乙炔，炔烴入面最簡單個個
炔烴係種有機化合物，屬唔飽和嘅烴，有至少一個碳-碳三鍵（－C≡C－），通式係CnH2n-2。
炔烴係個有碳-碳三鍵嘅化合物，可以發生加成反應。加氫先變烯烴，再產生烷烴。炔烴加鹵素或者鹵化氫可以出鹵代烴。
如果炔烴加水嘅話，首先會變烯醇。但因爲氧嘅電負性大過碳，所以碳-氧雙鍵穩定過碳-碳雙鍵，於是變成羰基化合物（酮-烯醇互變異構）。如果係乙炔嘅話，會變乙醛，其他嘅炔烴會出相應嘅酮。
如果碳-碳三鍵嘅位置係碳鏈嘅末端（1位），咁樣就係末端炔烴啦。
如果三鍵嘅位置係碳鏈嘅中間，咁就算內部炔烴。
