Geelrant-maanstert
| Geelrant-maanstert | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | |
| Genus: | |
| Spesie: | V. louti
|
| Binomiale naam | |
| Variola louti Forsskål, 1775
| |
Die geelrant-maanstert (Variola louti) is 'n vis wat voorkom in die Indiese-Pasifiese area, die Rooisee en aan die ooskus van Afrika tot by Port St. Johns. In Engels staan die vis bekend as die Yellow-edge lyretail.
Voorkoms
[wysig | wysig bron]Die vis se kop, lyf en vinne is bruin tot oranje-rooi en die lyf is bedek met kolletjies waarvan die kleur wissel van blou tot pienk. Die agterste rante van die al die vinne is helder geel. Die onvolwasse visse het 'n horisontale band wat bestaan uit 'n klomp onreëlmatige swart vlekke terwyl die onderkant witterig is met 'n swart kol op die stertvin en daar blou kolle op die hele lyf is. Die vis word 81 cm groot en weeg tot 12 kg.
Habitat
[wysig | wysig bron]Die vis leef in koraalriwwe wat ver van die kus is en by eilande in water wat 3 – 50 m diep is. Die vis eet ander vis, party soorte krappe en garnale. Die wyfie skiet kuit van Desember tot Februarie. Party van die visse veroorsaak ciguatera vergiftiging.
Sien ook
[wysig | wysig bron]- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron
[wysig | wysig bron]- Coastal Fishes of Southern Africa. Phil & Elaine Heemstra. 2004. ISBN 1-920033-01-7
