KINAMAYAN INTEGRATED SCHOOL

BANGHAY ARALIN SA
FILIPINO 8

Pamantayang Pangnilalaman: Napapamalas ng mga mag – aaral ang pag – unawa

sa mga programang pantelebisyon.
Pamantayang Pagganap: Ang mga mag- aaral ay makapaglathala ng sariling
dokumentaryo sa hatirang pang madla.
Kasanayang Pagkatuto: Nagagamit ang iba’t ibang estratehiya sa pangangalap ng
mga ideya sa pagsulat ng balita, komentaryo, at iba pa (F8WG-IIIa-c-30).

I. LAYUNIN
Pagkatapos ng aralin, ang mga mag aaral inaasahang:
a. Natutukoy ang mga tamang salita sa pagbuo ng isang puzzle na may kaugnayan sa
paksa;
b. Nasusuri ang isang programang napanood sa telebisyon ayon sa itinakdang mga
pamantayan; at
c. Nailalahad ang mga kaisipan o ideya batay sa napanood na Programa at
Dokumentaryong Pantelebisyon.
II. PAKSANG ARALIN
A. PAKSA: Mga Programang Pantelebisyon
B. PINAGKUKUNAN: SLM FILIPINO 8 Q3 p1-3
C. KAGAMITAN: Kagamitang Panturo at Larawan
III. PAMAMARAAN
A. PANIMULANG GAWAIN
 Magdasal
 Pagbati
 Pagsuri ng attendance
 Bago tayu umupo ayusin ninyo muna ang mga upuan at pulutin ang mga basura
sa ilalim ng inyung mga upuan
B. Balik Aral
  Ang guro ay magtatanong tungkol sa nakaraan aralin sa mga mag – aaral.
C. PAGLALAHAD
Panuto: Tukuyin ang mga sumunod na mga tao batay sa programang pantelebisyon
na kanilang ginagampanan.

D. PAGSUSURI
 Magbigay ng programang iyong pinapanood at ibigay ang dahilan kung bakit mo
ito nagugustahang panoorin?
 Magbigay ng pagkakaiba ng telebisyon at radio bilang uri ng broadcast media.
 Ibigay ang mga kahalagahan ng panonood sa telebisyon.
E. PAGHAHALAW
MGA PROGRAMANG PANTELEBISYON
 Art Angel, Batibot, Tropang PoTchi ( Children Show)
 Programa o palabas sa telebisyon na ang pangunahing mithiin ay makuha
at mapukaw ang atensyon ng mga bata sa paraang sila ay masisiyahan at
mabibigyang impormasyon.
 I-Witness, The Correspondents, Dokumentado, Imbistigador, Kapag May
Katwiran, Ipaglaban Mo! Reporters Notebook (Documentary Program)
 Ang programang ito ay naglalayong maghatid o magbahagi ng mga
natatangi at kakaibang dokumentasyon na komprehensibo at
estratehikong proyekto na sumasalamin sa katotohanan ng buhay.

 Matanglawin, Seniskwela, AhA! Born To be Wild, MathDali, Hiraya

Manawari, Bayani (Educational Program)
 Tumatalakay sa mga bagay na noong unay ay pinag-aaralan lamang sa
pamamagitan ng mga nakalimbag na impormasyon. Pinapaksa nito ang
patungkol sa hayop, kalikasan, teknolohiya at iba pa.

 Rated K/ KMJS Kapuso Mo Jessica Soho (Magazine Show)

 Isang programang pantelebisyon na nagpipresinta ng iba’t ibang isyung
napapanahon, may kaunting panayam at komentaryo.

 Umagang Kay Ganda, Unang Hirit, Good Morning Club (Morning Show)
 Tinatawag din na breakfast television kung saan nag-uulat nang live
tuwing umaga ang mga mamamahayag na naglalayong makapaghatid ng
mga napapanahong impormasyon.

 TV Patrol, 24 Oras, News TV (News Program)

 Naghahatid ng napapanahong kaganapan o pangyayari sa loob at labas
ng bansa. May mga ilang panayam din at komentaryo.

 XXX, Wish Ko Lang (Public Service Program)

 Naghahatid ng tulong sa mga mamamayan o maging daan sa paghahatid
ng tulong.

 Weekend Getaway, LAKBAI, BYAHE ni DREW (Travel show)

 Naglalahad ng paglalakbay sa iba’t – ibang bayan o bansa at
pagpapakilala sa mga produkto na matatagpuan dito.

 Talentadong Pinoy, Pilipinas Got Talent, Starstruck, Sunday all Star

(Variety show)
 Nagbibigay ng tuon sa patimpalak sa pag- arte, pag – awit, pagsayaw at
pagpapalabas ng isang comedy skit.

 Teen Gen, Growing Up, BAGETS, Good Vibes ( Youth Oriented Program)
 Nakatuon sa paglakbay sa isyu ng kabataan. Karaniwang tema nito ay
ang kanilang buhay – pag – ibig. Hindi nawawala ang pagbibigay o
paglalaan ng eksena sa pagpapahalagang pangkatauhan o moral values.
 Dokumentaryong Pantelebisyon
 Ito ay mga palabas na naglalayong maghatid ng komprehensibo at estratehikong
proyekto sa sumasalamin sa katotohanan ng buhay at tumatalakay sa kultura at
pamumuhay sa isang lipunan

F. PAGLALAPAT o APLIKASYON
Bumuo ng apat na pangkat at isagawa ang mga sumusunod na programang
pantelebisyon sa klase (LIVE)
1. Children’s show
2. Morning show
3. Variety show
4. News Program
Pamantayan sa Pagmarka
Nilalaman – 45% (Naayon sa programang nakaatas sa pangkat)
Kahusayan – 35% (Kabisado ang script at magaling magproject , Angkop ang tono
ng boses sa ginampanang tauhan)
Props – 20% (Malikhain ng gamit na props sa klase)
IV. PAGTATASA
Panuto: Sabihin kung ang programang pantelebisyon ay MS kung ito ay morning
show at DP kung ito ay documentary program. Isulat sa patlang ang sagot.
________1. Magandang Buhay
________2. Brigada
________3. I Witness
________4. Salamat Dok
________5. Imbistigador
________6. UMAGANG KAY GANDA
________7. Reporter’s Notebook
________8.Unang Hirit
________9. SOCO
________10. The Correspondents
V. TAKDANG ARALIN
Manood ng isang dokumentaryong pantelebisyon sa kahit aling estasyon gamit ang
iyong cellphone. Ibigay ang hinihingi ng dayagram tungkol dito. Suriin ito ngayun sa
pamantayang nakatala sa ibaba.

PAMAGAT NG DOKUMENTARYONG
NAPANOOD

PROGRAMA AT ESTASYON KUNG

SAAN ITO NAPANOOD

PETSA NG PAGKAKAGAWA O
PAGPAPALABAS SA TELEBISYON

DOKUMENTARISTA

ISYUNG TINALAKAY

Gawin gabay ang pamantayan sa ibaba.

Pamantayan Puntos
Komprehensibo, mapanuri at masusing 5
pinag-aralan at sumasalamin sa totoong
buhay ang dokumentaryong pinanood.
Nakakaimpluwensya sa isip at damdamin 5
ng sinumang makapanood.
Nakapaghatid ng tiyak at totoong 5
impormasyon sa manood.