楊昊 (男子跳水運動員)
| 個人資料 | |
|---|---|
| 國籍 |  中國 |
| 出世 | 1998年2月3號 中國雲南省紅河哈尼族彝族自治州石屏縣 |
| 職業 | 跳水運動員 |
| 運動 | |
| 運動 | 跳水 |
 |
楊昊（粵拼：joeng4 hou6，簡化字：杨昊，彝文：ꀴꉢꉔ；1998年2月3號—）係一位中國國家隊嘅跳水運動員，雲南省紅河哈尼族彝族自治州石屏縣人。佢曾經喺2014年嘅南京青奧會嗰度攞過冠軍。
生平
[編輯]楊昊喺1998年喺雲南省紅河哈尼族彝族自治州嘅一個山旮旯嘅地區出世。喺佢2歲半嗰陣（2000年8月中旬）就識用兩隻手嚟喺兩個梳化之間撐出個身體平衡。甚至喺2003年8月，佢同表哥去咗陝西省西安市嘅跳水游泳業餘隊嗰度參加選拔，結果俾教練睇啱咗。嗰時雖然佢重未掂過水碰過水，但係教練說佢身體嘅條件簡直係條正嘢，所以就入咗去參加跳水。之後佢嘥咗好多時間同努力嚟證明咗嗰時教練係點諗嘅[1]。到咗2007年9月，嗰時楊昊重係第一次出去國外參加國際大賽，點知一嘢就攞咗冠軍返嚟。甚至喺2008年同2009年嘅全國少兒跳水盃嗰度攞埋冠軍[2]。
喺2010年底，楊昊就入咗北京嗰邊參加咗成1個月嘅集訓，嗰時諗唔到佢做緊集訓嗰陣，佢啲跳水動作俾中國國家跳水領隊主教練周繼紅睇啱咗，甚至連中國國家嘅跳水隊都入埋，嗰時佢先至12歲[2]。由於佢入咗國家隊，所以佢就開始喺國際賽場入面繼續出現。之後喺2012年嘅世界跳水青年錦標同埋2013年、2014年嘅國際泳聯跳水大獎賽入面都攞埋冠軍返嚟。甚至連南京青奧會嘅男子3米板冠軍都唔放過[3]。
攞過嘅獎
[編輯]| 世界青年跳水錦標 | ||
|---|---|---|
| 冠軍 | 2012年世界青年跳水錦標 | 男子1米板B組 |
| 國際泳聯跳水大獎賽 | ||
| 冠軍 | 2013年國際泳聯跳水大獎賽 | 男子雙人10米跳台 |
| 冠軍 | 2014年國際泳聯跳水大獎賽 | 男子雙人10米跳台 |
| 夏季青年奧運會 | ||
| 冠軍 | 2014年夏季青年奧運會 | 男子3米板 |
註
[編輯]- ↑ 16岁杨昊三天拿两金 比肩田亮秦凯指日可待 互聯網檔案館嘅歸檔，歸檔日期2016年3月5號，. 中国网 体育频道 （2014-08-27）
- ↑ 2.0 2.1 南京青奥会三米板十米台 田师弟杨昊连续夺金牌 互聯網檔案館嘅歸檔，歸檔日期2016年3月6號，. 大河网 （2014-08-27）
- ↑ 陕西16岁小将杨昊夺南京青奥会男子3米板冠军[失咗效嘅鏈] 腾讯大秦网