Subiaco Ovaal

Subiaco Ovaal
Die Subiaco Ovaal tydens 'n Australiese Voetbalwedstryd in 2004
Bynaam	Domain-stadion
Ligging	Robertsweg, Subiaco, Wes-Australië
Koördinate	31°56′40″S 115°49′48″O
Eienaar	Wes-Australiese Regering
Operateur	Wes-Australiese Voetbalkommissie
Kapasiteit	43 500
Oppervlak	Gras
Konstruksie
Eerste sooi gespit	1908
Gebou	1908
Boukoste	1991 Herbou – AU$45 miljoen
Argitek	Verskeie
Huurders
Fremantle Dockers (Aussie Rules) (1995–huidig) Weskus Arende (Aussie Rules) (1987–huidig) Australiese nasionale voetbalspan (Aussie rules) Wallabies (Rugby) Western Force (Rugby) (2006–2009)

Die Subiaco Ovaal (ook Domain-stadion weens borgskapredes), in volksmond ook bekend as Subi, is die grootste sportstadion in Perth, Wes-Australië. Dit is geleë in die voorstad Subiaco, ongeveer drie kilometer van Perth se sentrale sakegebied.

Die Subiaco Ovaal word hoofsaaklik gebruik vir Australiese Voetbalwedstryde en dit is die tuisveld van die Weskus Arende en Fremantle Voetbalklub, die twee Wes-Australiese spanne in die Australiese Voetballiga. Die stadion word ook soms gebruik vir Wes-Australiese Voetballigawedstryde. Die stadion word nie eksklusief vir voetbalwedstryde gebruik nie en ook al 'n paar eindstryde van die Nasionale Sokkerliga, internasionale rugbywedstryde (waaronder wedstryde in die Rugbywêreldbeker 2003) en Internasionale Reëls-wedstryde, en ook 'n paar musiekkonserte, aangebied. In 2006 het dit ook die tuisveld van die Super 14 span in Perth, die Western Force, geword. Die Force het in 2010 na die Perth Ovaal geskuif.

Veldstruktuur

Subiaco Ovaal se drie toegeroep staan tydens 'n voetbalwedstryd

Subiaco Ovaal word ingestel vir 'n Super 14-wedstryd in 2006

Die veld is die eerste keer gebou in 1908 op 'n plek met die naam Muellerpark. In 1969 is 'n drievlakpaviljoen aan die weseinde van die stadion gebou en in 1981 is 'n tweevlakpawiljoen voltooi. Verdere herontwikkeling het in 1995 gekom met die opening van 'n nuwe tweevlakkige "ANZ paviljoen" oorkant die vorige twee-vlakkige paviljoen. In 1997 is ligte aangebring. Die laaste herontwikkeling, waardeur paviljoene reg rondom die speelveld aangebring is, is in 1999 voltooi teen 'n koste van AU$35 miljoen.

Die drievlakpaviljoen is die Orr-Simons-Hill-paviljoen genoem ter ere van drie leidende figure in die geskiedenis van die WAFL (toe die WANFL). Dit is tot vroeg in die 1990's op die westelike aansig van die paviljoen vertoon, maar is vervang met die logo van 'n kommersiële borg. Daar is 'n klein gedenkplaat met die oorspronklike naam van die paviljoen by een van die trappe aangebring en elke vlak het 'n bord op die agtermuur; die grondvlak is die R.W. Hill-paviljoen, die tweede vlak is die W.R. Orr-paviljoen en die derde vlak is die J.J. Simons-paviljoen (Hill was kaptein van die Wes-Perth Voetbalklub in 1940 en '41 en Sekretaris van die WANFL in 1968, Orr was Sekretaris van die WANFL in 1932 en Simons was Sekretaris van die WANFL van 1904 tot 1915).

