跳去內容

馮檢基

出自維基百科，自由嘅百科全書
馮檢基
出生日1953年3月17號 喺Wikidata改呢個 （71歲）
出生地香港 喺Wikidata改呢個
國籍中華人民共和國 喺Wikidata改呢個
母校筲箕灣官立中學、香港大學、University of Bradford 喺Wikidata改呢個
職業政治人、社會工作者、太平紳士 喺Wikidata改呢個
政黨香港民主民生協進會 喺Wikidata改呢個

馮檢基，SBS，JP（Frederick FUNG Kin-kee；1953年3月17號—），花名「基哥」，係香港政黨香港民主民生協進會（簡稱「民協」）前任主席（1989年至2007年），香港立法會前任議員，香港區議會前任議員（1999年至2015年）。

佢本來係泛民主派主要人物之一，但2018年之後逐漸向親中派靠攏，而家一般人會將佢視為中間派。

屋企

[編輯]

馮檢基祖籍廣東東莞，而佢就喺香港出世。

馮檢基老婆叫陳敏慈，家吓做緊香港公開大學嘅學生事務長[1]。兩人育有一個仔女。

從政生涯

[編輯]

馮檢基係1983年起獲選做深水埗區議員，1991年成為立法局議員。除咗1998年直選落選外，多年來一直成功循直選進入立法會（局）。

2018年3月立法會九龍西補選

[編輯]

為咗2018年3月立法會九龍西嘅補選，民主派唔同組織已經喺前一年有部署，其中民協喺2017年6月決定人選嘅時候，通過咗由馮檢基代表民協。但當時就有啲民協成員唔同意呢個決定，其中莫嘉嫻就話，社會整個大氣氛都唔係要舊人，而係希望有新人新氣象。但民協做嘅嘢，同香港市民嘅期望背道而馳，所以佢決定退出民協[2]。

馮檢基之後代表民協參與民主派就呢次補選喺2018年1月進行嘅初選，另外兩名參選人係姚松炎同埋袁海文。姚松炎以大比數勝出初選[3]，但由於姚松炎面對再次被香港政府剝奪資格嘅風險，民主派好早亦有研究Plan B（後備人選），當時就訂咗可以再到時討論[4]。之後，喺姚松炎遲遲未被確定入閘嗰陣，馮檢基希望成為後備人選但就被部分民主派人士質疑勝算，例如鄭宇碩就曾經向馮檢基分析形勢，話假如最後馮檢基代表民主派，佢會支持，但馮檢基就要面對好多人嘅責罵，仲有本土派同自決派嘅挑戰，希望馮檢基顧全大局[4][5]。

馮檢基最後放棄做Plan B，而姚松炎最終成功入閘，最終輸咗畀親中派支持嘅鄭泳舜。喺民主派敗選之後，佢曾經多番公開炮轟民主動力，又批評姚松炎分化支持者[6][7]。

退出民協

[編輯]

2018年7月，馮檢基開記者招待會，喺民協成員陪同下宣布退出民協，同埋會另組新壓力團體，仲話同特首林鄭月娥拗手瓜。[8]

2018年11月立法會九龍西補選

[編輯]

喺呢次九龍西補選選舉入面，馮檢基一直希望代表民主派參選。不過，由於呢次選舉係填補劉小麗被政府剝奪資格後嘅議席空缺，所以民主派本來一直打算由劉小麗出戰。當時民主派亦衡量過劉小麗再次被剝奪資格嘅風險，於是由劉小麗決定咗由黨友，同屬工黨嘅李卓人做Plan B（後備人選）[3]。而劉小麗最終亦的確被政府禁止參選，民主派改由李卓人出戰。未被民主派推薦嘅馮檢基，喺2018年10月2號正式參選，同李卓人直接競爭。馮檢基又聲稱，民主派欺凌佢[9][10]。

呢次選舉，支持佢嘅民主派人士唔多，但馮檢基就得到親中派反佔中嘅代表人物之一周念慈嘅支持[11]。不過馮檢基最終落選，只係攞到12,509票，大比數輸畀陳凱欣。陳凱欣攞到 106,457票[12]。

政治立場

[編輯]

由從政初期去到2018年，馮檢基一般都被視作泛民主派人士。但喺佢參加民主派就2018年3月立法會補選進行嘅初選落敗之後，立場就開始有所變化，喺同年11月另一場立法會補選入面甚至同民主派直接競爭。另外，佢喺2019年香港區議會選舉亦同民主派嘅代表陳嘉朗喺尖沙咀西選區撞區，佢當時自稱無政黨民主派，又話希望同陳嘉朗協調但安排唔到。馮檢基喺交提名嗰陣，亦無泛民同佢站台。最終馮檢基只係攞到154票（7%選票）落敗，陳嘉朗就贏咗選舉[13][14]。

而喺2021年，北京未經香港人同意進行所謂嘅「完善香港選舉制度決定草案」，民主大倒退之後，直選議席比例創新低而且入閘仲要經過多種政治審查，民主派大多認為唔應該再參加嘅時候，馮檢基就同民主派唱反調，話民主派喺新制下「仍然有得玩」[15]。呢個說法被唔少人批評，例如喺2019年區選擊敗佢嘅陳嘉朗，就形容佢係「154先生」[16]。

