Ischia (eiland)
Ischia (Italiaanse uitspraak: [ˈiskja]) is 'n vulkaniese eiland wat geleë is in die Tirreense See. Dit lê op die noordelike einde van die Golf van Napels, omtrent 30 kilometer (19 myl) van die stad van Napels.
Dit is die grootste van die Phlegriese eilande. Die eiland is in 'n trapesoïde vorm gevorm, en beslaan rofweg 10 km (6 myl) van die ooste na die weste, en 7 km (4 myl) van die noorde na die suide. Dit het omtrent 34 km (21 myl) se seekus, en 'n oppervlakarea van 46.3 vierkante kilometer (17.9 vierkante myl). Dit bestaan omtrent geheel en al uit berge, en die hoogste piek is Berg Epomeo op 'n hoogte van 788 meter (2,585 voet.[1] Die eiland word dig bewoon.
Ischia is die naam van die hoof comune of nedersetting van die eiland. Die ander comuni is Barano d'Ischia, Casamicciola Terme, Forio, Lacco Ameno en Serrara Fontana.
Ischia se hoofbedryf is toerisme, en dit fokus op warmwaterbron spas wat meestal Europese (veral Duitse) en Asiese toeriste bedien wat gretig is om die vrugte van die eiland se natuurlike vulkaniese aktiwiteite te geniet, asook die eiland se warmwaterbronne en sy vulkaniese modder.
Op 26 November 2022 het 'n massiewe grondverskuiwing Casamicciola getref, waarna Italië se Raad van Ministers 'n noodtoestand afgekondig het. [2] Volgens die Minister van Infrastruktuur, Matteo Salvini, het agt mense in die grondverskuiwing omgekom. 'n Gevaarlike situasie is ook waargeneem in Lacco Ameno, waar modderstortings sowat 10 geboue vernietig het en ongeveer 20 tot 30 mense in hul huise vasgekeer het.
Verwysings
[wysig | wysig bron]- ↑ "Mount Epomeo". Princeton Encyclopedia of Classical Sites.
- ↑ https://sputniknews.com/20221127/italian-government-declares-state-of-emergency-on-ischia-island-after-saturday-landslide-1104765989.html
| Hierdie artikel is in sy geheel of gedeeltelik vanuit die Engelse Wikipedia vertaal. |
