王鳳瑤
 |
| 王鳳瑤 | |
|---|---|
 | |
| 英文名 | Alexandra Wong Fung Yiu |
| 出世 | 1956年5月16號 |
| 別名 | 王婆婆、黃傘婆婆、白髮婆婆 |
| 職業 | 社運人士 |
王鳳瑤（英文：Alexandra Wong Fung Yiu[1]，1956年5月16號—），又叫王婆婆[2]、黃傘婆婆同埋白髮婆婆，係香港社運家。由於喺反修例運動中嘅遊行同埋集會成日舉高英國國旗，所以吸引到香港群眾嘅注目。
早年
[編輯]王鳳瑤嚮香港深水埗出生同長大，[3] 早年就讀德貞女子中學[4]。喺大專主修會計及音樂畢業後，做過會計工作，做核數員，又喺馬會做過兼職。1986年，佢前往奧地利維也納學習聲樂；後來又短暫移居美國。[2][4]
社運
[編輯]反國教運動和雨傘運動
[編輯]2011年，王鳳瑤參與香港聲援佔領華爾街嘅行動，又出席六四晚會同埋七一遊行。2012年，參與反國教運動，更嚮政府總部外靜坐數日，她認為教育很重要，唔想讓政府領導學校、管制學生，希望畀新一代仍有獨立思考能力，呢次運動亦重新令王覺得香港仲有希望。[5] 後來，佢嘅左邊乳房被驗出有腫瘤，需要切除三分之一嘅乳房，佢亦因此休養一年。[6]
2014年，雨傘革命爆發，王鳳瑤亦有參與。由於佢住嚮深圳，常常要嘥幾個鐘嚟到示威現場[6]。佔領時，受到催淚彈的攻擊，佢感覺猶如置身六四現場[6]。到終極清場，她仍同年青人一起留守到最後，最終畀警察抬走。[6]
堅持回港
[編輯]在雨傘革命後，儘管王鳳瑤患上的乳癌仍未痊癒，膝蓋也不太好，佢仍然堅持每個星期幾日由深圳通關到公民廣場，亦有參與大大小小嘅社運，在「王婆婆示威區」表達訴求，貼上抗爭口號嘅貼紙。又畀過建制派組織試吓攻擊，但仍無阻佢爭取真普選既決心[5][6]。佢又同情年輕人受到檢控和監禁的處境，經常聲援和在精神上幫助年輕人。[7]
參與反對逃犯條例修訂草案運動
[編輯]2019年6月，反對逃犯條例修訂草案運動全面爆發。喺6月9日嘅「守護香港反送中」大遊行[8]、6月11日晚至12日嘅佔領行動、6月16日嘅「譴責鎮壓，撤回惡法」大遊行[9] 等活動裏面，王鳳瑤舉起英國國旗，因而吸引到市民嘅注目。[10]
2019年11月24日，適逢係區議會選舉嘅日子，《立場新聞》收到王鳳瑤天電郵，透露自己喺深圳取保候審，指自己的選票已化為廢紙。[11] 其後亦多次以電郵同《立場新聞》溝通。在2020年1月9日，她透露自己喺2019年8月14日以「尋釁滋事罪」被捕，嚮福田拘留所坐緊監[12]。8月30日，她被轉到深圳市第三看守所，她形容看守所為「地獄」[13]。9月29日，佢離開看守所後在9月29日至10月3日被要求接受「愛國教育」。[14] 又指自己被禁止離開深圳市。2020年5月20日，佢再次經電郵向《立場新聞》透露，自己嘅健康狀況欠佳，指自己被禁離開深圳已超過九個月，十分想念香港。[1] 6月12日，在612一周年當天，《立場新聞》再次收到她的電郵，指自己嚮深圳「孤獨抗疫」四個多月，受到難以形容的「精神深度痛苦」，身體狀況亦跌入低谷[15]。
2021年1月23日，王鳳瑤嚮過路處舉起標語，畀警員以「阻礙警務人員執行職務」拉。事件引起人權組織「香港監察」關注，要求港府盡快釋放王鳳瑤。[16]
2021年2月9日，王鳳瑤出庭。佢拒絕使用律師服務，僅自己代表自己，佢表示希望將律師服務留畀其它抗爭者[17]。
反對動態清零政策運動
[編輯]繼新疆烏魯木齊事件之後，2022年十一月末中國大陸發起全國範圍裏面嘅行示威，爭取自由，反對動態清零政策。王婆婆喺香港中環悼念現場出現，仍然携帶著當年象徵雨傘革命嘅黃色小傘，大聲高呼“不要威權，要人權！”聲援大陸示威運動。期有一名男子將其推到，並將雨傘摔落，王婆婆一度無法起身，在送醫後無礙。後前者畀警方以故意傷害、刑事損壞損壞罪移送法辦。[18]
