fila havitangamani ( )
D) Dunia tambara bovu E) Mchelea mwana kulia hulia yeye
(x) Tegua kitendawili hiki? “Njoo hapa nije hapo”
A) Kiraka B) Njia C) Mshipi D) Kata E) Ugali ( )

3. Oanisha maneno ya kifungu A na yale ya kifungu B ili kuleta mantiki kwa kaundika herufi ya jibu
sahihi kutoka kifungu B katika mabano uliyopewa
KIFUNGU A JIBU KIFUNGU B
(i) Liamba ( ) A. Kikembe cha nyuki
(ii) Shule ( ) B. Alfajiri
(iii) Chakula ( ) C. – l -
(iv) Jana ( ) D. Tamaa mbaya
(v) Cha mtu mavi ( ) E. Kijerumani
Jina la Mtahiniwa: ___________________________________________________ Shule: _____________________
SEHEMU B (ALAMA 20)
4. Andika majibu sahihi katika sehemu wazi
(i) Changanua sentensi hii kwa usahihi, “Mvumilivu hula mbivu kutokana na uvumilivu wake”
________________________________________________________
(ii) Dora ni mjukuu wa mjukuu wangu. Kwa hiyo Dora ni nani kwangu? ____________________
(iii)Neno Shaghlabaghla lina konsonanti ngapi? ________________________________
(iv) Tegua kitendawili hiki, “Ana miguu ya msumeno” __________________________
(v) Je, kamusi ina sehemu kuu ngapi? ____________________________

5. Soma kwa makini habari ifuatayo kisha ujibu swali la (i) – (v)
Ama hakika, nimeamini maneno ya wahenga wetu yasemayo,“Asiyesikia la mkuu huona makuu”. Kwani, katika
siku za kisogoni nilishuhudia viongozi wetu mbalimbali wa chama na serikali pamoja na wataalamu wa hali ya
hewa bila kukata tama, wakionya kuhusu hatari za kuishi mabondeni, lakini bado familia yangu iliendelea
kukaidi ushauri huo pasi na hofu yoyote.

Hatimaye siku moja wingu kubwa mithili ya moshi mweusi lilitanda katika jiji letu, watu walionekana wakipita
huku na huku kwa hofu kuu. Loo! Ghafla ikashuka mvua kubwa ambayo ilinyesha kwa taribani siku tatu na nusu
mfululizo. Wakati tukila chajio mama yangu alisikika akisema , “Sikilizeni, kuna habari ya maafa huku
mabondeni” Taarifa ilisema hivi, “Watu zaidi ya korija moja wamepoteza maisha na wengine wapatao dazani
tatu wameachwa bila makazi kutokana na mvua kubwa inayoendelea kunyesha katika jiji letu.

Ilikuwa ni habari kubwa na ya kutisha, mali nyingi ziliharibiwa na maji. Laiti kama tungelisikiliza ushauri wa
wataalamu na viongozi wetu wa chama na serikali, tusingefikwa na maafa haya. Kweli, majuto ni mjukuu

Maswali
41. Mwandishi anasema, katika siku za kisogoni alishuhudia viongozi wake wakionya kuhusu hatari ya kuishi
mabondeni. Nini maana ya maneno, “Siku za kisogoni?’
________________________________________________________________________
42. Nini maana ya methali, “Majuto ni mjukuu” kama ilivyotumika katika habari hii?
_______________________________________________________________________
43. “Watu zaidi ya korija moja walipoteza maisha….”. Je, taarifa hii ilimaanisha nini?
__________________________________________________________________________
44. Kwa mujibu wa taarifa ya habari, mali nyingi ziliharibiwa na maji. Je, katika sentensi hii mtenda ni nini?
_________________________________________________________________________
45. Mwandishi anasema, “Laiti kama tungesikiliza ushauri wa viongozi wetu tusingefikwa na maafa haya”.
Je, hii ni aina gani ya sentensi?
________________________________________________________________________

SEHEMU C (ALAMA 10)

6. Sentensi zifuatazo zimebanangwa, zipange ili kuleta mtiririko wenye mantiki kwa kuzipa herufi A, B,
C, D na E
(i) Kwa vile ajira za watoto ni haramu, vijana hawa walikamatwa na kurejeshwa shuleni ( )
(ii) Asilimia kubwa ya wazazi wa kijiji hiki wanajihusisha zaidi na kazi za migodini ( )
(iii)Kijiji cha Maganzo kipo wilaya ya Kishapu mkoani Shinyanga ( )
(iv) Masunga na Masanja ni baadhi ya wanafunzi walioamua kuacha shule na kukimbilia migodini ( )
(v) Kijiji hiki ni maarufu sana kwa uchimbaji wa madini aina ya almasi ( )