Sigsagstoel
Die Sigsagstoel is 'n stoel wat in 1934 deur Gerrit Rietveld ontwerp is.
Die stoel het 'n minimalistiese, vrydraende ontwerp, sonder pote. Dit word vervaardig deur 4 plat houtplanke wat in 'n Z-vorm, met swaelstertvoeë aanmekaar geheg word. Die stoel word tans deur die Italiaanse vervaardiger Cassina S.p.A. vervaardig.
Geskiedenis
[wysig | wysig bron]In die vroeë 1930s het die Hollandse afdelingswinkel Metz & Co vir Rietveld gevra om 'n stoel vir massaproduksie te ontwerp. Die argitek het ingestem en 'n Z-vormige stoel van stewige iephout met koperskroewe voorgestel. Dit was nie 'n standaard tipe stoel nie, maar verbasend genoeg was die armlose, pootlose, vrydraende stoel, tegelykertyd gemaklik en stewig. Die stoel is later ook van eikehout gemaak.
Hoewel Rietveld blykbaar die stoel as " 'n ontwerpersgrap" beskou het, was die stoel gou baie gewild en het dit ikoniese status verwerf. Tydens 'n advertensieveldtog het die ontwerper Karl Lagerfeld aangedui dat die stoel sy persoonlike gunsteling is. Die kontemporêre Hollandse ontwerper Joris Laarman beskryf die stoel as eenvoudig, dog elegant. Kevin Roberts van die interieurontwerpfirma Haynes-Roberts bekryf die stoel as "suiwer abstraksie".
As gevolg van die gewildheid van die stoel is dit deesdae baie duurder as toe dit oorspronklik vir massaproduksie vervaardig is. Sotheby het in November 2018 twee sigsagstoele van die ontwerper Jacques Grange se versameling vir $ 30,000 verkoop. In ooreenstemming met Rietveld se etos van beskikbaarheid, vervaardig Cassina egter wel reproduksies van die stoel - in kersiehout, essehout of gekleurd - teen baie meer bekostigbare pryse.
Sien ook
[wysig | wysig bron]Bronne
[wysig | wysig bron]- Fiell, Charlotte and Peter (2001). Chairs. London: Taschen. ISBN 3 8228 5507 3.
- Lees oor 2012-01-09 oor die Sigsagstoel op www.bonluxat.com Geargiveer 24 Augustus 2013 op Wayback Machine
- Martin, Hannah (2018). The Story Behind The Iconic Zig-Zag Chair. www.architecturaldigest.com
- Oor die Sigsagstoel op www.modernfurnituredesigners.interiordezine.com Geargiveer 3 Januarie 2013 op Wayback Machine, lees 2012-01-09
Eksterne skakels
[wysig | wysig bron]
Wikimedia Commons het meer media in die kategorie Sigsagstoel.