參考
[編輯]- ↑ 1.0 1.1 〈【被困大陸】王婆婆回覆《立場》：被禁離開深圳超過九個月 「我十分想念香港」〉 (繁體中文)。立場新聞。2020-05-20。原先內容歸檔喺2020-05-26。喺2020-05-26搵到。
- ↑ 2.0 2.1 〈王婆婆藐視法庭罪成決定上訴 稱續聽審支持年輕人〉 (繁體中文)。明報。2018-03-29。原先內容歸檔喺2020-06-07。喺2020-05-26搵到。
- ↑ 劉宜庭 (2019-07-03)。〈香港「白髮婆婆」反送中 站最前線揮英國旗〉。自由時報。原先內容歸檔喺2019-07-11。喺2020-05-26搵到。
- ↑ 4.0 4.1 〈扎根香港永不言退 無懼兇險一人抗爭——專訪王鳳瑤〉。大學線第150期。2020-11-20。原先內容歸檔喺2021-02-02。喺2021-01-22搵到。
- ↑ 5.0 5.1 引用錯誤 無效嘅
<ref>標籤；無文字提供畀叫做inmediahk 20170928嘅參照 - ↑ 6.0 6.1 6.2 6.3 6.4 余睿菁 (2016-08-02)。〈600天心不息 獨自守望公民廣場 王婆婆真普選夢不滅〉。香港01。原先內容歸檔喺2020-06-07。喺2020-05-26搵到。
- ↑ 〈戴「光復香港」圍巾旁聽藐視法庭罪成 王婆婆被判罰1000元 將會上訴〉。立場新聞。2018-03-29。原先內容歸檔喺2019-08-23。喺2020-05-26搵到。
- ↑ 引用錯誤 無效嘅
<ref>標籤；無文字提供畀叫做hket 20190612嘅參照 - ↑ 〈【反送中】不忍香港失去很多寶貴的東西 白髮婆婆高舉英國旗幟與年輕人同行〉。香港經濟日報。2019-06-16。原先內容歸檔喺2019-06-17。喺2020-05-26搵到。
- ↑ 鄭寶生 (2019-09-11)。〈【逃犯條例】朱凱迪：舉英國旗王婆婆在內地 目前「安全」〉。香港01。原先內容歸檔喺2020-06-07。喺2020-05-28搵到。
- ↑ 〈8.11 後未露面 王婆婆透露深圳被捕 正取保候審 籲港人代她加油〉。立場新聞。2019-11-24。原先內容歸檔喺2020-01-11。喺2020-05-26搵到。
- ↑ 〈反送中名人王婆婆被送押深圳：看守所如地獄〉。《大紀元時報》。2020-01-10。原先內容歸檔喺2020-02-01。喺2020-05-28搵到。
- ↑ 〈反送中「旗手」王婆婆回港無期 揭深圳看守所如地獄〉。《新唐人電視台》。2020-01-10。原先內容歸檔喺2020-02-16。喺2020-05-28搵到。
- ↑ 〈王婆婆去年 811 後未露面 電郵透露在深圳被關押個半月〉。立場新聞。2020-01-10。原先內容歸檔喺2020-05-28。喺2020-05-26搵到。
- ↑ 〈6.12 一年王婆婆電郵立場 稱被禁離開深圳十個月 精神痛苦抑鬱發作〉。立場新聞。2020-06-13。原先內容歸檔喺2020-06-13。喺2020-06-13搵到。
- ↑ 〈王婆婆再被捕 英國關注香港人權組織：侵犯表達自由，香港新低點〉。立場新聞。2021-01-23。原先內容歸檔喺2021-02-01。喺2021-01-23搵到。
- ↑ 〈王婆婆否認襲高院保安 稱想將律師服務留給手足親自抗辯〉。蘋果日報。2021-02-09。原著喺2021-02-19歸檔。喺2021-02-09搵到。
- ↑ 〈白紙革命燒到香港！「王婆婆」舉黃傘支持抗議 遭22歲男搶奪倒地送醫〉 (中文)。喺2022-11-30搵到。