Berkelium

Hoofartikel: Isotope van berkelium
iso	NV	halfleeftyd	VM	VE (MeV)	VP
²⁴⁵Bk	sin	4,94 d	ε	0,810	²⁴⁵Cm
²⁴⁶Bk	sin	1,8 d	α	6,070	²⁴²Am
²⁴⁷Bk	sin	1380 j	α	5,889	²⁴³Am
²⁴⁸Bk	sin	>300 j^[1]	α	5,803	²⁴⁴Am
²⁴⁹Bk	sin	330 d	α	5,526	²⁴⁵Am

Portaal

Chemie

Berkelium is 'n chemiese element met die simbool Bk en atoomgetal 97. Dit is 'n grys of silwerwit aktinied.

Ontdekking

Berkelium is vir die eerste keer gesintetiseer in 1949 deur Glenn Seaborg, Albert Ghiorso, Stanley Thompson en Kenneth Street aan die Universiteit van Kalifornië, Berkeley. Hiermee het hulle 'n siklotron gebruik om Amerikium-241 te bombardeer met neutrone. Die naam berkelium is afgelei van die naam van die universiteit waar die element vir die eerste keer gesintetiseer is.

Toepassings

Die radioaktiewe berkelium word slegs in baie klein hoeveelhede geproduseer vir wetenskaplike navorsing. Daar is nog geen vername industriële toepassings nie.

Eienskappe

Hoewel berkelium nog nooit geïsoleer is nie, is daar al genoeg materiaal geproduseer om navorsing te kan doen na enkele eienskappe. Met redelike sekerheid kan gesê word dat dit 'n metaal is wat redelik maklik oksideer in lug en oplos in verdunde minerale sure. Röntgendiffraksietegnieke het bygedra tot die identifisering van enkele berkeliumverbindinge soos oksiede, fluoried en oksichloride. In die biologie speel berkelium geen bekende rol nie.

Verskyning

In die natuur kom berkelium op aarde nie voor nie. Dit word op kunsmatige wyse geproduseer.

Isotope

Die hoofartikel vir hierdie afdeling is: Isotope van berkelium.

Stabielste isotope
Iso	RA (%)	Halfleeftyd	VV	VE (MeV)	VP
²⁴⁷Bk	sin	1380 j	α	5,889	²⁴³Am
²⁴⁸Bk	sin	9 j	α	5,803	²⁴⁴Am
²⁴⁹Bk	sin	320 d	α	8,700	²⁴⁵Am

Daar is 19 radio-isotope bekend, waarvan ²⁴⁷Bk met 'n halfleeftyd van 1380 jaar die mees stabiel is. ²⁴⁸Bk en ²⁴⁹Bk het 'n halfleeftyd van onderskeidelik 9 jaar en 320 dae. Die oorblywende isotope het halfleeftye van minder as 5 dae.

Toksikologie en veiligheid

Oor die toksikologie van berkelium is baie min bekend.

Verwysings

↑ Milsted, J.; Friedman, A. M.; Stevens, C. M. (1965). "The alpha half-life of berkelium-247; a new long-lived isomer of berkelium-248". Nuclear Physics. 71 (2): 299. doi:10.1016/0029-5582(65)90719-4.