Irrawaddy
| Irrawaddy | |
|---|---|
 | |
 Die stroomgebied van die Irrawaddy. | |
| Oorsprong | Saamvloei van Mali- en N'Mai-rivier, Damphet, Kachin (Mianmar)[1] |
| Monding | wes van Yangon, Mianmar Andamanse See |
| Stroomgebied | Mianmar |
| Lengte | 2 170 km (1 348 myl) |
| Oorspronghoogte | 147 m (482 voet) |
| Mondinghoogte | 0 m (0 voet) |
| Gemiddelde afloop | 13 000 m³/s (459 091 ft³/s) |
| Stroomgebiedopp. | 413 710 km² (159 734 myl²) |
 Kaart van die Irrawaddy-bekken in Asië.
| |
Die Irrawaddy of Ayeyarwady (Birmaans: ဧရာဝတီ) is 'n groot suid-vloeiende rivier in Asië. Die rivier, met 'n lengte van 2 170 km (1 348 myl), is die langste rivier in Mianmar en ook dié land se belangrikste waterweg.
Die Irrawaddy ontstaan deur die saamvloei van die Mali- en N'Mai-rivier in die Kachin-Staat in die noorde van Mianmar. Beide bronriviere ontspring in die suidooste van die Himalaja net suid van die Chinese Outonome Gebied Tibet. Aansluitend vloei die Irrawaddy in suidwestelike rigting en bereik Myitkyina, die grootste stad aan die boloop van die rivier. Hier bereik die rivier die sentrale binneland van Mianmar en vloei verder in suidwestelike rigting tot Mandalay, die grootste stad aan die rivier. Net wes van die stad mond die Chindwin, die rivier se grootste sytak, in die Irrawaddy uit. Vanaf hier vloei die rivier in suidelike rigting tot by die rivier se uitgestrekte delta, waar dit in die Andamanse See uitmond. In die ooste van die delta is die Yangon, die belangrikste hawestad en voormalige hoofstad van Mianmar, geleë.
Verwysings
[wysig | wysig bron]
Wikimedia Commons het meer media in die kategorie Irrawaddy.
- ↑ (en) James R Penn (2001) Rivers of the World. Santa Barbara, Calif. [u.a.] ABC-Clio ISBN 1-57607-042-5, ISBN 978-1-57607-042-0. bl. 115 paragraaf 2, Besoek op 24 Februarie 2015.
