MGA KAUGNAYANG KONSEPTO

SA PANANALIKSIK
LAYUNIN
Nabibigyang kahulugan ang mga
konseptong kaugnay ng
pananaliksik
MGA HAKBANG SA PAGGAWA
NG SULIRANING
PANANALIKSIK
• PAGPILI NG PAKSA
• PAGPAPAHAYAG NG LAYUNIN
• PAGGAWA NG TENTATIBONG BALANGKAS
• PAGHAHANDA NG BIBLIOGRAPIYA
• PANGANGALAP NG DATOS
• PAGPAPAHALAGA SA MGA NAKALAP NA DATOS
• PAGGAWA NG PANGWAKAS NA BALANGKAS
• PAGSULAT NG BURADOR
• PAGREREBISA
• AKTUWAL NA PAGSULAT NG PANGWAKAS
 PAGPILI NG PAKSA
• THESIS PROPOSAL – ito ay isang
detalyadong plano na ginagamit ng mag-
aaral bilang gabay sa pagsasagawa ng isang
pananaliksik
- ito ay nagpapakita ng lohikal,
sistematikong pagdulog ng mga mag-aaral
para maisagawa ang kanyang pananaliksik.
 Nahihirapan ang mag-aaral sa pagpili ng
paksa dahil:
• Kinokonsidera ng mga mag-aaral ang maraming
suliranin sa pananaliksik. Ang kinakailangang mga
datos ay mahirap makamit. Hindi lahat ng mga
suliraning panlipunan ay nasusukat. Hindi alam
ng mga mag-aaral ang isang espesipikong
suliranin. Hindi batid ng mga mag-aaral ang
pagkukunan ng sanggunian at impormasyon sa
isang suliraning pananaliksik.
KATANGIAN NG MABUTING
PANANALIKSIK
•Ito ay dapat espesipiko.
•Nasusukat
•May kinalaman sa isang partikular na
suliranin.
•Napapanahon
•Nahuhubog ang isang katuturan ng
isang kaisipan o konsepto.
•Nakalilikha o mas napabubuti ang isang
gawang panukat o instrumentong
panukat sa pananaliksik sa pagkuha at
pag-aaral sa mga datos.
•Kinakailangan ito ay naipapakita o
naipahahayag sa isang relasyon sa
pagitan ng isa o higit pang variable.
PANUNTUNAN SA PAGPILI NG PAKSA
•Maaaring ibigay ng guro ang saklaw ng
paksang gagawan ng sulating pananaliksik.
•Maaaring sa interes ng estudyante ang
paksang gagawan ng pananaliksi.
•Hindi dapat masaklaw para kayang
gampanan sa loob ng limitadong panahong
nakatakda para sa naturang pananaliksik.
•Siguraduhing may mapagkukunan ng sapat
na materyales.
•Ang lubhang teknikal na paksa ay dapat
iwasan sapagkat maaaring may kahirapan
ang mga termino at hindi na angkop para sa
panimulang pananaliksik.
•Kailangang napapanahon
 MGA HANGUAN NG PAKSA
• SARILI
• DIYARYO/MAGASIN
• RADYO/TV
• AWTORIDAD
• INTERNET
• AKLATAN
 MGA KONSIDERASYON SA
PAGPILI NG PAKSA
•KASAPATAN NG DATOS
•LIMITASYON NG PANAHON
•KAKAYAHANG PINANSYAL
•KABULUHAN NG PAKSA
•INTERES NG MANANALIKSIK
 PAGLILIMITA NG PAKSA
• PANAHON
• EDAD
• KASARIAN
• PERSPEKTIB
• LUGAR
• PROPESIYON
•GRUPONG KINABIBILANGAN
•ANYO/URI
PAGDIDISENYO NG PAMAGAT
PAMPANANALIKSIK
• PAMAGAT – ito ay dapat na MALINAW,
TUWIRAN, at TIYAK.
• HINDI KUKULANGIN SA SAMPONG SALITA AT
HINDI HIHIGIT SA DALAWAMPO
PAGSULAT NG TENTATIBONG
BALANGKAS
• TENTATIBONG BALANGKAS – Ito ay maliit
na yunit na nagsisilbing pundasyon ng isang
sulatin at nagsisilbing skeleton ng isang
sulatin.
PAGBABALANGKAS
• Ang paggawa ng pattern kung saan
nakapaloob ang mga masinsinang detalye,
ideya, at pangyayari na gagamiting
kasangkapan sa sulatin
TENTATIBONG BIBLIOGRAPI
• Ito ay listahan ng mga paghahanguan ng
impormasyon na gagamitin sa pananaliksik.
Nakasulat dito ang mga aklat, pahayagan,
dyornal, at iba pang materyal na magagamit
para matugunan ang mga tanong na
sasaliksikin.
KONSEPTONG PAPEL
KONSEPTO
- ito ay isang plano na nagpapakita
kung ano at saan direksyon patungo
ang paksang nais pagtuunan.
 KONSEPTONG PAPEL
- ito ay nagsisilbing proposal para
maihanda ang isang pananaliksik. Isang ideya
na nabuo mula sa isang framework o
balangkas ng paksang bubuuin.
 - nakakatulong ang konseptong
papel upang magabayan o
mabigyang-direksyon ang
mananaliksik lalo na kung siya’y
baguhan pa lang sa gawaing ito.
PANGUNAHING BAHAGI NG
KONSEPTONG PAPEL
1. PAHINANG NAGPAPAKITA NG PAKSA

