პორტუგალიაშ ტურიზმი

ალგარვი — პორტუგალიაშ თარი პლაჟეფიშ არეალი

პორტუგალია ირწანურო ტურისტის მიკმიჭოფანს. 2006 წანას ქიანა 12,8 ტურისტიქ მიძირუ.^[1] ტურიზმი შანულამ როლს ლაჸაფენს პორტუგალიაშ ეკონომიკას დო ედომუშამი დინოხოლენი პროდუქტიშ დოხოლაფირო 5%-ს აწარმენს.

შანულობაშ მეჯინათ, თარი ტურისტული არეალეფი რე: ლისაბონი, ალგარვი, პორტუ, ოორუე პორტუგალია, ატლანტიშ ოკიანეს დვალირი აზორიშ დო მადეირაშ კოკეფი, თაშნეშე ალენტეჟუშ რეგიონი.

ლისაბონი, ბარსელონაშ უკული ევროპას ტურისტეფშე მაჟირა არძაშე მოძირაფონი ნოღა რე. 2006 წანას, ნოღაშ სასუმაროეფს სერი ოთანუ 7 მილიონ ტურისტიქ, მუთ წოხოლენი წანეფიშ მაძირაფალეფშე 11,8%-ით მეტი რდჷ. ბოლო წანეფს, ლისაბონქ მიკულუ ალგარვის — პორტუგალიაშ თარ ტურისტულ რეგიონს. პორტუქ დო ოორუე პორტუგალიაქ, გჷშაკერძაფილო წყარმალუ დუეროშ ოორუჸეურე ურბანულ არეალეფქ შანულამი ტურისტული რდუალა ოძირეს დო გუწულეს მადეირას, 2010 წანას თინეფი ქიანაშ მასუმა არძაშე მოძირაფონი დესტინაცია რდჷ. ამდღარშო, პორტუგალიაშა მიმალ ტურისტეფს შქას უმოსო რენა ბრიტანალეფი, ესპანარეფი დო გერმანალეფი, ნამუეფით დაბალი ღირებულებაშ ავიაღოზეფით რგებაფულენა დო ხვალე პლაჟეფი დო ბჟაშ ხათრით ვარინ, გორჷნა კულტურულ ქილინჯეფს, ნოღეფს, იკინებუნა გასტრონომიული დო ოწყარე ტურიზმით.