Fokus

’n Oog fokus wanneer al die ligstrale van ’n punt op die voorwerp op ’n ooreenstemmende punt op die retina val.

’n Beeld wat net gedeeltelik in fokus is. Die grootste deel is in ’n mate uit fokus.

In optika is fokus of brandpunt die punt waar die ligstrale wat van ’n voorwerp af kom, konvergeer of byeenkom wanneer dit deur ’n lens val.

’n Beeld of area is in fokus wanneer lig van verskillende punte van die voorwerp sover moontlik byeenkom op die beeld wat gevorm word, en uit fokus wanneer die ligstrale nie goed gekonvergeer is nie. Die grens tussen dié twee verskynsels word soms die "verstrooingskring" genoem.

Die afstand tussen die lens en die fokus word die brandpunt- of fokusafstand genoem.