Dzjalikowo

Dzjalikowo Джалыково
Dorpie
Die Boeddhistiese Galsang-choeroel op Dzjalikowo
Die ligging van Kalmikië in Rusland
Dzjalikowo Die ligging van Dzjalikowo in Kalmikië
Koördinate: 45°36′30″N 47°26′01″O
Land	Rusland
Deelgebied	Kalmikië
Rajon	Lagan
Bevolking
• Totaal	1 032
Tydsone	UTC+03:00 (MSK, Moskouse tyd)
Poskode	359212

Dzjalikowo (Russies: Джалыково) is 'n dorpie in Kalmikië, Rusland. Dit is die setel van die gelyknamige Dzjalikowo Plaaslike Munisipaliteit wat tot Lagan-rajon behoort en nog een kleiner nedersetting, Boerannoje, insluit. Dit lê op die klein Tsaptameer naby die Kaspiese See en die grens met Astrachan-oblast, 'n ander federale deelgebied van Rusland.

Geskiedenis

Die dorpie is in die 19de eeu gestig deur die etnies Russiese vissers uit die Wolga-rivierdelta in die huidige Astrachan-oblast. Dit het oorspronklik die naam Michailofskoje of Michailofka gekry wat van die Russiese weergawe van die eerstenaam Michael kom. Dit is later na Dzjalikowo hernoem ter ere van Chochol Dzjalikof wat van 1927 tot 1934 die hoof van die Sentrale Komitee van die plaaslike tak van die Kommunistiese Party van die Sowjetunie was.

Die Galsang-choeroel op Dzjalikowo is die eerste Boeddhistiese tempel wat in Kalmikië gebou is ná die ontbinding van die Sowjetunie. In 1992 het Tenzin Gyatso, die 14de Dalai Lama, Dzjalikowo se choeroel besoek.

Demografie

Volgens Sensus 2010 het Dzjalikowo 1 071 inwoners gehad. Etniese Kalmikiërs vorm die meerderheid van die dorpie se bevolking.

Etniese groepe	Sensus 2010	Persentasie
Kalmikiërs	923	86,18%
Russe	95	8,87%
Kasakke	38	3,55%
Oekraïners	6	0,56%
Aware	3	0,28%
Belarusse	3	0,28%
Koreane	3	0,28%
Totaal	1 071	100%