- narito ang tentatibong pamagat ng pananaliksik

na ginagamit kung hindi pa nakatitiyak sa
magiging pamagat ng saliksik.
- ito ay kailangang ganap na naglalarawan ng
pinakabuod ng manuskrito.
 Paano Ginagamit ang E-Textbook sa Loob ng Silid Aralan
Tentatibong Paksa

Isinumite sa Departamento ng Environmental Science

Bilang bahaging pangangailangan sa asignaturang Research
in Daily Life 1
 Isinumite ni
Juan Dela Cruz
Grade 11-Oxygen
May Akda

Isinumite kay
G. William T. Camara
Guro

2022
Taong Kung Kailan natapos ang Pananaliksik
2. KAHALAGAHAN NG GAGAWING
PANANALIKSIK (RATIONALE)
- ito ang bahaging nagsasaad sa kasaysayan
o dahilang kung bakit napiling talakayin ang
isang paksa. Mababasa rito ang kahalagahan
ng paksa.
 Ayon kay Bernie Trilling at Charls Fadel sa kanilang aklat
na 21st Century Skills: Learning for Life in our Times (2009),
ang kasalukuyang siglo ay nagdala ng mga bagong set ng
indibidwal na lubhang naiiba sa kanilang magulang. Sila ang
mga digital native. Sila ang unang set ng henerasyon na
napapaligiran ng digital media. Sila rin ay naiiba rin sa mga
‘’natutong gumamit’’ ng teknolohiya paglipas ng panahon o
mga digital immigrants. Inilarawan nina Trilling at Fadel ang
mga digital native bilang unang henerasyon sa kasaysayan na
mas marami pang nalalaman tungkol sa mga impormasyong
digital at teknolohiyang pangkomunikasyon o digital
information and communication technologies kaysa sa mga
mas nakakatanda sa kanila.
 Ayon sa kanila, binago nito ang dinamika sa
paaralan dahil ang mga mag-aaral na ang mga
digital mentor at ang mga guro at magulang
na ang mga part-time na mga mag-aaral.
3. LAYUNIN

