內化

內化指令人或者生物改變自己嘅價值觀、態度或者諗法嘅一個過程。視乎情況，用得好可以叫「教育」，或者相反可以叫「洗腦」。

內化過程同學習好有關係，而且將新嘅價值觀學以致用，喺商業訓練、管理訓練、學習、甚至傳教都用得着。內化涉及精神分析學同行為學嘅方法。

心理學同社會學

喺心理學同社會學，「內化」指接受一群有影響力嘅人所認定嘅社交常規嘅過程，首先要理解社交常規有乜內容，然後要去理解為咗嘢而有哩啲社交常規，最後係接受哩啲社交常規作為自己嘅價值觀。

建立模範（例如學校嘅領袖生）亦可能助長內化嘅過程。大部人都較容易接納佢地尊敬嘅人嘅社交常規。喺弗洛伊德心理分析上，內化係其中一種心理防衛機制。