南北朝 (日本)
南北朝時代係指鎌倉時代同室町時代之間，日本皇室分裂做南、北兩個天皇家族，南面叫大覺寺統，北面叫持明院統。響爾個時代入面，各有各嘅皇位傳承。
由於有兩個皇族，所以邊個係正統爾個問題有住好大分岐。直到明治天皇落咗宣佈以大覺寺統做日本皇室嘅正統，而持明院統雖然保留住名號，但就唔會列做正統。
起因同埋結束
[編輯]南北朝嘅起因係因為後嵯峨天皇廢長立幼，但自己突然又死咗，搞到兩個仔先後都話要繼位，所以發生咗好犀利嘅鬥爭。後嚟經鐮倉幕府調停，雙方同意由兩邊輪流派人做天皇。鐮倉幕府最後就支持咗持明院統嘅光嚴天皇。響1331年，光嚴天皇響幕府嘅支持底下繼位。但係爾個時候，大覺寺統嘅後醍醐天皇堅持唔同意佢，所以南北朝正式開始。
直至1392年，持明院統包圍咗奈良，逼到大覺寺統嘅皇帝後龜山天皇將三神器交畀持明院統嘅皇帝後小松天皇，南北朝時代正式結束。