金沙洲

  想搵第二個意思嘅話，請睇金沙。

金沙洲（粵拼：gam1 saa1 zau1）；黃岐嗰邊嗌草鞋洲（cou2 haai4 zau1）；里水嗰邊嗌潯峰洲（cam4 fung1 zau1）；佢係中國廣東省廣州市同佛山市之間嘅島，喺廣州嘅西邊，東邊靠白沙河，西邊同北邊靠南海區嘅里水、白沙村呢啲地區。佢重係廣州市西邊嘅其中一個緊要嘅出入口，有差唔多27平方公里到。

名

點解呢個地方有三個稱呼，係因為呢個島喺廣佛兩地嘅嗌法唔同。

• 潯峰洲——里水當地嗌法，出喺轄區入面嘅潯峰山。
• 草鞋洲——黃岐當地嗌法，見到佢當地係四面環水，好似隻草鞋噉。
• 金沙洲——廣州當地嗌法。舊時嘅潯峰洲有13個村，都喺嗮南海縣入面，不過喺1959年嘅行政區域調整就將13個村入面嘅橫沙、沙鳳都劃入咗廣州嘅石井街道嗰邊。喺2002年，橫沙同沙鳳就從石井街道劃咗出去，變咗個新街道，由於沙鳳同橫沙兩個村之間都有個「沙」字，所以就重新改名，夾埋一齊嗌成「金沙洲」。

所屬區域

金沙洲係廣佛都市圈嘅中心，嗰度橫跨廣州同佛山，而家係屬廣州市白雲區同佛山市南海區黃岐同里水睺實，不過佢凈係得9平方公里嘅地俾廣州睺住。呢度重係廣州市政府嘅其中一個經營性土地嘅重點儲備區。呢個島話屬廣州又得，話屬佛山又得。喺廣州嗰邊嘅金沙洲大橋可以同羅沖圍接埋一齊，喺佛山嗰邊就可以去到南海嘅里水同黃岐。

入面嘅設施

• 地鐵站：

  廣州地鐵：潯峰崗站、橫沙站、沙貝站

  佛山地鐵：

• 水上巴士：金沙洲碼頭
• 公園：

  潯峰山生態公園、白雲區兒童公園