專名號係引住人名、組織名或者地方名用到嘅標點，亦係中文獨有嘅標點，橫寫時係下低畫線，直寫時係左邊畫綫；而家基本上除咗中文教科書之外好少會用。
喺文書處理軟件入面連續打兩個要加專名號嘅名詞嘅時候，軟件往往唔識自動分開兩個專名號，導致一條底線連續間住兩個名詞；有啲人會靠自己加入編碼解決。
直寫專名號本來唔固定放喺左邊定係右邊，但係放右邊會同其他舊時放右邊嘅標點撞位；久而久之，放右邊嘅做法被淘汰咗。
︳
