吊帶褲

男仔着嘅吊帶褲

女仔着嘅吊帶褲

吊帶褲（粵拼：diu3 daai2 fu3），又嗌工人褲（gung1 jan4 fu3）或工裝褲（gung1 zong1 fu3），係喺褲腰上邊裝咗挎膊頭嘅孭帶條褲。成日做嘢時保護啲衫唔邋遢或穿窿。

特色係長褲或短褲上邊加咗條孭帶，着時扣實孭帶就得。

發展史

最早嘅吊帶褲係幾時出現，家下已經無從考證。喺文學界話最先喺1776年出現，嗰時大多數奴隸攞嚟做防護工作服用。而第一次有大量吊帶褲生產嘅證據係1890年代嘅事，嗰時喺原嚟牛仔褲嘅基礎上加多個帶紐扣嘅牛仔布，之後用孭帶接埋一齊。由於佢成日喺褲上邊安嚿牛仔布響度，所以好快變成維修工嘅工作褲。

1911年，哈利大衛李整咗條吊帶褲出嚟，重喺1913年開始大量生產。隨後唔單止喺工人開始流行，而且細路同女仔都著呢種褲，但嗰時嘅吊帶褲有帶紐扣同鉤嘅版。後嚟哈利大衛李喺1927年整咗啲唔帶鉤同埋唔帶紐扣，但帶拉鏈嘅吊帶褲產品。期間吊帶褲凈得單一嘅色調，喺1960年代先至發展到好多種色同埋唔同紡織品嘅工藝。

品種

家下吊帶褲有兩個品種：

• 上到心口或肚腩先至有吊帶
• 普通西褲或牛仔褲加兩條帶

除咗以上兩種常見組合之外，重可以細分成雙吊帶同單吊帶兩種。一般嚟講，雙吊帶品種比較多，而單吊帶品種比較少見。

雙吊帶

正反面個樣好多時混搭。其中正面有啲品種個樣有啲係嚿布到心口或到肚腩嘅½位，一般係梯形或方形；有啲係直呈兩條吊帶組成平行綫或V字。背面有啲係下邊梯形或三角形或方形，上邊V字或平行；有啲品種直呈似X、Y、H、V字或直接兩條平行線樣。大多數雙吊帶嘅吊帶褲都係左右對稱。

單吊帶

正反面個樣好多時混搭。其中正面有啲品種個樣有啲係嚿布到心口或到肚腩嘅½位，一般係直角三角形或銳角三角形或直角梯形；有啲係直呈一條吊帶。背面有啲係下邊三角形，上邊一條斜吊帶；有啲品種直呈似人字或入字或直接一條斜杠或直線樣。單吊帶嘅吊帶褲都係左右唔對稱，吊帶有啲經過左膊頭，有啲經過右膊頭。

相

穿窿吊帶褲（中） 穿窿吊帶褲（中）  高腰吊帶褲 高腰吊帶褲