Kurt Gödel

Kurt Gödel (IPA: /kʊɐ̯t ˈgøːdl̩/, 1906 nî 4 goe̍h 28 – 1978 nî 1 goe̍h 14) sī tī Tang-Magyar (hiān-chú-sî ê Česko) Brno chhut-sì, sǹg sī Tang-kok-lâng, boé--á ji̍p Bí-kok-chek ê lô-chek-ha̍k-ka, sò͘-ha̍k-ka kiam tiat-ha̍k-ka.

20 sè-kí chá-kî, Bertrand Russell, A. N. Whitehead kap David Hilbert ... chē chē lâng siūⁿ beh ēng lô-chek ham chi̍p-ha̍p-lūn lâi kiàn-li̍p sò͘-ha̍k ê ki-chân; m̄-koh Gödel thê-chhut bô-oân-pī tēng-lí, tùi kho-ha̍k kap tiat-ha̍k ê su-sióng sán-seng put-chí-á toā ê chhiong-kek.