Bokrambossie

Bokrambossie
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Asterids
Orde:	Asterales
Familie:	Asteraceae
Subfamilie:	Asteroideae
Tribus:	Bahieae
Genus:	Schkuhria
Spesie:	S. pinnata
Binomiale naam
	Schkuhria pinnata; (Lam.) Kuntze ex Thell.
Sinonieme
	Schkuhria bonariensis Hook. & Arn.; ensomeer ;

Die bokrambossie (Schkuhria pinnata (Lam.) Kuntze ex Thell.) is 'n plant wat uitheems aan Suid-Afrika is.^[2] Dit is een van die onkruidspesies wat in mielievelde voorkom.^[3] Die oorspronklike voorkomsgebied is van Arizona in die Verenigde State, deur Meksiko en Sentraal-Amerika, Peru, Bolivië tot die noorde van Argentinië. Dit groei nou ook in Suider-Afrika, Kenia, die ooste van Australië, Japan, Spanje en Engeland.^[4]

Dit is 'n eenjarige plant wat 70 cm hoog kan word. Dit het talle klein geel blommetjies, en die regop stammetjies kan houtig word. In Peru word dit deur die Ketsjwa-sprekende bevolking van die Andes Canchalagua genoem. Hulle gebruik is as medisinale kruid teen talle kwale.^[5] Dit word ook in Suid-Afrika teen diabetes gebruik, maar navorsing het aangetoon dat asetoonekstrakte toksies is.^[6]