Kartonmeubels

Kartonmeubels is meubels wat ontwerp is om van geriffelde karton, swaar karton of kartonbuise vervaardig te word.

Daar is verskillende soorte kartonmeubels.

Die Frank O. Gehry-styl

Dieselfde meubelvorm word verskeie kere uit karton gesny en dan saamgestel om 'n soliede stuk te skep.

Doen-dit-self kartontegniek

Die meubelstukke word as los stukke, in 'n plat verpakte vorm verkoop. Die verbruiker konstrueer tuis self die meubelstuk deur die verskillende stukke aan mekaar te sit.

Die liggewig konstruksiestyl

Die omgewingsvriendelike kartonbuisstoel

Raamkonstruksie en bedekking

Geskiedenis en ontwikkeling

Wikkelstoel deur Frank Gehry vir NGV Design, 1972

Alhoewel mense so lank as wat dit al bestaan op verskillende maniere van karton gebruik maak, is dit waarskynlik eers deur Frank Gehry (f. 1929) aan die ontwerpwêreld bekendgestel. Sy produksielyn, wat nog deur Vitra vervaardig en verkoop word, bestaan uit moderne stoele en tafels. Die tafels, wat met verborge skroewe en veselbordrande gemaak is, kan blykbaar die gewig van duisende ponde hanteer. Die 'Wikkelstoel', wat al verskeie ontwerptoekennings verower het, word in museumuitstallings van die Londense Ontwerpmuseum en elders, vertoon. Die stoel bestaan uit 60 lae geriffelde karton wat deur versteekte skroewe en veselbord aanmekaar gehou word.

• 
  Falthocker kartonbankie deur Hans-Peter Stange, Berlyn 1979
• 
  Pappbett kartonbed deur Hans-Peter Stange, Berlyn 1989
• 
  Kartonbuisstoel deur Manfred Kielnhofer, 2002
• 
  Kartonmeubels ontwerp deur Mark Wee, Robin Wau & Jonathan Choe vir die Singapore Biennale se openingsparty, 2006
• 
  Kartonstoel deur Amrish Kawa

Aan die begin van die tagtigerjare het kartonmeubels in Frankryk baie gewild geraak na aanleiding van Eric Guiomar se tegniek. Dit verskil totaal van Frank Gehry se tegniek. Volgens Guiomar se tegniek word die meubels van geriffelde karton, wat enkel, dubbel of trippel groewe kan hê, gemaak. 'n Raam met ineengestrengelde kartonstukke, wat volgens die oorspronklike ontwerp gesny is, word eers gemaak. Dit vorm die ondersteuningsraamwerk van die meubelstuk. Daarna word die raamwerk met karton wat op die vorms "gerol" word, sodat dit perfek pas, bedek. Hierdie tegniek bied groot vryheid met betrekking tot die keuse van vorms en materiale.

Verbruikersmark

Afgesien van galery-uitstallings, word die idee om karton as 'n materiaal vir die konstruksie van meubels te gebruik, al hoe gewilder, veral gegewe die volhoubare eienskappe daarvan. Karton is volledig herwinbaar en word hoofsaaklik van herwinde papier vervaardig. Dit is gewoonlik ook moontlik om dit in enige kleur en patroon te bedruk. Nuwe bemarkingsareas delf dieper in volhoubare produkte; groen bemarking identifiseer byvoorbeeld marksegmente wat daartoe geneig sal wees om 'n produk soos kartonmeubels te gebruik. (bv. LOHAS).

Literatuur

• Dry, Graham. "Hans Günther Reinstein und seine Möbel aus Pappe". In: Kunst in Hessen und am Mittelrhein (1982) 22, pp. 131 ff.
• Martens, Bob. "Das Kartonmöbel". Wien: Technische Universität Wien, 1995, ISBN 3-901153-03-9
• Minke, Gemot. "Bauen mit Pappe". In: DBZ (1977) 11, pp. 1497–1500.
• Schreibmayer, Peter. "Cardboards. Bauen mit Pappe. " In: Architektur Aktuell (1991) 146, pp. 20–21.
• Digel, Marion. "Papermade. Wohnen mit Objekten aus Papier und Karton, München 2002, ISBN 3-576-11580-3
• Leblois, Olivier. "Carton. Mobilier / Éco-Design/Architecture ", Marseille 2008, ISBN 978-2-86364-186-6
• Begleitbuch zur Ausstellung "Einrichten - Leben in Karton", Städtische Galerie Villa Zanders, Bergisch-Gladbach 2008
• Cardboardbook (Ginko Press 2010), ISBN 978-1-58423-371-8

Eksterne skakels

• Wikimedia Commons het meer media in die kategorie Kartonmeubels.