另外，馮檢基脫離民主派之後，亦對美國持不友善態度。例如，喺2021年1月，佢就曾經接受《大公報》訪問，揶揄美國大選係對民主嘅恥笑[17]。佢亦喺2021年5月喺媒體灼見名家嗰度，聲稱呢個方案係由於美國插手香港政治太深，所以中央非出手不可[18]。

2021年第7屆香港立法會選舉，佢參選九龍西選區直選，得到王䓪鳴、簡松年等親中陣營人士提名，結果以15961票落選。

個人榮譽

[編輯]

睇埋

[編輯]

攷

[編輯]
  1. ↑ 香港公開大學 - 大學要員
  2. ↑ 〈對馮檢基參選感失望 莫嘉嫻退出民協 將來或入民主黨 | 立場報道 | 立場新聞〉。《立場新聞 Stand News》 (英文)。原著喺2021-05-07歸檔。喺2021-05-07搵到。
  3. ↑ 3.0 3.1 莊恭南 (2018-07-11)。〈消息：民協明午公布馮檢基去向 料馮退黨〉。《香港01》 (香港中文)。喺2021-05-07搵到。
  4. ↑ 4.0 4.1 陳小瑜潘希橋 (2018-03-16)。〈【立法會補選】馮檢基親述初選「Plan B」內幕：我要怪民主動力！〉。《香港01》 (香港中文)。喺2021-05-07搵到。
  5. ↑ 〈【政情】馮檢基做後備 勝算惹質疑〉。《Now 新聞》 (香港中文)。喺2021-05-07搵到。
  6. ↑ 〈馮檢基：姚松炎敗選因初選分化支持者〉。《Now 新聞》 (香港中文)。喺2021-05-07搵到。
  7. ↑ 陳小瑜潘希橋 (2018-03-16)。〈【立法會補選】馮檢基親述初選「Plan B」內幕：我要怪民主動力！〉。《香港01》 (香港中文)。喺2021-05-07搵到。
  8. ↑ 〈【馮檢基退黨】一文睇清與民協32年關係起跌　政治恩怨難說清〉。香港01。2018-07-13。喺2019-06-05搵到。
  9. ↑ 劉小麗馮檢基報名參加九西補選　陳凱欣宣布參選。 香港電台網站 2018-10-02
  10. ↑ 〈【九西補選】馮檢基指被「技安」欺凌 稱當年區選「被欽點」時未有初選機制 (23:18) - 20181118 - 港聞〉。《明報新聞網 - 即時新聞 instant news》 (繁體中文)。喺2021-05-07搵到。
  11. ↑ 121625551334730。〈【立會補選】馮檢基集氣會 反佔中「光頭周」撐場：義不容辭幫佢｜壹週刊〉。《壹週刊》 (香港中文)。原著喺2021-05-09歸檔。喺2021-05-07搵到。{{cite web}}: CS1 maint: numeric names: 作者名單 (link)
  12. ↑ 〈【九西補選】18選區泛民由贏變輸　陳凱欣完勝李卓人馮檢基近千票〉。hk01.com。2018-11-26。喺2019-12-23搵到。
  13. ↑ 〈【Emily】馮檢基三連敗 黃成智按金沒收 - 20191126 - 港聞〉。《明報新聞網 - 每日明報 daily news》 (繁體中文)。喺2021-01-03搵到。
  14. ↑ 〈【重奪區議會｜油尖旺】馮檢基反悔復出 尖沙嘴西五人混戰｜壹週刊〉。《壹週刊》 (香港中文)。原著喺2021年2月12號歸檔。喺2021年1月3號搵到。
  15. ↑ 〈【選舉改革】馮檢基《星島》專訪籲無需自斷參政路 民主派選舉新制下「仍然有得玩」｜852郵報〉。《852郵報》 (香港中文)。2021-05-03。原著喺2021-05-04歸檔。喺2021-05-04搵到。
  16. ↑ 852郵報。〈馮檢基係咪又會再參選呢？〉。{{cite web}}: CS1 maint: url-status (link)
  17. ↑ 〈冯检基：美大选是对民主的耻笑 _大公网〉。www.takungpao.com。喺2021-05-07搵到。
  18. ↑ 《馮檢基：美國插手香港政治太深 中央非出手不可 為民生、為民主必須參選《灼見政治》（2021-05-05）》 (英文)，喺2021-05-07搵到
  19. ↑ 〈2004年第13號號外公告　太平紳士條例 (第510章)〉 (PDF) (新聞稿) (繁體中文)。香港政府憲報。2004年7月1號。
  20. ↑ 〈二〇〇六年授勳名單〉 (新聞稿) (繁體中文)。香港政府新聞公報。2006年7月1號。

出面網頁

[編輯]
維基同享有多媒體嘅嘢：
馮檢基

Template:香港特別行政區第二屆立法會議員

由「https://zh-yue.wikipedia.org/w/index.php?title=馮檢基&oldid=1972852」收