潮流用語
提示：呢篇文講嘅唔係潮州話。流行語，又叫潮流用語（簡稱潮語），泛指順應時代潮流，感化意思極強[未記出處或冇根據]，熱門嘅民眾使用語。好多潮語源自啲後生自創同使用嘅俚語或網語。唔同地區所用潮流用語都有差別。潮語係一種非官方場合使用語，當香港政府考試文件上出現過潮語，結果引起好多批評，成為一時香港社會廣泛報導話題。
同新詞嘅分別
[編輯]- 流行語隻要喺一定嘅時間內非常流行，就可以稱為流行語，可以係新產生嘅詞或語句，亦可以係原有嘅詞或語句，例如「忽悠」一詞原本係東北話，2001年之後經過趙本山嘅小品傳播，成為全中國大陸嘅流行語。「糊弄」喺台灣則是經相聲表演，喺2000年前由流行變成常用語。
- 流行語固定程度較短，絕大部分都經歷由盛轉衰直至銷聲匿跡嘅過程，得好少部分能夠長期被大眾使用，進而成為慣常用語。好似1980年代尾台灣流行語「新新人類」，家陣已經極次少用，幾乎成為廢語。
- 一啲台灣流行語就被大眾慣用，而漸漸固定變成常用語，比如基於中視交友節目《來電50》所延伸出嘅「長得很抱歉」（生得好對唔住），以及基於「長得很抱歉」仿造嘅短語[2]，例如「長得很愛國」、「長得很安全」。
演化
[編輯]流行語大多壽命有限，一講得多就冇新鮮感，之後可能會慢慢消失，一般潮流用語雖然使用時間比較短，但流行期間嘅使用範圍廣，引起嘅社會效應亦比較大，好多新詞都做唔到呢一點。有啲會因為流行而變成方言詞。近年嘅潮流用語好多係網上用語，佢哋花款多，傳播快，重可以做象形字。
教育
[編輯]曾經有人用潮語為主題做教材，好似蘇真真出嘅潮語學習卡同彭志銘出嘅《香港潮語話齋》。
近年公開考試發生過幾次同潮語有關嘅爭議：