Candle in the Wind
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| "Candle in the Wind" | |
|---|---|
| Enkelspeler | |
| Vrygestel | 4 Februarie 1974 |
| Genre | Pop |
| Lirici |
|
| Vervaardiger(s) | Gus Dudgeon |
Candle in the Wind (Kers in die wind) is 'n liedjie van die Britse musikant Elton John. Die teks is deur Bernie Taupin geskryf. Meer eksemplare is hiervan verkoop as enige ander album nog.[1]
Elton John het die liedjie in 1973 opgeneem en op sy album, Goodbye Yellow Brick Road, uitgereik. Die liedjie handel oor die lewe van Marilyn Monroe, wat in 1962 (11 jaar vroeër) oorlede is. Een van die temas is dat sy deur die mense om haar uitgebuit is, wat haar laaste eensame jare op aarde gekenmerk het. Die snit verskyn in 1974 as 'n enkelspeler en behaal die 11de plek op die Britse treffersparade. In 1988 is 'n lewendige weergawe uitgereik, wat 'n 5de plek in die Verenigde Koninkryk bereik het.[2]
In 1997 is dit ter nagedagtenis aan Diana, Prinses van Wallis heropgeneem, dié slag met ander lirieke. Elton John was 'n goeie vriend van Diana en het hierdie weergawe tydens haar begrafnis gesing. Hierdeur het hy 'n ooreenkoms tussen die lewens van Monroe en Diana getref. Dit is as 'n enkelspeler uitgereik, waarvan 33 miljoen kopieë verkoop is, wat dit die topverkoper enkelspeler van alle tye maak.
Op 25 Junie 2009 het Elton John die liedjie tydens 'n liefdadigheidskonsert as eerbetoon aan Michael Jackson opgedra, wat ure vroeër oorlede is.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Ben Brantley (11 Oktober 2004). "Some Like It Hot, Some Like It Painted in Words". The New York Times. Besoek op 29 Julie 2012.