Sa bahaging ito, inilalahad ang nais

makamit sa pamamagitan ng
pananaliksik. Kapag natapos nang isulat
ang buong pananaliksik, alalahaning
balikan ang mga layunin at siguraduhing
natupad o nagawa ang mga ito.
Halimbawa: Nais ng papel na ito na magpokus sa
information, media, at technology skills lalo na at
ang ilan sa mga silid-aralan sa Pilipinas ay
nagsisimula nang maging hi-tech hindi lamang sa
pamamagitan ng paggamit ng teknolohiya upang
gumawa ng mga teaching aid at instructional
material, kundi sa pamamagitan din ng unti-
unting pagpapalit sa mga inimprentang teksbuk
ng electronic textbook o e-textbook.
Nais ng papel na ito na malaman kung paano
ginagamit ng mga guro at mga mag-aaral ang
e-teksbuk sa pagtuturo at pag-aaral sa loob
ng silid-aralan bilang manipestasyon ng
kanilang information, media, at technology
skills at kung ano ang impak ng
teknolohiyang ito sa proseso ng pagtuturo at
pagkatuto sa loob at labas ng mga silid-
aralan.
 Paano bumuo ng layunin?
a. Nakasaad sa paraang ipinapaliwanag o maliwanag na
nakalahad kung ano ang dapat gawin at paano ito
gagawin.
b. Makatotohanan o maisasagawa.
c. Gumagamit ng mga tiyak na pandiwa at nagsasaad
ng mga pahayag na maaaring masukat o patunayan
bilang tugon sa mga tanong sa pananaliksik.
Halimbawa ng mga pandiwang
nagpapaliwanag ng proseso:
Matukoy-Natutukoy
Maiulat-Naiuulat
Makapagsagawa-Nakapagsasagawa
Mailarawan-Nailalarawan
4. Metodololohiya
Ilalahad dito ang pamamaraang gagamitin
ng mananaliksik sa pangangalap ng datos
gayundin ang paraang gagamitin sa
pagsusuri naman niya sa mga nakalap na
impormasyon.
Halimbawa:
Ipinapanukala ng konseptong papel na
ito ang pagsasagawa ng pakikipanayam
sa ilan sa mga guro at mag-aaral na
gumagamit ng e-textbook bilang metodo
ng pagkalap ng impormasyon ayon sa
layunin ng pananaliksik na isasagawa
Ipinapanukala rin ng papel na ito ang
pagsasagawa ng obserbasyon sa mga silid-
aralan ng isang piling paaralan na
nagpapatupad ng paggamit ng e-textbook sa
pili nitong mga pangkat at baitang upang
higit na matibay ang mga datos na makukuha
mula sa pakikipanayam.
5. Inaasahang awtput o resulta
Dito ilalahad ang inaasahang kalalabasan o
magiging resulta ng pananaliksik o pag-aaral.
Dahil patuloy pa rin ang pangangalap ng
impormasyon ay maaaring magkaroon pa rin
ng pagbabago ang inaasahang resulta sa pinal
na papel depende sa kalalabasan ng pagkalap
ng datos.
Halimbawa:
Inaasahang makabubuo ng 50 pahinang awtput
ang pananaliksik na isasagawa na tumutugon sa
layunin ng papel na ito. Inaasahan ding
makapagpapahayag sa awtput ng mga
rekomendasyon na maaring magamit ng piniling
paaralan o ng iba pang paaralang nagnanais na
gumamit ng etextbook sa kanilang kurikulum.
6. Mga Sanggunian

Ilista ang mga sangguniang ginagamit sa

pagkuha ng paunang mga impormasyon,
ang mga sangguniang maaaring magamit,
at nabanggit sa mga kaugnay na pag-
aaral.
Halimbawa: Dayag, A. M. & MG. G. del
Rosario (2017) Pinagyamang Pluma 11
(Pagbasa at Pagsusuri ng Iba’t Ibang
Teksto tungo sa Pananaliksik). Quezon
City: Phoenix Publishing House.
GAWAIN: 4.2

PANUTO: Magbigay ng tatlong paksa na

naayon sa iyong interes at ibigay ang
naangkop na layunin.