私密臨時婚姻

  想搵遜尼派嘅臨時婚姻嘅話，請睇允許臨時婚姻。

私密臨時婚姻（阿拉伯文：نكاح المتعة‎，羅馬拼音：nikah al-mut'ah，意思係  ｢暫時結婚｣），喺伊朗叫佢做悉蓋（波斯文：صیغه‎，羅馬拼音：Sigheh），係伊斯蘭教什葉派入面，一種私人同臨時嘅結婚合約。呢種合約一定要事先講到明會維持幾耐，同埋新郎一定要畀一嚿錢（Mahr）去新娘度，嚟做萬一個男人臨時過身嘅時候，個女人可以攞嚟用嘅使費。同所有回教結婚一樣，一定要講明結婚嘅動機，同埋兩邊都同意結婚合約嘅條文。

根據個別什葉派教徒，穆罕默德係親自容許呢種結婚嘅，不過就唔係所有教徒都接受，甚至有人認為係回教暗地裏容許賣淫嘅手法。

一般大家對呢種結婚至少要維持幾耐就都冇共識，有啲來源話完全冇，不過其他就有話係至少3日、3個月、或者1年等等都有。