Die Subiaco Ovaal het sitplek vir 43 500 mense. Die stadion word verlig deur vier ligtorings. Daar was aanvanklik bekommernis oor die tekort aan die estetiese waarde van die ligte, maas nadat dit geïnstalleer is, is die bekommernisse laat vaar.

Velddimensies

In terme van Australiese voetbal is die Subiaco Ovaal die langste veld in die kompetisie en besoekende spanne moet dikwels hul spelpatrone aanpas. Daar word soms na die stadion as die House of Pain verwys omdat baie besoekende spanne hier verloor. Meer onlangs het die Weskus Arende en die Fremantle Dockers egter op hul tuisveld begin verloor, wat die bynaam 'n oneer aandoen.

Naamregte

In 2003 het die telekommunikasiemaatskappy Crazy John's op kontroversiële wyse probeer om die naamregte van die stadion te koop, maar die bod is deur die raad van Subiaco geweier wat geweier het om advertensieborde buite aan die stadion aan te rig. In Mei 2005 is 'n nie-kommersiële naamsverandering oorweeg; die voorgestelde naam was "ANZAC Field" en is voorgestel deur die Wes-Australiese Voetbalkommissie. Dit is egter deur Deanne Kelly, Minister vir Veterane Sake, afgeskiet (Anzac is 'n federaal beskermde woord).

'n Panorama-aansig van die Subiaco Ovaal gedurende 'n AFL-wedstryd

Wedstryde

Rugbywêreldbeker 2003

Hoofartikel: Rugbywêreldbeker 2003.

Datum	Span 1	Telling	Span 2	Rondte	Toeskouers
11 Oktober 2003	Suid-Afrika	72–6	Uruguay	Groep C	16 906
12 Oktober 2003	Engeland	84–6	Georgië	Groep C	25 501
15 Oktober 2003	Samoa	60–13	Uruguay	Groep C	22 020
18 Oktober 2003	Suid-Afrika	6–25	Engeland	Groep C	38 834
19 Oktober 2003	Georgië	9–46	Samoa	Groep C	21 507

As 'n plek vir konserte

Die Subiaco Ovaal het reeds verskeie konserte aangebied waaronder die volgende:

• Elton John – 16 Oktober 1971
• The Bee Gees – 4 Februarie 1972
• Duke Ellington and His Orchestra – 5 Februarie 1972
• Led Zeppelin – 16 Februarie 1972
• Slade - 31 Januarie 1973
• Genesis – 6 Desember 1986
• Australian Made – 10 Januarie 1987
• Billy Joel – 16 Februarie 1991
• Paul McCartney – 5 Maart 1993
• Elton John & Billy Joel – 4 Maart 1998
• Rumba Festival – 3 Desember 2002
• The Eagles – 11 November 2004
• Rod Stewart & Bryan Adams – 26 Februarie 2005
• Neil Diamond – 19 Maart 2005
• Pearl Jam – 25 November 2006
• Robbie Williams – 30 November en 1 Desember 2006
• Bon Jovi – 25 Januarie 2008 - 28 790 mense (toeskouers)
• André Rieu – 22 November 2008
• AC/DC – 6 en 8 Maart 2010
• Bon Jovi – 8 Desember 2010 - 29 644 mense (toeskouers)
• U2 – 18 en 19 Desember 2010
• Summadayze – 6 Januarie 2013
• Origin NYE Festival – 31 December 2014
• One Direction – 20 Februarie 2015 - 28 968 mense (toeskouers)
• Fleetwood Mac – 30 Oktober 2015
• AC/DC – 27 en 29 November 2015

Weens die stadion se groot ovaal vorm is dit nie 'n geskikte plek om konserte aan te bied nie en die stadion het ook 'n swak akoestiek. Dit word dikwels aangewys as die plek om konserte aan te bied omdat geen ander plekke in Perth groot genoeg is nie.

Eksterne skakels

• (en) Satellietbeeld van die Subiaco Ovaal
• (en) Perth Ovaal by austadiums.com.au