武漢肺炎皮卡恩群島疫情

武漢肺炎皮卡恩群島疫情係介紹「武漢肺炎」喺皮卡恩群島嘅爆發情形。截至2022年7月24號，皮卡恩群島夾埋有4單確診病例，冇人死亡。

情況

2020～2022年中：全程零感染

皮卡恩群島離最近嘅大陸都好遠，加上人口少兼靠外資援助收入，境內既冇機場，又冇直升機場，連正規嘅碼頭都冇。出入境要撐艇或揸風帆先至得。由於武漢肺炎喺2020年1月12號喺中國湖北武漢開始大流行，皮卡恩群島政府喺同年月31號宣佈閂嗮冚唪唥出入境道路。甚至喺同年3月20號禁嗮冚唪唥船隻靠近皮卡恩群島邊嘅淺灘及閂咗邊境。嗰時因唯一重淨低嘅水路出入境功能都閂埋，所以自然就冇病毒入境。直到2022年3月，佢哋考慮到當地居民已經完全接種晒武漢肺炎疫苗且好開心噉睇好旅客返到皮卡恩群島，從而重新開放返出入境同輪渡。期間若果要入境或返去皮卡恩群島，必須要畀出有效證明已經注射過武漢肺炎疫苗同埋喺輪渡期間接受快速抗原測試，要完全冇問題先至有得入境皮卡恩群島。最先喺同年7月5號開放返往返法屬波利尼西亞境嘅輪渡出入。正因為噉，喺2020、2021年全年、同埋2022年上半年都未發生過單武漢肺炎感染案例。

失守

2022年7月16號，皮卡恩群島確診咗第一單感染武漢肺炎個案，至於患者係邊位，定係病毒源頭喺邊度輸入過嚟，目前無從得知 。四日後又再確診多三單。