Q熱
Q熱（英文：Q fever），又叫寇熱，係一種傳染病，由伯納特立克次體引起嘅。
病徵
[編輯]Q熱病人會有呢啲病徵：
種類
[編輯]Q熱分急性同慢性，潛伏期都係12到39日。急性Q熱多數響兩三個禮拜內好返，慢性Q熱嘅病程就可以持續幾個月甚至超過一年，重會有併發症，譬如心內膜炎、心肌炎、心肺梗塞、腦膜炎、脊髓炎同間質腎炎，死亡率可以去到三成到六成。
傳播
[編輯]Q熱成個世界都有，主要通過吸入有病嘅動物（譬如羊、牛、貓、狗、鼠同雀）或者蜱嘅屎染到呢隻病。掂到有病嘅動物或者飲污染咗嘅水同奶亦都可以染到呢隻病。
預防
[編輯]- 唔好直接或者間接掂到牲畜
- 唔好留響衛生差嘅地方
- 注意個人同嘢食衛生，飲煮滾嘅水同消毒過嘅奶製品
治療
[編輯]四環素同奎諾酮類嘅藥可以醫好Q熱。急性Q熱病患者治療療程大約要10到14日，而慢性Q熱病患者治療療程可以長到超過2年。